انا يا جماعة معايا الاسترا وغيرت طقم دبرياج فحتيط زيت فالفلين 80/90 بدل الباور ومش عارف هو ده صح ولا لا من ساعتها والفتيس بقي خشن وقولت للميكانيكي قالي لا تلاقي الزيت ناقص زوده ..ايه راي الناس الخبره ازوده ولا اغيره وارجع زيت الباور تاني:36_1_40[1]:
عرض للطباعة
انا يا جماعة معايا الاسترا وغيرت طقم دبرياج فحتيط زيت فالفلين 80/90 بدل الباور ومش عارف هو ده صح ولا لا من ساعتها والفتيس بقي خشن وقولت للميكانيكي قالي لا تلاقي الزيت ناقص زوده ..ايه راي الناس الخبره ازوده ولا اغيره وارجع زيت الباور تاني:36_1_40[1]:
زيت الفتيس يختلف عن زيت الباور
زيت الباور مخصص لنقل الضغط الذى تولدة طلمبة ميكانيكية الى كباس و بالتالى هو مصمم للعمل تحت ضغوط شديدة و ليس للتزييت و تقليل الاحتكاك
بالنسبة لعلبة التروس التى تحتوى على زيت احمر فان هذا الزيت هو زيت بدرجة لزوجة منخفضة (حوالى 70W) و مصمم فى الاساس للسيارات التى تعمل فى الاجواء الباردة كقارة اوروبا و علية فانه لا ينصح باستخدام الزيت المذكور فى البلاد الحارة و يفضل استبداة بزيت 90W
ما شعرت به من خشونة يعتبر طبيعى نظرا لاختلاف اللزوجة بين الزيت السابق و الحالى
استشارى المنتدى
شكرا جدا لردك ....طيب اقيسه فين عشان اعرف ان كان عايز يتود ولا لا عشان كل لما اروح بنزينه يقولي معنديناش
انا امبارح رحت البنزينه قيسته وقالي انه زايد قوي يجي كيلو ونص معرفش ازاي ونزل الزيت الزياده بس الغيار بقي احسن انما مع الحرارة العليه المرشيدين بقي بيزعق يعني وهي برده مبيعملش كده لما العربية تسخن وتعمل مشوار كبير ..ودي ظهرت بعد لما نزل الزيت ده بس الغريب انه بيقولي الزيت محروق وانا لسه مغيره..ياريت لو تقدر ترد عليا يبقي كتر الف خيرك
بص يا باشا .. أنا برده كان الفتيس ثقيل معايا جداااا بس لما بسافر وأحمل على الخامس كثير .. انما جوا البلد مفيش مشكلة .. رحت لواحد بتاع زيت .. وصفى الزيت القديم اللي بقالي 7 سنين مغيرتوش .. وقالي الزيت محروق وعامل زي الشحم مش زيت !! وحطلي زيت Isso والعربية أخذت 2 لتر (يعني علبتين) العلبة بـ 16 جنيه .. وبعدها حسيت ان العربية لتحسنت .. ومفيش اسبوع والتروس قفشت قفشة سوداء !! ورحت لمنصور فكلي الجير بوكس وصفى الزييت اللي لسه مغيره .. وكان عايز يحطلي زيت فلفلين وده زيت معفن بيتحط في العربيات القديمة بس .. هزقته ورحت اشتريت زيت الفتيس الخاص بتاعها GM وجبت علبتين بـ 120 جنيه يعني العلبة بـ 60 جنيه .. والعربيه الحمد لله بقت كويسه والفتيس تمام .. وان شاء الله حأصورلك علبة زيت الفتيس الأصلية بتاعة الأوبل قريب وأرفعها للمنتدى
ياريت ويبقي كتر الف خيرك واشتريته منين
اشتريته من منفذ بيع قطع الغيار اللي في منصور الطيران - وكانت العلبة الواحده بـ 60 جنيه والعربية عندي أخذت علبة ونص .. وخلي بالك لازم تأخذ النص الباقي اللي فايض علشان الصنايعية اللي في منصور الطيران كانوا عايزين يسرقوه .. بس تنحت معاهم وأخذته معايا .. ونصيحة بلاش تعمل أي شغل عندهم علشان فرع زي الزفت ..
صورة زيت الفتيس العاده الـ GM الأصلي بتاع الأوبل :
http://www4.0zz0.com/2009/05/11/07/639565859.jpg
http://www10.0zz0.com/2009/05/11/07/938770748.jpg