الموضوع: هل يسقط الضمان فعلا في حالة المالك الثاني

لو سمحتم حد يفيدني

لا الضمان ما بيسقطش في حالة بيع العربية

الضمان اة شروط و هي
1- أنك تكون مواظب علي عمل الصيانات الدورية بشكل منتظم يعني كل الصيانات

2- الضمان بيكون لة مدة محددة سواء بعدد الكم أو المدة الزمنيه الي بتكون سنتين أو ثلاثة

3-ميكنش صاحب العربية عمل أي حاجة خرجتة من الضمان زي تركيب أكسسوارات برة التوكيل و كدة يعني

غير كدة يكون ليك الحق في طلب الضمان علي عربيتك لو لا قدر الله حصل حاجة و يارب أكون فيدتك

متشكر جدا على ردك

بس بالنسبة للاكسسوارات أنا كنت عايز أركب سنتر في التوكيل فقالولي معندناش

قلت له طيب لو كبته بره أطلع من الضمان قالولي لو الكهربائي بوظ حاجة و هو بيركب يبقى عليك

هل الكلام ده صح

أيوة الكلام دة للأسف صح و دة كمان ممكن يكون سبب في خروج العربية من الضمان

ما هو دة الي أنا قصدي عالية بالظبط

بس يمكن أنا مقدرتش أوضح كويس

و بالنسبة لسقوط الضمان مع المالك الثاني دة مبيحصاش

لأن الوكيل بيتعامل مع العربية برقم الشاسية مش برقم بطاقة صاحبها

الضمان بيكون ساري في حالة المالك الثاني إذا كان مستوفي الشروط السابق ذكرها وشكراً

أنا بجد محرج من زوق حضرتك

شكل حضرتك أنسان محترم فعلاً

أنا الكلام دة بقولة عن واقع خبرة مش أي كلام كدة و خلاص

يا سيدي أنا مهندس ميكانيكا سيارات أشتغلت في بيجو و تيوتا و حالياً أن عندي توكيل بيجو

من ناحية رخصة العربية بقا بيبقي محتاجها عشان ياخد منها رقم الشاسية بدل ما يخدة من العربية و عشان بقدر يحدث قاعدة البيانات الي عندة في حالة تغيير مالك السيارة

و ياريت أكون قدرت أفيد