اتفرجوا علي طالب الحربيه مع حبايبنا بتوع المرور

**nasr-eldeen** · 04-05-2009 01:15 AM

أنا شايف إن الإثنين غلطانين .
بتاع الملاكي غلطان وسيارته كلها مخالفات ومش عارف جبتو منين إنه ضابط حربية ( لمجرد إن المصور قال ذلك ، يعني لو قال الريس اللي في الملاكي يبقى كلامة مصدق ) وبعدين هو أهبل علشان جري لأن بكل بساطة هيتجاب هيتجاب .
والشرطة بالعدد ده كله غلطانين .
علشان العدد الموجود زي عدمه لأن تأمين هذه السيارة كان ضعيف .
لأن قائد المجموعة كان ضعيف الشخصية ، لو تحدث معى سائق الملاكي بقوة وحزم كان باقى المجموعة استمدوا منه القوة .
لما وجدوه يحاول الفرار بالسيارة كان يجب عليهم إنزاله من السيارة بالقوة ولو بكسر الزجاج ( ودي حالة من حالات الإرتياب ولو وجدوا معه أي ممنوعات تعتبر حالة من حالات التلبس ) .
وأنا مش مصدق أنه طالب بالحربية أو ضابط بالحربية وعلى يقين أنه لا يمت للقوات المسلحة بأي صلة لأن القوات المسلحة تربي رجال مش جبناء ، ولو من القوات المسلحة يبقى روحنا في دهية .
والسلام ختام .

**M.Osama** · 04-05-2009 02:08 AM

دكر والله !!

**SeMo_SiRiOnY** · 04-05-2009 02:33 AM

معتقدش انه طالب حربية ولا حاجة
لانة لو طالب حربية كان هيكلم الظابط بالطريقة وغصب عن الظابط برضو هيمشي
مش محتاج انو يجري يعني

**M.Mostafa80** · 04-05-2009 02:42 AM

يبقى أنت أكيد فى مصر

**محمد فريد** · 04-05-2009 02:56 AM

تيييييييييييييييييييييت
ايه المهزلة دى والظابط بيعيط عشان الموتوسيكل وقع عليه
متقلقش هتتجاب هتتجاب

**Hesham_91** · 04-05-2009 04:26 AM

المشاركة الأصلية كتبت بواسطة M.Osama

دكر والله !!

+1111111111111111111111111111111

**samoevil911** · 04-05-2009 04:38 AM

دا عندنا في اسكندرية فوق كبري استانلي كمان .. دا جامد اوي ..
تحيا الحكومة
الشرطة في خدمة الشعب
والحربية فوق القانون

**tutankhamoun** · 04-05-2009 04:43 AM

اللي حصل ده قلة أدب طبعا
و غياب وجود القانون بسبب عدم وجود العدالة في تطبيقه .

هيبة رجال المرور و رجال الشرطة راحت
لأن مبقاش همهم حماية المواطن
و كمان بيمدوا أيدهم و ده خلى الناس تستهتر بيهم عموما.

و بعدين ده لو كان حربية
المفروض يكون عقابه أشد من المواطن العادي
لأنه ببساطة المفروض يكون قدوه لبقية المواطنين
ده الكلام ده في البلاد اللي فيها عدل و الناس متساوون

مش بلد القاضي ة الظباط و رجال القوات المسلحة
بيبرطعوا في البلد و مش بيتدفعوا غرامات مرور .
قرايبي و جيراني .......... فيهم كتير من الفئة دي .

على طريق اسكندرية 150 و يتمسك رادار و أول ما يقف في اللجنة .
أمين الشرطة يوقفوه ..
يرد عليه و يوقوله
فين يا بني الظابط بتاعك .
الظابط ييجي ........ و يطلع أخينا الكارنيه .
و الظابط في اللجنة ......... تعظيم سلام للباشا .
و مش عايزين العيال تجري !!!!!!!!
و تحيا ج ع ع .

**ASKAFRAWY** · 04-05-2009 06:30 AM

هى البلد عاوزة كدة....خصوصا بقى الظيط اللى فى الاخر دة!!

حصل معيا موقف برضه معاه على البحر و طريقة كلامه خلتن اعمل نفس الحركة
بس كانت عربية شيروكى بتاعت مستشار