اختبارات السلامة لبعض العربيات

**Adham** · 25-09-2007 02:06 PM

ماهو مش ممكن تقنعني ان مثلا الهونداي اكسيل او اكسنت امتن من الشيفرولية تريل بليزر او من الميتسوبيشي باجيرو او حتى الشيروكي او السوزوكي فيتارا

ولا حتى انشاللة الدايهاتسو تريوس

شاسية العربيات ال SUV عبارة عن قضبان من الصلب شبة بقضيب القطار و القوايم و الاعتاب و العفشة صلابة و قوة متناهيه
لو دخلت فيها بي عربية نص نقل مش حاتتأثر فبالتالي مش ممكن ان السيدان تبقى امتن و أسلم منهاو لو حتى قارننا ال بي ام دبليو بالشيروكي فاماعتقدش ان حد حايقول ان البي ام امتن و احتمالات الاصابة داخلها في الحوادث احسن

و موضوع انقلاب العربية دة حاجة غير مابنتكلم عن اختبارات التصادم

و حتى بافتراض الانقلاب فابالتاكيد ان شاسية و قوايم ال 4*4 تحمي من بداخلها

**Chicco** · 26-09-2007 01:43 AM

كلامك شكله منطقي بس طلع مش حقيقي!!
سمعة الSUV كانت كويسة لحد 2001 لما حصلت مشكلة فورد مع إطارات الفاير ستون و خلت الناس تراجع سجلات الحوادث وحصل تحقيقات و تحريات وصلت للكونجرس الأمريكي . تدخلت منظمات حماية المستهلك في الموضوع وزاد الضغط علي مصنعي السيارات لتدارك المشاكل اللي ظهرت في الSUV خاصة أحزمة الأمان ووسائد الهواء (الإتنين دول بيأثروا طبعا في إختبارات التصادم) ظهرت نتائج الضغط ده مؤخرا ولو راجعت الإختبارت تلاقي المستوي إتحسن الكام سنة اللى فاتوا بس.
نقطة تانية مشكلة العربيات دي لما تتقلب ( بتتقلب أسهل كتير من بقية العربيات) إن سقفها بيطبق علي الراكبين وحاليا في قواضى مرفوعة على كرايسلر بسبب المشكلة دي تحديدا.(Grand Cherokee)
لو راجعت كلامي

طبعا مش أي سيدان ومش أي SUV

طبيعي إن العربيات الصغيرة بالذات التصميمات القديمة والخالية من أي وسائل أمان زاي الوسائد الهوائية تتأثر جدا في الحوادث مع العربيات الكبيرة لكن إيه رأبك في الصورة دي

إيسوزو روديو مع هوندا CRX سواقها و سواق الSUV الاتنين ماتوا
ده غير الفضايح بتاعت الSUV الصيني.