الموضوع: سؤال فى السوفت وير - سرقة باص وورد الأيميل

يا جماعة البرامج دى كذا نوع
اشهرهم مجموعة تندرج تحت مسمى Key Logger و دى بتسجل كل ضغطة على الكيبورد او بالماوس (علشان لو عملت ناصح و فتحت On-Screen Keyboard فبيسجل كله) ، و بييجى صاحب الجهاز يفرغ محتوياته و يعرف كل حاجة (كتير من النت كافيه عندنا بيستعملوه ... و بدون تعليق)

المجموعة التانية بتبقى Screen recorders او Event recorders او Computer Spy و دى برامج بتسجل كل اللى بيحصل فى صورة فيلم فيديو ، مش مجرد الكيبورد و الماوس بس ، و ده بيعرض بعد كله كل حاجة حصلت كأنك كنت قاعد مع اللى كان على الجهاز

اخيرا برامج هاكرز محترفين بتكون خليط من الأثنين (و دى صعب الحصول عليها لغير المحترفين ، هم بس عارفين بتتجاب منين)

لو بتستعمل لاب توب فى مكان عام بلاش تدخل على الأيميل منه لو داخل على شبكة واى فاى (ماكدونالدز او غيره مثلا) لأن ممكن واحد تانى بيكون قاعد و معاه على الجهاز بتاعه برنامج اسمه Packet Sniffer و ده بيتجسس و بيسجل كل اللى بتقوم به من على جهازك على شبكة الواى فاى ، و كأنه حاطط برنامج التجسس على جهازك انت و شايف كل حاجه و ممكن يسجلها كمان

ارجو اكون وضحت الموضوع

و تحياتى