الموضوع: الحقونى العقده القديمة رجعت تانى

1- أكشف على مستوى زيت الفرامل...........

2-أكشف على وجود تسريب زيت فرامل من خلال ماستر الدبرياش العلوى (لو لقيت زيت فرامل نازل على صدر الغرفه من خلف الدركسيون وأنت باصص جوه الغرفه ) يبقى حتعوز تغير الماستر ده.............

3- أكشف على وصلات الدبرياش ......من أول الماستر السفلى حتى مجموعة الفورش

4- الأحتمال الرابع أن العيب من الماستر السفلى

5_ الأحتمال الخامس سوست الديسك بقت ضعيف وحتعوز تعمر الدبرياش

يا باشا الف شكر
فعلا زيت الفرامل طلع ناقص خالص هل الحل ان ازوده بس ولا هاحتاج اعمل حاجة تانى وهل ازوده زيت باكم العادى

_ لا طبعا يجب أنك تعرف الأول سبب نقصان الزيت .......

_ هل بسبب تسرب خارجى (خرطوم فرامل بيسيل _ ماستر بيسيل .....وهكذا )

_ وممكن يكون تيل الفرامل بيودع برضه ......والزيت كله مسحوب فى دورة الفرامل .....وكده حتحتاج فعلا تيل جديد ( لو التيل فعلا خلاص ).......

_ أصل زيت الفرامل بيخدم على الأثنين زى ما أنت عارف (فرامل ودبرياش )................

_ وفى حالة زى كده بتلاقى الفرامل مسيطره على الجو ........ومش سايبه حاجه للدبرياش الغلبان وساحبه زيت التنك كله.........

لا يوجد عندنا سللك دبرياج وكده فى ماستر دبرياج وبيتاثر بمستوى زيت الفرامل وده معناه ان الفرامل عندك متبهدلة بدليل الزيت اللى طار