وهم أسمه عفشة سبورت لل128

**zastaffa** · 03-05-2009 02:17 AM

علي فكره يا جماعة أرينا كتير أوي ودماغنا ورمت وفلطحت علي النت وفي مختلف المنتديات عن حاجة أسمها العفشة الرياضيه لل128 ودلعني بأه وقولي عفشه كوني وسوست ومساعدين كوني وهتخش المطب كأنك راكب هامر والدنيا بامبي وفي الاخر ياعم الحج ألف مصر كلها علي حاجة أسمها كوني ملأيش طب عفشه رياضية أي نوع ملأيش برضه لدرجة أني دخلت محل في شارع زكي بالتوفيقيه وسألت الراجل هو ه يا عم عندك عفشة 128 رياضية قام الراجل هب فيه وقالي يلا يله أمشي أنا ناقصك ياخويا وكان هيقوم يضربني لولا ولاد الحلال المهم مفقدتش الامل وأعدت أدور لحد ماروحت لواحد قالي يابني هوه فعلا في حاجه أسمها عفشه كوني بس مبتجيش مصر لأنها ياباني وغالية جدا جدا ومحدش بيقدر علي تمنها لأنها غاليه جدا عشلن كده التجار مبيرضوش يستوردوها ووصلت لحاجة أخيرة أن كل ال128 اللي أحنا بنشوفها متوطيه ومتروشة هي في الاصل مقصوصة السوست بتاعتها عند حداد او خراط أهو كله بيفتي وبتركبلها جنوط أسبور وشكرا علي كده

**sab3aawy** · 03-05-2009 12:44 PM

هو بس السؤال اللى محيرنى : ليه؟

ليه اصرف على العربية علشان خاطر اوطيها وانزلها على الأرض، وكل مطب صناعى يحك فى الشاسيه ويقطم وسطه؟

طمعا فى اداء رياضى وثبات؟ ال128 بوضعها العادى ثباتها مقبول جدا لحد ال 120 اللى هى بتجيبهم

طمعا فى منظر ؟ ماهى برضه فى الأخر 128 ومهما اتعمل فيها معروف انها عربية شاب صغير فى مقتبل الحياه، كل اللى بيفرق لما تكون معمولة بالمنظر ده ان الناس فى الشارع لما بتشوفها بتنقسم لصنفين، صنف بيوسع ويخلى الطريق لقائدها لأنهم مفترضين من منظرها انه شاب من نوعية(روش طحن) والصنف ده من الناس بيكون معندوش استعداد انه يحرق دمه مع الأخ اال(روش طحن) ، والصنف التانى بيتعمد يغلس من قبل ما قائد السيارة(ألمتروشة) يفكر انه يعمل حاجة، برضه انطلاقا من نظرية (غلس عليه قبل ما يغلس عليك) ، لكن فى النهاية الصنفين بيكونوا متحفزين للعداء مقدما مع مثل هذةالسيارات( المتروشة) وده بيخلى قائد السيارة دى عينه فى وسط راسه طول الوقت حتى لو هو قائد ملتزم لأن هو اللى حط نفسه فى الفئة دى بمظهر سيارته، ده طبعا غير ان مثل هذة السيارات بتتوقف فى اى كمين وتتفتش، ولو مركب معاك اختك او قريبتك الظابط هيعاملها معاملة مهينة جدا لأنه مش هيفترض انها اختك او قريبتك لكن هيفترض انها حاجة تانية وعليك ان تثبت العكس.....طب وعلى ايه ده كله، ما الفلوس اللى هتصرفها على (ترويش) ال 128 ، بيع ال 128 وهات حاجة اعلى وخلاص

**Ahmed Selim** · 03-05-2009 03:04 PM

تصحيح بسيط............الكونى أصله هولندى مش يابانى و بيجى مصر بس مفيش لل 28

**ahmedfawzy14** · 03-05-2009 10:09 PM

المشاركة الأصلية كتبت بواسطة sab3aawy

هو بس السؤال اللى محيرنى : ليه؟

ليه اصرف على العربية علشان خاطر اوطيها وانزلها على الأرض، وكل مطب صناعى يحك فى الشاسيه ويقطم وسطه؟

طمعا فى اداء رياضى وثبات؟ ال128 بوضعها العادى ثباتها مقبول جدا لحد ال 120 اللى هى بتجيبهم

طمعا فى منظر ؟ ماهى برضه فى الأخر 128 ومهما اتعمل فيها معروف انها عربية شاب صغير فى مقتبل الحياه، كل اللى بيفرق لما تكون معمولة بالمنظر ده ان الناس فى الشارع لما بتشوفها بتنقسم لصنفين، صنف بيوسع ويخلى الطريق لقائدها لأنهم مفترضين من منظرها انه شاب من نوعية(روش طحن) والصنف ده من الناس بيكون معندوش استعداد انه يحرق دمه مع الأخ اال(روش طحن) ، والصنف التانى بيتعمد يغلس من قبل ما قائد السيارة(ألمتروشة) يفكر انه يعمل حاجة، برضه انطلاقا من نظرية (غلس عليه قبل ما يغلس عليك) ، لكن فى النهاية الصنفين بيكونوا متحفزين للعداء مقدما مع مثل هذةالسيارات( المتروشة) وده بيخلى قائد السيارة دى عينه فى وسط راسه طول الوقت حتى لو هو قائد ملتزم لأن هو اللى حط نفسه فى الفئة دى بمظهر سيارته، ده طبعا غير ان مثل هذة السيارات بتتوقف فى اى كمين وتتفتش، ولو مركب معاك اختك او قريبتك الظابط هيعاملها معاملة مهينة جدا لأنه مش هيفترض انها اختك او قريبتك لكن هيفترض انها حاجة تانية وعليك ان تثبت العكس.....طب وعلى ايه ده كله، ما الفلوس اللى هتصرفها على (ترويش) ال 128 ، بيع ال 128 وهات حاجة اعلى وخلاص

يا بمبو يا بمبو

:10D5C8~1107: