اختطاف الاطفال حقيقه ام خيال

**ابوهاشم** · 03-05-2009 10:32 PM

السلام عليكم ورحمة الله وبركاته
ياجماعه انا بقاللى اسبوعين بسمع قصص وحكايات تشيب عن ان فى عمليات اختطاف للاطفال والنساء وسرقة اعضائهم البشريه وبيعها وبصراحه ماكنتش مقتنع ولا مصدق ان فى حاجات زى دى بتحصل لكن امبارح اكتر من زميل اكدلى وحلفلى ان العمليات دى بتتم فعلا وانهم مقعدين اولادهم من المدارس خوفا عليهم
بصراحه الشك دخل قلبى وقعدت اولادى من المدرسه النهارده
بس كده مش هينفع والامتحانات على الابواب
قولت اخد رأيكم اكيد هتفيدونى
بصراحه انا حتى الان مش مقتنع بالكلام ده ومش عاوز اصدقه
لان ده لو حقيقه تبقى كارثه وحلت على بلدنا الامنه
ربنا يسترها علينا جميعا
وان شاء الله انا حاسس انكم هتريحو قلبى وتأكدولى
انها كلها مجرد اشاعات ليس لها اى اساس من الصحه

**نور القمر** · 03-05-2009 10:58 PM

بصراحة انا كمان مكنتش مصدقة
لغاية ما سمعت ان بنت صغيرة اتخطفت من شارعنا والبوليس جه والدنيا كانت مقلوبة

وتاني يوم عرفت من صاحبة سوبر ماركت ان البنت نزلت السوبر عندها تشتري لوحدها وبدل ما تروح البيت خرجت للشارع الرئيسي وتاهت والمهم انهم لقوها اخر اليوم

يعني خلاصة الكلام ان في حالة فزع رهيبة بين الناس وفي نفس الوقت في بعض الاستهتار من بعض الاهالي وده ما يمنعش ان في حالات خطف فعلية لكن معتقدش انها بالطريقه اللي بنسمع بيها

يعني نخلينا حريصين بالقدر المعقول وخير الامور الوسط ونحاول نفهم ولادنا ونوعيهم وربنا يستر على كل ولادنا ويحفظهم من كل شر

**نور العمر** · 03-05-2009 11:21 PM

ربنا يسترها
للأسف دي مش اشاعة
وربنا يلطف بينا
أنا مرعوبة ... وقل لا يصيبنا إلا ما كتب الله لنا

**Samah AbdAllah** · 03-05-2009 11:29 PM

مع الاسف حقيقة وانتشرت جدا
ربنا يرحمنا ويهدى قلوب المجرمين
دول كمان بيخطفوا الاطفال من بين ايدى امهاتهم
وكانت فى حادثة هنا قريب جدا واحد خطف بنت رضيعة من بين ايدى امها وهى تحملها بمجرد دخولها من بوابة العمارة لولا انها صرخت واستنجدت بالناس فلاحقوا والحمدالله استرجعوا الطفلة ولكن كم مرة سينفع الصراخ

**pro_samir** · 04-05-2009 03:36 AM

هيا الدنيا بقت مالها كدة !!!

**youssefmustang** · 04-05-2009 02:37 PM

كل ده لسه 000.1 % من اللى جاى عارفين ليه ؟؟
عشان الجــــــــ كافر ــــــــوع
الناس جاعت الناس زهقت الناس بعد كده هتاكل بعضها زى اكلى لحوم البشر الناس هتاكل بعضها حتى لو ميتين
والعند يولد الكفر
والحكومة هى اللى عايزة كده
والموضوع ده فيه يد من احد الشخصيات الهامة فى البلد ؟
ربنا يعدينا من الدنيا دى على خير
ربنا يعدينا من مصر على خير
اخوكم يوسف