يا شباب حد ممكن يساعدني في خلال 5 دقايق

**tayson54** · 03-05-2009 04:24 PM

عايز اعرف عنوان ونمر تليفونات العوض جروب وازاي اوصل له بالظبط من الهضبه العليا -المقطم وجزاكم الله خير

**solycar** · 03-05-2009 09:15 PM

على الاوتوستراد

على اليمين و انت جاى من المعادى بعد طلعة المقطم ب 5 متر

**tayson54** · 03-05-2009 09:29 PM

معلش يا ريت توصف لي من المكان اللي انا عارفه ...انا دلوقتي علي الدائري وبرج سما علي يميني اروح فين بقه ولا اجي منين ؟

**solycar** · 04-05-2009 01:54 AM

حلو اوى

بعد برج سما كدة ب2كم هتلاقى نزلة المعادى انزلهاوخاليك ماسك شمال

ماتطلعش الكوبرى يعنى

هتلاقى نفسك طلعت على الاوتوستراد

بعد 500 متر هتلاقى التوكيل على ايدك اليمين:)

**tayson54** · 04-05-2009 09:06 AM

الف شكر يا حبيبي ده احلي وصف جزاك الله كل خير

**m_saber** · 04-05-2009 04:37 PM

وبعد العوضي جروب في الطارق في شارع 9 أخر عمارات النصر متخصص أول وشيفروليه واسعاره حاوه جدا

**tayson54** · 04-05-2009 07:14 PM

فين الطارق ده يا باشا وهل فيه مركز صيانه ؟
انا بشوف علي اليمين كده علي ناصيه شارع مع شارع 9 معرض عربيات كبير متهيألي اسمه الطارق وهو مكتوب علي يافطته اوبل وشيفروليه
هو ده اللي تقصده ؟

**tayson54** · 05-05-2009 03:39 PM

شباب حد يعرف عنوان مركز خدمه الطارق اللي في المقطم او نمر التليفونات؟

**tayson54** · 09-05-2009 05:58 PM

الطارق ده مش مركز صيانه ده معرض عربيات بس

**tayson54** · 09-05-2009 06:40 PM

انا نزلت دورن علي مساعدين في الحرفيين وف شارع دمشق لكن للأسف مفيش مساعدين يركبوا علي الأوبترا غير المساعدين بتوعها سألت علي kyb ومونرو او حتي اي حاجه مفيش .
طبعا كان موجود gm الكوري بحوالي 1800 جنيه لل4 مساعدين
وكان فيه مساعدين gm صناعه صيني ب 1500
وكان فيه كمان مساعدين صيني لكن مش gm لكن يركبوا علي الأوبترا بحوالي 1000 جنيه لل4 مساعدين .
الكل اجمع ان المساعدين الكوري اغلبيته مضروب غير وجود العيب الشهر في المساعدين اللي بيخليهم يضربوا زي ما حصل معايا كده
لذلك بفكر جديا بنسبه 95% اني اجيب المساعدين الصيني اللي ب1000 جنيه علي اساس انهم ارخص من الكوري ب70% تقريبا وفي كل الأحوال سواء اشتريت الكوري او الصيني هيضربوا (متوسط تشغيل سنه تقريبا) يعني كسبت سعر ارخص وريحت دماغي .
لو فيه حد عنده اوبترا اشتري لها اي مساعد تاني كويس ياريت يقول عليه ويفدني قبل ما اشتري (هشتري بعد اسبوع ان شاء الله) بحيث ابقي انا كده درست الموضوع من كل الزوايا ومخسرتش حاجه .