الى ملاك الاوبترا لو الزمن رجع للوراء هل هتفكر تشتري اوبترا ؟

ولو ان بيتهألى ان الموضوع ده اتفتح قبل كدا لكن هارد عليك برضه
لو الزمن رجع بيا لورا
يعنى شهر 7 2008
اكيد هاجيب اوبترا
ليه ؟
عشان ايامها الاوبترا الاوتوماتيك كانت ب 94
والعربيتين التانيين اللى عاجبننى اللى هما النترا وسيراتو
الالنترا اوتوماتيك اول فئه كانت ب 107 وداخله على 110 وقالولى الاستلام بعدشهرين او 3 شهور
والسيراتو كانت اول فئه ب 97 وناقصه مرايات كهربا وفوج لايت ونور الاضاءه بتاع الصالون ونور الستوب الخلفى
وعشان اخد الكماليات دى لازم اجيب اللى ب 102
فاكيد اكيد اكيد كنت هاجيب الاوبترا برضه
لو عايز مقارنه فى الوقت الحالى
دلوقتى الالنترا الاوتوماتيك رخصت شويه بقت ب 100 فكان ممكن اجيبها واستحمل انها ناقصه كام حاجه تضايق زى الفوج لايت ونور الصالون ونور الستوب الخلفى
وطبعا استحمل ان وكيلها غبور اللى يا اما أخد منى راقات
وكان ممكن اجيب السيراتو وخصوصا ان عليها تخفيضات دلوقتى لانها بتخلص او خلصت خلاص من السوق