الموضوع: لانوس واسبرانزا...؟

أنا مع الاسبيرانزا قلبا وقالبا" وصدقني حتى لو افترضنا فيها السوء عمرها ما هتكون اسوء من اللانوس

حضرتك اللانوس فضلت معايا أكتر من 8 سنين بلا مشاكل تذكر, و عمري ما سمعت عن حد اشتكي من لانوس مشكلة مزمنة باستثناء الخفة علي الطريق و هو عيب مشترك في كل سيارات هذه الفئة.

هي الإسبرانزا مبدئياً مش وحشة, و لو كان في منها أوتوماتيك كان ممكن أفكر أجيبها.....لكن اعذرني قدامها كتير جداً علي ما تثبت نفسها زي اللانوس.

استاذ محمد , لى الشرف لأرسالك التحيه لى و انا ارسل ايضا تحياتى لسيادتكم حيث اكن لكم التقدير و الأحترام ..... و بعد:

استاذ محمد صبرى كتب :

ملاحظة أخرى : طبيعي أن عند الأصطدام لا يفتح وسائد هوائية لأن السيارة أصلا نازلة من غير وسائد هوائية

و ردى:
انا اسف انى لم اقتبس من استاذ حسام الجمله من اولها الا و هى :(آلمنى جدا احداها و هى من الموديل الكبير جديدة لكن صدمتها شديدة جداً الله يصبر صاحبها لانها عمرها ما حترجع لأصلها طبعاً ربنا يكفينا الشر شاسيه و موتور .. المهم اللى لفت نظرى انه على عزم الصدمة مليقتش اى ايرباج مفتوحة لا السائق و لا الراكب .. ليه معرفش ؟؟ و طبعاً مفيش حد تقدر تسأله و تاخد و تدى معاه تحس انه كله ملهى فى شغله و العدد على القد )
--- و هذا معناه الاير باجز فى السياره الكبيره ,,,,,,,,,, و اسف لثاتى مره .

- و ردى على سيادتكم بخصوص التقفيل طالما هو كذلك .... يبقى ليه اشترى سياره و عارف ان تقفيلها وحش و مش على درجه من الجوده و كل شويه اذهب بها الى التوكيل ؟؟؟
- ليه اشترى عربيه يوجد بعض من اقتنوها قالوا عنها من اسواء العربيات اللى ركبوها ( و ده حصل امام جمع كبير من اعضاء الأسبرانزا ايضا فى ثانى مقابله فى مدينه نصر عند المعرض الدولى ) و غيرهم مما سألتهم و هم سايقينها و لا اعرفهم و لكن و الحق يقال يوجد بعض من شكروا فيها و هذا اعتقد لأسباب الا و هى :
ان معظم من مقتنع بالسياره يا اما هذه اول سياره له و لم يشترى سيارات من قبل .
او كان معه سياره من ذوات الفيات و الشاهين ( و قد امتلكتهما من قبل) فابالنسبه له الأسبرانزا شئ كبير و بكمالياتها هذه شئ لم يكن يخطر على البال فأغرته بما بها و ليس رأيي هذا على جميع من امتلكها بالطبع
و هذا رأيي انا الذى قد استشفيته من الكثيرين مقتنى السياره و طبعا يوجد من معه سيارات اعلى فى الفئه و لكنه قد اراد تجربه هذه السياره و اكرر ليس هذا رأيي على جميع من امتلكها بالطبع

و اشكركم جميعا لتقبل انتقادى للسياره و هذه ليست مهاجمه و لكنى اعتبرها تبصير لمن يسأل عنها و لا يسعنى سوى ان اقول ما رأيت و ما جربت و ما لى ناقه ولا جمل بعد ذلك و لكم دعواتى فى ان يحرسها لكم و يحرسكم الله دائما.

a7'ookom
Sherif

أولا أنا غللي ليا الشرف يا أستاذ شريف، حضرتك أخ عزيز بالنسبة لي


بالنسبة للإيرباجز، فهي المفروض إنها (في أي عربية) لها مفتاح لتحديد الحساسية الخاصة بها و تحديد قوة الإصطدام اللازم لفتحها.

المشاركة الأصلية كتبت بواسطة sh_masry

- و ردى على سيادتكم بخصوص التقفيل طالما هو كذلك .... يبقى ليه اشترى سياره و عارف ان تقفيلها وحش و مش على درجه من الجوده و كل شويه اذهب بها الى التوكيل ؟؟؟

بالنسبة للتقفيل، فكل العربيات إللي في نفس الفئة ديه تقفيل مصري (لانوس - فيرنا - سبيرانزا)، فالحقيقة أنا مش شايف أن نقطة التقفيل هنا هي الفيصل بين الثلاثة عربيات

بالنسبة أن الاسبيرانزا تقفيلها وحش : انا شايف (من وجهة نظري الشخصية) إنها مش وحشة (مقارانتا بلانوس أو الفيرنا أو حتى النوبيرا)، إحنا هنا ما ينفعش نقارنها بعربية تانية متقفلة برة مصر و نقول عليها وحشة

يجب مراعاة الفئة (سعة ماتور - فئة صالون - المنشء أو التقفيل) عند المقارنة و إصدار حكم، لأن العربيات اللي عاملة ضجة هنا في مصر و الناس ممكن تكون شايفاها تحفة و رائعة ، معظمها عربيات واخدة تقييمات سيئة خارج مصر سواء في أروبة أو أمريكة، فبالتالي يجب الحكم على السيارات بالنسبة للسوق المصري المحلي و ظروف الناس و إمكانياتها و الأهم مقارنتها مع مثيلاتها في نفس السوق (سعر و فئة)

و شكرا ليك يا أستاذ شريف

والله يا أستاذ محمد

حسب معلوماتي
أن الاسبيرانزا وشها مش فبر، ده أجمد حاجة في الاسبيرانزا صاجها و شاسيها

بالنسبة للتكييف فعلا هو كان ضعيف في الأول، بس في الدفعات الأخيرة أصبح قوي جدا، و يوجد بعض الأخوة كانوا تحدثوا عن التكييف و قوته في هذا المنتدى، و متهيألي حضرتك ممكن تعمل موضوع مستقل تسأل فيه عن التكييف، حتى يتسنى لكل شخص من مالكي السيارة الدخول و قول رأية بصراحة و وضوح

و في النهاية، لو حضرتك عايز تشتريها، إركبها و سوقها بنفسك و كون إنطباع شخصي عنها بعيد عن أي رأيي آخر و بعد كدة إستعين بالآراء الأخري لتعزيز رأيك أو نفيه