بخصوص إعادة برمجة مفتاح الجين 2

**MuhammedSoliman** · 03-05-2009 06:52 PM

يا جماعه أنا عندي مشكلة فى مفتاح الجين تو خلاص المفتاح مره بيفتح بالريموت و100 لأ وعمال يدي اصوات غرييبة تقريبا عايز تبرمج من جديد وكنت قرأت فى المنتدي اززي يتم برمجته من خلال الزرار المدور اللى فى التابلوه اللي جنب مفتاح الشابوره بس مش لا قيها حد فاكر بتتعمل ازاي وكون من الشاكرين مع العلم اني غيرت بطارية المفتاح واعتقد ان ديه مشكله عامه وهيه القرب من السياره اوي على كل حال اللى عارف يفدنا وله الاجر الثواب ومن قدم شيئ بيداه لقاه

تحياتى

**m.3abdel3al** · 03-05-2009 07:40 PM

و الله بالنسبة للبرمجة يا محمد انت ممكن بدل ما تدور تروح اي فرع للتوكيل العجوزة مثلا هينجزه بسرهة بدل ما تروح الصحراوي و بالنسبة لبعد المفتاح انا عندي مش لازم تقرب اوي بالصورة الي انتو بتقولو عليها و حتى لو بتقرب لو غيرت الحجارة وهات حجارة نضيفة مش هتحتاج انك تقرب و هتلاقي كل حاجة اتظبطت

**momenhamdy** · 03-05-2009 08:02 PM

المشاركة الأصلية كتبت بواسطة MuhammedSoliman

يا جماعه أنا عندي مشكلة فى مفتاح الجين تو خلاص المفتاح مره بيفتح بالريموت و100 لأ وعمال يدي اصوات غرييبة تقريبا عايز تبرمج من جديد وكنت قرأت فى المنتدي اززي يتم برمجته من خلال الزرار المدور اللى فى التابلوه اللي جنب مفتاح الشابوره بس مش لا قيها حد فاكر بتتعمل ازاي وكون من الشاكرين مع العلم اني غيرت بطارية المفتاح واعتقد ان ديه مشكله عامه وهيه القرب من السياره اوي على كل حال اللى عارف يفدنا وله الاجر الثواب ومن قدم شيئ بيداه لقاه

تحياتى

دكتور محمد حبيبي ازيك ياباشا يارب تكون بخير

دكتور محمد برمجه الريموت ملهاش دعوه بالقرب و البعد الي بيأثر علي فتح و قفل العربيه
اعاده البرمجه دي بتكون للشريحة الي جوه المفتاح و هي المسؤله عن اداره المحرك

و لكن العيب الي حضرتك بتقول عليه دا ملوش حل غير انك تغير البطارية الي داخل المفتاح

و ان شاء الله خير
وتقبل تحياتي

**khpopo** · 03-05-2009 08:37 PM

برمجة ريموت جين2 الجميلة
1- نحط المفتاح المراد برمجتة فى الكونتاكت
2- نضغط على الزرار الى ففى التابلوة من غير مانشيل ايدينا
4- ندور مفتاح العربية لحد المبات ماتنور واحنا لسة دايسين الزرار الى فى التابلوة 5 ثوانى ونقفل الكونتاكت ونشيل المفتاح واحنا لسة دايسين على الزرار الى فى التابلوة
5- نضع المفتاح مرة اخرى وندور تانى لغاية المبات ماتنور
6- نشيل ايدينا من زرار التابلوة وندوس دوسة واحدة تانى بس هنلاقى المبات الاشارة نورت
7- ندوس زرار الريموت نلاقية اشتغل وانتهت البرمجة بس لو المفتاح تانى موجود فى لحظتها برضة نشغلة عشان يتبرمج برضة
ارجو اكون وضحت
ربنا يوفق

**m.3abdel3al** · 03-05-2009 09:01 PM

المشاركة الأصلية كتبت بواسطة khpopo

برمجة ريموت جين2 الجميلة
1- نحط المفتاح المراد برمجتة فى الكونتاكت
2- نضغط على الزرار الى ففى التابلوة من غير مانشيل ايدينا
4- ندور مفتاح العربية لحد المبات ماتنور واحنا لسة دايسين الزرار الى فى التابلوة 5 ثوانى ونقفل الكونتاكت ونشيل المفتاح واحنا لسة دايسين على الزرار الى فى التابلوة
5- نضع المفتاح مرة اخرى وندور تانى لغاية المبات ماتنور
6- نشيل ايدينا من زرار التابلوة وندوس دوسة واحدة تانى بس هنلاقى المبات الاشارة نورت
7- ندوس زرار الريموت نلاقية اشتغل وانتهت البرمجة بس لو المفتاح تانى موجود فى لحظتها برضة نشغلة عشان يتبرمج برضة
ارجو اكون وضحت

ربنا يوفق

100% ودا العادي بتاعك

**MuhammedSoliman** · 04-05-2009 09:55 AM

[mohamed_3abdel3alt]
صباح الفل يا باشا أنا من إسكندرية مع إني غيرت البطارية بس حساس إنها أي كلام عشان أول ما ركبتها كانت كويسه مفيش شهر ورجع تاني
تحياتى على الرد يا جميل

momenhamdy
هندسه حبيب قلبى أخبارك ايه ؟؟ تمام كلامك صحيح هو اللى شككني إن بالفعل غيرتها وكمان غير الأصوات اللى بتظهر الغريبة صفارتين وتلاته وإشارات بتنور فقلت البرمجة متلغبطه بس أنا عارف ان موضوع القرب والبعد ده بطارية وإن كان بطبيعة العربية المدى قصير
ألف شكر ليك يا جميل وربنا ما يحرمنا منك

khpopo

يا سلام يا باشا 100 100 كفيت ووفيت وألف شكر ليك هوه ده المطلوب، أنت جربته قبل كده ؟؟ على العموم أنا هجرب وأديك خبر ألف شكر يا باشا على الطريقة
تحياتى

ألف شكر على المشاركات ديه أنا مكنتش قلقان عشان عارف إن معايا رجاله جامده