اتوس او سبارك

**ahadidy** · 03-05-2009 04:07 PM

السلام عليكم
من فضلكم افيدوني اجيب اتوس و الا سبارك

**abou_ruqi** · 03-05-2009 05:11 PM

السبارك شكلها آحلى بكتـــــير وتكييفها روعة

**Dr. Elsaadani** · 03-05-2009 05:36 PM

لو قصد حضرتك انك تجيب ايهم زيرو

فكر تانى

بالتمن ده ممكن تركب مستعمل خفيف سيدان - يعنى عربية كبيرة وكماليات متعددة

الا لو حضرتك قاصد دول بالتحديد

انا بصراحة شايف ان الاثنين خطر على الطريق والتكييف حيكون ميت جدا

الكاوتش الصغير بيخليك تحس باى شىء على الارض حتى لو كان تافه جدا يعنى ركوبهم متعب

واخيرا استخير واستشير

**Hosam_Optrawy** · 03-05-2009 05:50 PM

سبارك عشان كماليتها اكتر

**ahadidy** · 04-05-2009 12:45 PM

شكرا يا جماعة بس ياريت لو في حد جرب دي او دي عشان يكون كلام عملي هي للمدام مش ليا

**hosamm2525** · 04-05-2009 08:06 PM

السبارك عربية تقفيلها كوري
أما الآتوس فتقفيلها هندي هي والـ i10

**auto5truck** · 05-05-2009 11:54 AM

السبارك طبعاً عربية أجود من الأتوس

أنا كان عندى عربية ماتيز و كانت ممتازة
و ليا أتنين زمايلى معاهم سبارك و ماشية معاهم زي الفل فيهم واحدة بقالها سنتين و التانية بقالها كام شهر

**Khalid_Mostafa** · 05-05-2009 01:08 PM

انا مجربتش السبارك ...بس معايا اتوس (وكان معايا قبلها ماتيز)

الأتوس اوسع في الصالون و التكييف هايل جداً ومبحسش انه بيأثر علي الموتور - كمان اعلي في ارتفاع العربية و كمان اعلي في قعدتها من الداخل -قطع غيارها ارخص في حدود معلوماتي وبالنسبه للي بيقول خطر في الطريق(مش عارف هو جربها ولا جاب المعلومه منين)...انا مش حتكلم عن السبارك و لكن حتكلم عن عربيتي...العربيه دي نازله بكاوتش رفيع (155/70-R13) هانكوك ومع ذلك عمري ما حسيت انها في الملفات او علي الطريق بخطوره ..بل اني لقيتها مستقره و قلت يمكن عشان كانت محمله بخمسة افراد ...جربتها وانا لوحدي و لقيتها برضه مستقره جداً ...بالنسبه للإحساس بالمطبات فده سمه لكل عربيات هذه الشريحه ولكن نوع و حجم الكاوتش بيفرق كتير جداً معاها

الكاوتش الرفيع شكلة بالفعل وحش جداً سواء علي الأتوس او السبارك او ال i10..وانا غيرته لكاوتش اعرض (175/70 -R13) بريجدج ستون ياباني وانا عارف انه مش الستاندرد بتعها (الستاندرد بتعها اخره 175/60 -R13 ولكن المقاس ده مش موجود تقريباً في السوق
ولكن الكاوتش الجديد عمل تغيير مزهل في ادائها واالأحساس بالمطبات ناهيك عن الإستقرار علي الطريق الي هو كان جيد جداً في رأيي

السبارك فيه ناس شايف ان الصالون بتعها شكله احسن ولكن انا مش شايف ده و مش عاجبنب من الأساس بغض النظر عن مقارنته ببتاع الأتوس الي هو يعتبر تصميم قديم نسبياً ولكني موافق علي ان الخامات بتاعت الصالون افضل في السبارك

المحرك بتاع الأتوس و الي هو بتاع البيكانتو و الـ i10 ايضاً وهو 1.1 سي سي في حين ان السبارك 1.0 سي سي فقط ولو ان ده مش حيفرق اوي

الشنطه بتاعت الأتوس اكبر بكتير من شنطة السبارك ولكن معتقدش ان النقطه دي حتفرق معاك بما انها لمراتك