النترا - سيراتو(الشكل القديم) - فيات لينيا

**Dr.Karim Emam** · 03-05-2009 02:07 PM

طبعا كلنا عارفين الفرق بين الالنترا و السيراتو بس في عربية اخرى ماحدش جاب سيرتها خالص الفيات لينيا؟؟؟؟
ياريت تقولولى ايه رايكم فيها و هي احسن ولا الالنترا و السيراتو الشكل القديم؟
مع العلم ان اللينيا و الالنترا مانيوال و السيراتو اول فئة في الاوتوماتيك

**Dr.Karim Emam** · 03-05-2009 02:21 PM

فيات لينيا

سيراتو

انترا

**mohd2** · 03-05-2009 02:32 PM

اااللينيا من بره جامده جدا وراي انها احسنهم بس الفرش الداخلي مش حلو

**Hosam_Optrawy** · 03-05-2009 02:39 PM

شوف ياباشا
الفيات لينيا طبعا محدش ينكر انها شكلها جامد وشيك
بس اكيد اعادة البيع فى الضياع والتوكيل وقطع الغيار معرفش نظامهم
ده غير ان موتورها يعتبر ضعيف تقريبا 77 حصان
نيجى للالنترا والسيراتو اللى هما يعتبروا اخوات توأم
الالنترا كلها مميزات بس فيها عيبين
ان وكيلها غبور والتانى انها لما بيبقى راكب فيها 3 بتبقى واطيه وبتحك
العيب الاولانى ملوش حل
والتانى ممكن تحله بانك ممكن تجيب كاوتش مقاس 195/65 على نفس مقاس الجنط الموجود اللى هو 15
كدا انت عرضت الكوتش فهتبقى اثبت وفى نفس الوقت عليت العربيه ا سم
السيراتو برضه ممتازه وخاصة انك هتجيبها اوتوماتيك فهتبقى اريح
وكمان فتيسها ستيبترونيك وممتع فى القياده
عيبها الوحيد ان سوقها مش ماشى زى الهيونداى بمعنى ان اعادة بيعها مش قويه زى الهيونداى

**Fadi Ezzat** · 03-05-2009 04:21 PM

الالنترا احسنهم بردة لكن توكيل السيراتو احلى

**abou_ruqi** · 03-05-2009 04:52 PM

اركب عربية صح وطز في اعادة البيع ، علشان مش شوية تجار ما بعرفوش يقروا ويكتبوا حيتحكموا في السوق و يقولولنا اركبوا دي ومتركبوش دي !!
في عضو هنا راكب سيفيك مرة قال حكمة خالدة

تركب عربية تعكننك ٥ سنين علشان يوم البيع تبقى مبسوط ؟ وآلا تركب عربية تنبسط بيها ٥ سنين وتزعل شوية يوم البيع ويومين وحتنسى ؟

هات لينيا علشان دي السيدان بتاعت الجراند بوتنو اللي انا شايفها احلى من اي حاجة كوري بصراحة وتصارع الايطالي من ٠ : ١٠٠ فظيع ، حتعمل ايه بعدد الاحصنة ؟

**ghazy12** · 03-05-2009 05:45 PM

المشاركة الأصلية كتبت بواسطة abou_ruqi

تركب عربية تعكننك ٥ سنين علشان يوم البيع تبقى مبسوط ؟ وآلا تركب عربية تنبسط بيها ٥ سنين وتزعل شوية يوم البيع ويومين وحتنسى ؟

+111111111111111111111111111

بصراحة اللينيا عربية شيييك بغبااااااااااء.... مش ممكن.. وفيها كل وسائل الأمان و الرفاهيات.. متعة من الاخر..... بس هل قطع غيارها متوفرة و سعرها كويس ولا مبالغ فيه؟؟؟ انا مش عارف بصراحة, بس لو حد معاه العربية ممكن يفيدنا لأن انا سامع كلام وحش بخصوص قطع الغيار و كده..!!!

لو الموضوع بتاع قطع الغيار تمام.... اذن لينيا يا باشا و استمتع بالتميز و الراحة

**Dr.Karim Emam** · 03-05-2009 08:41 PM

شكرا علي مشاركتكم
بس بالنسبة لقطع غيار اللينيا, هل هى متوفرة و منتشرة برة التوكيل و ياريت لو اى حد جاب اللينيا يقول لنا علي رأيه فيها و الثبات و استهلاك البنزين و اسعار قطع الغيار

-

-

مشاهدة نتائج الإستطلاع: ايهما تفضل؟

الموضوع: النترا - سيراتو(الشكل القديم) - فيات لينيا

LinkBack

أدوات الموضوع

عرض

-

-

-

المواضيع المتشابهه

مطلوب النترا او سيراتو الشكل القديم

مقارنة بيت هيونداى النترا ( الشكل القديم ) و كيا سيراتو ( الشكل القديم )

النترا الشكل القديم

الى اى حد معه النترا الشكل القديم

ايه الفرق بين كيا سيراتو الشكل القديم و الشكل الجديد ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة