رابطة مالكى الماتريكس

**muhamed** · 03-05-2009 11:15 PM

عرض لعمل رابطه لملاك هذه السيارة الجميلة - يشرفنى انضمامى لمالكى الماتريكس -بقالها معايا اسبوع ( مو 2007 -53000 كم 63000 جم فابريكه من سوق السيارات ) -طبعا الكل عارف المميزات والعيوب -عاوزين نعرض المشاكل اللى قابلت كل واحد وعالجها ازاى و فين وبكام -وذللك للفائده العامه . مع تحياتى لهذا المنتدى المحترم واعضاءه الموقرين .

**mecho_392** · 04-05-2009 12:02 AM

ألف مبروووووووك على العربية و ربنا يباركلك فيها..

بس 63 قليل اوى,, دى شطاره منك ولا العربية مرشوشه

انا عندى الماتريكس 2007 و عديت ال 60,000 كم و كان فى صديق عارض على والدى 75,500 جم و مرضاش يبيع. بس العربية فابريقه و مفيش خبطات فى الصاج و بحالتها الحمد لله

مبروووك بس اعملها الصيانة لو محتاجه تغير تيل فرامل هتحس بفرق جاااااامد.. بس اشترى كله اصلى من غبور و بلاش الحاجات اللى من بره و التايوانى و الكلام ده. و بجد عربيه جميله و مريحه و قويه و ثابته....

**bishoo33** · 04-05-2009 12:15 AM

الف ميروك وأدعوك للأنضمام لنا على اللينك التالىhttp://www.nilemotors.net/Nile/showthread.php?t=21142

**muhamed** · 04-05-2009 07:47 PM

شكرا - صاحبها عنده سياره اخرى قسط وكان عاوز يبيع علشان يخلص التانية-العربيه خارج الضمان لعدم التزامه بمواعيد الصيانة الدوريه- السياره بها زرار المرايات عاوز يتغير والانذار مش شغال وبصراحه دول مش فارقين معايا حتى لو شغالين - السياره بها مرمة صغيره بالباب الخلفى لكن معموله باحتراف -اللون كحلى ميتالك والحمد لله الباقى زى الفل - ياترى تنصحوا بمركز خدمه معين فى نطاق مصر الجديده-مدينة نصر-شبرا

**mecho_392** · 04-05-2009 08:39 PM

المشاركة الأصلية كتبت بواسطة muhamed

شكرا - صاحبها عنده سياره اخرى قسط وكان عاوز يبيع علشان يخلص التانية-العربيه خارج الضمان لعدم التزامه بمواعيد الصيانة الدوريه- السياره بها زرار المرايات عاوز يتغير والانذار مش شغال وبصراحه دول مش فارقين معايا حتى لو شغالين - السياره بها مرمة صغيره بالباب الخلفى لكن معموله باحتراف -اللون كحلى ميتالك والحمد لله الباقى زى الفل - ياترى تنصحوا بمركز خدمه معين فى نطاق مصر الجديده-مدينة نصر-شبرا

انا مش بعمل الصيانة فى مراكز خدمة.. لكن بشترى الحاجة من غبور و بغيرها عند ميكانيكى شاطر اعرفه كويس.. لكن فى ناس قالت عن مركز ابو غالى العبور انه هااااايل و بيعملوا كل اللى بتطلبه منهم. ربنا يوفق

**muhamed** · 05-05-2009 06:11 PM

انا رايح الخميس مركز صيانة ابو غالى العبور بس على فكره قالولى انه اتنقل عند الكيلو 25 طريق مصر اسماعيليه بجوار معرض Bmw ربنا يسهل هاعمل سرفبس كامل + تغيير زراز امرايات + الانذار ياترى حد يعرف التكلفه فى حدود كام مع الشكر لكل من اهتم بالرد

**bassam nagy** · 07-05-2009 06:36 PM

الف مبروك وربنا يباركللك فيها ويوافقق فى الصيانة

**muhamed** · 09-05-2009 05:37 PM

رحت الصيانه مركز ابوغالى العبور -من10 ص حتى 2 ظهرا - الشغل مراجعه شامله على السياره -غيار زيت موتور-فتيس-مراجعة الفرامل -تغيير تيل خلفى - نظافة فلتر تكييف -تغيير فلتر بنزين-زيت-تغيير بوجيهات السعر1200 جنيه النتيجه السياره ناعمه صوت الموتور اخف السحب زاد النقل انعم حاسس استهلاك البنزين قل بس لسه مش متاكد -مركز الخدمة كويس ولو الحاجه مش محتاجه تغيير مبيعملهاش انا كنت ناوى اغير سيور المهنس قالى على 60000 لسه شويه -قالى الطنابير والدسكات والتيل الامامى+ الكارتيرات الاماميه عاوز يتغير بس ممكن تمشى بيه شويه انا اجلته لانه كان عامل مبلغ كبير (فى حدود 1200 كمان)قلت اعمله بره متهيالى دى مش حاجه صعبه اوى-المهم انه مش جوه الكبوت وغيرت رايي مش هاعمل الانذار ولا زرار المرايات -كان فى واحد معاه جيتز عاملة 1000 كم وبيشتكى ان الانذار عطل بعد ما استلم العربيه بساعتين حاجه تكسف موضوع الانذار ده هما بتوع غبور دول ما بيدخلوش على النت علشان يعرفوا راى الناس فيهم يعنى هوما لو زودوا العربيه 1000 جنيه بس نزلوها بكل حاجتها الاصليه من غير نصاحة علشان يكسبوا اكتر شويه حد هايقول حاجه ما الناس بتشترى بالاسعار اللى بيعلنوا عنها يارب اعطى كل واحد على اد نيته . عذرا للاطاله .