الموضوع: بتسلف عربيتك لحد ........

في البداية احب احيي اللي طرح الموضوع لانه موضوع خطير جدا و حساس قوي
اولا بالنسبة لي حاليا ممكن اسلف عربيتي لو علي سبيل التجربة يعني للتعرف عليها و في وجودي بمعني ان اللي حيستلفها حكون انا معاه و ده من باب الحرص علي العلاقات الاجتماعية لاني كنت بسلف عربيتي المازدا للكهربائي و الميكانيكي بصراحة الكهربائي كان في منتهي الذوق و يسلمني العربية احسن من الاول و متفولة بنزين و نضيفة انما الميكانيكي بكل اسف كنت الاقي العربية في منتهي الاتساخ بواكي بسكويت و بقايا شيكولاتة علي الكراسي لكن للاسف كان هو اتعود انه يطلبها مني و انا بديهاله علطول ناهيك عن القلق النفسي اللي كنت بكون فيه و العربية بعيدة عني
انما اول ما اشتريت اللانسر عاهدت نفسي ان الكلام ده انتهي خلاص لاني كنت متوقع ان الطلب علي العربية حيزيد فكنت صريح جدا مع الميكانيكي في اول طلب له و قولت له انا تحت امرك في اي مشوار بس انا اكون معاك طبعا فهم و ما طلبهاش تاني و بعدين برضه فيه واحد يلح عليك انك تاخد عربيته تقضي بيها اي مشوار علي امل اني اردله الجميل و اديله العربية فالمفروض نحسم المواضيع دي من بدايتها و انا الان ضد اني اسلف عربيتي من غيري يا يستلفني انا و العربية يا بلاش

محمد فهمي

المشاركة الأصلية كتبت بواسطة Abdallah

كان زمان عندى عربية كنت بسلفها لاى حد يطلبها منى من الاصدقاء وبعدها بسنة تقريبا بعتها بخسارة لأن العربية كانت اتبهدلت جدا وطبعا اتعلمت الدرس دة وبقالى اكتر من 7 سنين عربيتى محدش يركبها غيرى ولكن فى صديق عزيز جدا عليا دة مقدرش اقوله لاء لانى عارف ان عربيتى معاه كانها معايا بالظبط وكذلك عربيته ودة الوحيد من اصدقائى الى لما بحتاج عربية بتصل بيه وعمره متأخر عليا ابدا , لازم تكون واثق من الشخص الى بتديله عربيتك , لانك بتديله جزء من مالك الله اعلم انت قعدت قد ايه علشان تجمعه وتشترى العربية دى ودة مش مبرر يخليك تبيع العربية.

• الحمدلله وده بيأكد انى كان عندى حق انى اعترضت ان اديلو العربية

المشاركة الأصلية كتبت بواسطة borgelharm

في البداية احب احيي اللي طرح الموضوع لانه موضوع خطير جدا و حساس قوي

• ربنا يخليك يا استاذ محمد وشكرااا لتشريفك موضوعى
  
  والحقيقة انا طرحت الموضوع علشان اعرف من اخواتى فى المنتدى انا اتصرفت صح ولا غلط

المشاركة الأصلية كتبت بواسطة borgelharm

اولا بالنسبة لي حاليا ممكن اسلف عربيتي لو علي سبيل التجربة يعني للتعرف عليها و في وجودي بمعني ان اللي حيستلفها حكون انا معاه و ده من باب الحرص علي العلاقات الاجتماعية لاني كنت بسلف عربيتي المازدا للكهربائي و الميكانيكي بصراحة الكهربائي كان في منتهي الذوق و يسلمني العربية احسن من الاول و متفولة بنزين و نضيفة انما الميكانيكي بكل اسف كنت الاقي العربية في منتهي الاتساخ بواكي بسكويت و بقايا شيكولاتة علي الكراسي لكن للاسف كان هو اتعود انه يطلبها مني و انا بديهاله علطول ناهيك عن القلق النفسي اللي كنت بكون فيه و العربية بعيدة عني
انما اول ما اشتريت اللانسر عاهدت نفسي ان الكلام ده انتهي خلاص لاني كنت متوقع ان الطلب علي العربية حيزيد فكنت صريح جدا مع الميكانيكي في اول طلب له و قولت له انا تحت امرك في اي مشوار بس انا اكون معاك طبعا فهم و ما طلبهاش تاني و بعدين برضه فيه واحد يلح عليك انك تاخد عربيته تقضي بيها اي مشوار علي امل اني اردله الجميل و اديله العربية فالمفروض نحسم المواضيع دي من بدايتها و انا الان ضد اني اسلف عربيتي من غيري يا يستلفني انا و العربية يا بلاش

محمد فهمي

• وانا مش معترض تمام ان اى حد بيفكر يشرى عربية وعايز يجرب العربية
  
  وياخد انطباع عنها مافيش مشكلة ابداا بالنسبة للاتساخ وكده ديه كانت
  
  باردو من ضمن الحاجات اللى خليتنى اعترض لانو ماكنش بينضف العربية يعنى ممكن
  
  يمشى بالعربية وكلها تراب والعربية من جوه كمان الموضوع ده كان فى عربيتو
  
  وانا كمان انا مثلا متعود قبل ما امشى بالعربية اشيل من عليها التراب وامسح الازاز
  
  وبمنديل كلينكس وامسح التابلو من اى تراب ده غير انى بغطى العربية على طول
  
  بالنسبة للقلق النفسى والله ببقا قلقان جداااااابعدين لو العربية اتخبطت منو مثلا
  
  او كده مش هاجى اقولو صلحهالى ولا كده طبعااااااااااا
  
  بالنسبة ليه شخصيا هو انسان كويس جداا بس فى العربيات مش محافظ تماما

المشاركة الأصلية كتبت بواسطة GalaxyMan

المثل دا أنجليزي وبيقول

سلف مراتك ومتسلفش عربيتك

يعني المقصود بية أن تسليف الزوجة اسهل من تسليف العربية يعني بيوريك قد أية مينفعش تسلف عربيتك
ودا كناية عن الغلطة إلي ممكن تعملها لما تسلف عربيتك لان أنت بتقعد منتظر العربية في حالة مش كويسة وكل تليفون يرن تفتكر ان حصل حاجة في العربية

يعني الأريح متسلفهاش وتريح دماغك من تعب الاعصاب

• تفسير جيد للمثل شكراااااااااااااا