الموضوع: موضوع مهم وارجو تعاون جميع اعضاء المنتدى الكرام

السلام عليكم ورحمة الله
لو سمحت يا جماعة عايزة اعرض عليكم موضوع واتمنى بإذن الله اني الاقي حد يساعدني فيه
الموضوع بخصوص شراء سيارة مستعملة في حدود من الف30 الى 33 الف كحد اقصى واتمنى انها تكون استعمال نضيف وموديلها من سنة 2000 فيما فوق
بس الحقيقة انا مش معايا الفلوس كاش حاليا انا اقدر اوفر اخر السنة دي 10.000 جنيه والسنة الجاية 20.000 او 23.000 )لو كانت العربية ب33 الف) جنيه بس هيكون توزيعهم كالتالي:
هدفع 750 جنيه شهريا لمدة سنة (اللي هية هتكون سنة 2010)وخلالهم هيعملوا 9.000 جنيه وال21 او 24 )لو كانت العربية ب33 الف) الباقيين هكون موفرهم اخر سنة 2010 برضه هو الموضوع قسط ومش قسط في نفس الوقت.
انا عارف ان لسة 7 شهور ع الموضوع ده اني اعمله بس انا حبيت اعرف من دلوقتي بدل ما احلم هل في حد من السادة الكرام اعضاء المنتدي عنده عربية مستعملة عايز يبيعها بس تكون استعمال نضيف وفوق سنة 2000 وعايز مثلا يشتري عربية عالزيرو موديل السنة علىاخر السنة دي بحيث اني هوفرله 10.000 كمقدم هوه يدفعه للمعرض او يزود هوه عليه براحته لانه حسب نوع عربيته وهدفعله ابتداء من 1/1/2010 750 جنيه شهريا لمدة سنة واحدة (يعني 9 آلاف) هو برضه هياخدهم ويدفعهم قسط للمعرض واخر سنة 2010 هكون موفرله باقي المبلغ اللي هيكون 10.000 او اكتر حسب سعر العربية المستعملة اللي هيترواح سعرها ما بين 30.000 او 33.000 كحد اقصى.

اتمنى الاقي ردود منكم سواء بالسلب او الايجاب ولو الموضوع (اني بحلم) ياريت حد يفوقني!

في كل الاحوال لكم جزيل الشكر والامتنان بس بالله تردوا عليا

ممكن حضرتك تصبري لحد اخر السنه وتجمعي مبلغ 10 او 13 مثلا وتجيبي عربيه صغيره 27 مثلا وتمشي حالك بيها شويه لحد ما ربنا يكرمك وتكبريها وتجيبي حاجه أفضل كلنا عملنا كده وربنا يوفقك للخير على فكره لو فكرتي فيها انك هاتجيبي العربيه وتصرفي عليها هاتلاقي المبلغ الزيادة اللي هاتدفعية في التقسيط ممكن يكون قريب من اللي هاتصرفيه على عربيتك وربنا يوفقك على حاجه كويسه