الموضوع: إلي كل هيونداوية الدلتا

تحيه حاره مولعه لشباب طنطا
انا ليا تجربه سيئه فى صيانة عربيتى الألنترا(موديل 2010 مانيوال) فى مركز الدلتا لصيانة السيارات (صيانة 1000)وتتلخص فى الاتى:
1-لم يتم فحص الموتور بالكمبيوتر وأخذ قراءة الحساسات بحجة ان المهندس المسئول مسافر بالجهاز مصر لتصليحه.
2-المركز لا يوجد به ضبط زوايا وترصيص للكاوتش وطلبوا منى انى اعمله فى ورشه خارجيه.
3-لم يتم تنظيف فلتر التكييف وفلتر الهواء او غسل الماتور بالفوم.
4-لم يقوموا بتربيط العفشه وربط قواعد الماتور مع العلم بأنه اجراء اعتيادى فى المركز الرئيسى الموجود بأبورواش او قليوب.
5-كل اللى عملوه تغيير الزيت والفلتر وبعد ما خلصوا شغل فى العربيه أكتشفت انهم لا يوجد لديهم ختم للضمان .
6-طبعا انا اكتشفت كل ده عند اجراء صيانة 5000 فى قليوب حقيقى (هناك فرق ناس متخصصه مش بتوع مركز الدلتا اللى بيتعامل مع عربيات البيجو والهيونداى يعنى من الاخر طلع مش مركز صيانه معتمد) ودى كانت تجربتى مع هذا المركزانقلها بأمانه لأخوانى بالمنتدى مع العلم انى رحت هذا المركز لأنى من سكان مدينة طنطا ,ولأنى قرأت مشاركات كثير فى المنتدى بيوصوا بهذا المركز.