أستفسار من مالكي الاوبترا اوتوماتيك

**dark_smoky** · 04-05-2009 12:50 AM

مساء الخير يا جاماعة ، الحقيقة دي اول مشاركة ليا و سعيد جدا ان انا معاكم هنا.

كان ليا أستفسار ... انا انشاء الله ناوي اجيب اوبترا لأن العربية فعلا تحفة سواء في الفخامة او القوة و الرفاهية ، لكن انا محتار جدا بين المانيوال و الاوتوماتيك ، انا بصراحة نفسي اركب اوتوماتيك خاصة ان الفرق بين تمن العربية مانيوال و اتوماتيك مش كتير حوالي 4500 جنيه بس ، لكن انا مرعوب من الاوتوماتيك لأن صيانته مكلفه جدا و حتي بصرف النظر عن الصيانة انا سمعت ان تمن الفتيس 32000 جنيه و ده مبلغ خيالي جدا خاصة ان انا هاجيب العربية بالتقسيط ،، فهل الفتيس الاوتوماتيك له طقم اصلاح او ممكن يتعمله عمرة فتيس ، و ممكن يوجد فتيس اوبترا اوتوماتيك استيراد و ممكن يبقي بكام تمنه

و في النهاية اود النصيحة من اهل النصيحه .... مانيوال اضمن ولا اوتوماتيك

و الف شكر علي سرعة الرد

**أبو عمار** · 04-05-2009 09:56 AM

يا باشا لا تقلق خالص
فتيس الأوبترا الأتوماتيك محترم جدا و يستاهل تمنه و ما فيش فيه أى مشكله سمعتها منه و مختلف تماما عن فتيس النوبيرا إللى مرمغ بسمعة الأتوماتيل الكورى الأرض
توكل على الله و إركب الأوتوماتيك و تمتع بمذاق الإنتعاش

**Hosam_Optrawy** · 04-05-2009 11:46 AM

طبعا الاوتوماتيك اريح بكتير فى بلدنا دى اللى كل وقت وكل حته فيها زحمه
بالنسبه للخوف من الاوتوماتيك متخافش
فتيس الاوبترا عمر ما حد اشتكى منه ولا جراله حاجه الحمد لله
وبعدين طول ما انت بتحافظ على الحاجه وبتستعملها صح هتعيش معاك
متحطش فى دماغك انه هيبوظ هيبوظ
ان شاء الله مش هيجراله اى حاجه
ده انا كان معايا النترا اوتوماتيك موديل 98 وكانت زى الفل
واحنا فى 2009 وداخلين على 2010 ولسه الناس خايفين من الفتيس الاوتوماتيك
الرك على الاستعمال وتوكل على الله

**m_saber** · 04-05-2009 02:24 PM

بما أني شغال في مجال بيع السيارات الزيرو وبالذات الشيفورليه العربية الأوبترا الاتوماتيك مفهاش أي عيب ومفيش عميل خد العربية الاتوماتيك وأشتكى منها بالذات ان الفتيس بتاع الاوترا مصنع في شركة يابانية اسمها ايسين والشركة دي بتصنع الجير بكس بتاع الكرولا توكل على الله وأشتري الاتوماتيك بالذات أن أحنا في بلد دايما زحمة وبالتاي فعلا محتاج أتوماتيك
على العموم لو حبيت تعرف اسعار أي عربية سواء شيفورليه أو غيرها ممكن تكلمني على 0110070624

**mosayed** · 04-05-2009 07:21 PM

انا لسه شارى اوبترا اوتوماتيك عملت بيها حوالى 1700 كيلو و عايز اقولك انها الحمد لله زى الفل و مافيش مشاكل نهائى من الفتيس الاوتو .......... توكل على الله و اشتريها و ان شاء الله هتكون مبسوط منها جدا

**mahmoud_mpc** · 04-05-2009 11:57 PM

انا لسة شاري الاتوماتيك وبالتقسيط برضه على فكرة
ولما فكرت لقيت ان الفرق بسيط بس يساوي كتييييييييييييييييييييييي ييييييييييييييير
انا كنت راكب قبلها شاهين عادة فرق السما والارض طبعا
وسعرها حلو جدا جدا انا ليا اصحابي جيبنها ايام ماكانت ب104 مو2006 ولحد النهاردة ما شاء الله فحت وردم
توكل على الله , واستخير ربنا سبحانه وتعالى وهات الاتوماتيك وان شاء الله مش هتندم

**auto5truck** · 05-05-2009 11:43 AM

أشترى الأوتوماتيك فهى أريح فى زحمة الشوارع اليومين دول أنا أشتريتها بسبب زحمة المحور بتاعة كل يوم و العربية بقالها معايا سنة و عملت 33000

**menabigboss** · 06-05-2009 12:09 AM

الاتوماتيك بتاع الاوبترا جميل ولا توجد له اي اعطال ومتفكرش خالص في تمنه لو باظ زي ما نت عمرك ما هتفكر في الموتور بكام وممكن يبوظ ولا لأ......ولكن يعيب العربية بشدة الاتي:-
1- عفشة ناشفة جدا
2- استهلاك بنزين كبير يقل كتير عن 200 كم في الصفيحة لو انت قارص فوق ال 100 ومشغل التكييف
3- العربية صاجها ضعيف خصوصا الكبوت والسقف
4- طقم الصوتيات عايز يترمي في ال.......
5- شكل التابلوه قديم ومش شيك
6-لا يوجد نظم تعليق جميلة زي اللانسر ودة بيبان في الملفات ...انت بتميل داخل العربية مع الملف
السعر مقارب لعربيات كثيرة في رايي افضل منها وفي نفس السعر كالانترا والسيراتو واللينيا...وغيرها

المميزات
1- التسارع جميل جدا
2- الاتســــــــــــــــــــ ــــــاع
3-الشكل الخارجي جميل خصوصا في الالوان الغامقة
4- الثبات جميل حتي 140 كم/س

**khodaryam** · 13-05-2009 01:30 PM

العربيه معايا عمله 1500 كم -العربيه ممتازه فى كل شئ ما عدا استهلاك البنزين عالى جداا جدا جدا جدا -بتعمل معايا فى الصفيحة 140كم داخل البلد بدون تكييف يعنى خراب بيوت مستعجل