الموضوع: هل لو البروتون صينى كانت إنتشرت أكثر فى مصر ؟

السلام عليكم يا أبو بودي,

أولاً نظراً للتعتيم الإعلامي من الوكيل أظن أن سيارات بروتون تتمتع بإنتشار لا بأس به في السوق المصرية....لاحظ عدد السيارات الGen2 و الWira الموجودة..و حتي الواجا بدأت في أخذ مساحة جيدة من السوق بالرغم من الشريحة المزدحمة جداً التي تنافس فيها.

أما عن موضوع لو كانت صينى....أولاً بالنسبة للصيني السيارة الوحيدة اللي فعلاً انتشرت هي الA516 و ده يرجع لسعرها المنخفض مقارنة بإمكانياتها, و الِA620 نظراً لأنها تحقق حلم الكثيرين في امتلاك سيارة فارهة 2000 سي سي بسعر مناسب جداً أما الباقي فباشوفهم في الشارع معرفش ايه دول.

و أهم نقطة عايز اقولها هنا أن لولا الحملات الإعلانية العنترية لأبو الفتوح كانت ألإسبرانزا مش حتلقي ربع و لا عشر النجاح الذي تتمتع به الان.

نرجع لنقطة لو كانت بروتون صيني و عندنا هنا 3 سيناريوهات و حاخد الGen2 كمثال.

السيناريو الأول: (حملة إعلانية ضخمة و أسعار في الأرض):

ساعتها كانت مش حاتبقي فارقة و كانت الجين2 حتاخد شوية من نصيب الاسبرانزا و لكن الاسبرانزا كانت حتاخد الحصة الأكبر نظراً لاسم أبو الفتوح, فالإنتشار حيبقي تقريباً زي الموجود دلوقتي و يمكن أقل شوية.

السيناريو الثانى: (تعتيم اعلامي و أسعار في الأرض):

نفس مصير الGeely و الBYD و الExplosion و خلافه.

السيناريو الثالث: (حملة إعلانية ضخمة وبنفس الأسعار الحالية):

فشل ذريع.........و مش حيعرفوا يطلعوا فلوس اللإعلانات.....زي الجالينا كدة اللي صارفين عليها ملايين اعلانات و بايعين خمس ست عربيات.

في إنتظار وجهة نظرك يا أخي العزيز.

طبعا هو عيب من الوكيل
الوكيل مبيعملش اعلانات غير لما يكون فى دفعة عربيات داخلة, يعنى كل 3-4 شهور
تكون الناس نسيت يعنى ايه بروتون اصلا
عندك وكيل المتسوبيشى, كل جمعة صفحة بحالها فى الاهرام لمده سنة او اكتر, لحد اما يحسسك انك لو مشتريتش اللانسر يبقى غاتك عمرك كله, او اختيارك كان غلط
نفس الكلام للاسبرانزا, و الشيرى اول اما نزلت
اعلانات فى الجرايد و الراديو و التلفزيون, و مسابقات من الوكلاء و جوايز
يعنى شغل تسويق حقيقى, علشان المنافسة الطاحنة
المعلومة اللى انا متأكد منها ان عز العرب واخد توكيل البروتون ده من حد, يعنى مش هو اللى اتفاوض عليه او مضاه مباشرة, فممكن علشان كده يكون مش مهتم اوى بيه

الغريب ان نفس طريقة التعامل مع الستروين, اعلان كل 3-4 شهور, لما يفتكر يعمل اعلان.

عمرك ما سمعت عن حملة صيانة مجانية, تخفيض فى قطع غيار, مفيش :?

عمرك ما سمعت عن حملة صيانة مجانية

أوتو ماجد عملوها...بس أى كلام في أي كلام :)

عز العرب تأريباً مكتفى بتوزيع الكريسلر والدودج والجيب
اما البروتون والستروين تأريباً هو واخدهم حلاوه روح
يعنى مش هيفرأو معا ه كتير

أستاذ Mohsens
معاك كل الحق في تحليلك الرائع بالإضافة إلى أنه من أسباب هذا النجاح المدوي " لتوزيع " الاسبيرانزا هو أنه بها من الكماليات والشكل الأنيق ما من شأنه أن يستجيب لطموحات الفئة المتوسطة الطامحة لامتلاك سيارة جيدة بسعر مناسب هذا من ناحية،
من الناحية الأخرى فهناك فشل أستطيع أن أقول أنه كبير لوكيل سيارات بروتون في مصر وهو ماجعلها شبه مجهولة للكثيرين وخارج الحسابات اللهم إلا الجين 2 التي بدأت على استحياء تأخذ مكاناً ملحوظاً في سوق السيارت (بالطبع لا أقصد سوق الجمعة :lol: :lol: :lol: )
لا أخفيك سراً أنني كنت قد أوشكت على شراء إحدى سيارات بروتون قبل شرائي لسيارتي الحالية، وكنت قد أقدمت على الواجا الأوتوماتيك، إلا أن نصيحة من أحد الأصدقاء من ماليكيها جعلتني أتراجع فقد صرح لي أن سيارته الواجا (جابت وش سلندر على 20000كم) وبعد مناوشات مع التوكيل واتصالهم بماليزيا أرسلو له اعتذاراً مع تحمل جميع التلفيات والمصنعيات.
بعد ذلك فكرت ملياً في الجين 2، وذهبت لمعرض عز العرب في ذاكر حسين للحجز وليس للفرجة إلا أنني أيضاً تراجعت لشعوري بأنهم توكيل غير محترف وغير محترم لعملائه.
أعتذر للإطاله

أولا الموضوع له شقيــن 2 :
-------------

1- إنتشار بروتون عالميــاً

2- قوة و سمعة التوكيل

========
لو نظرنا على مكان بروتون بين الشركات العالمية هانكتشف إن بروتون مازلت شركة مكافحه مجتهدة مشكلتها رأس المال يعنى فى حاجة إلى توسوعات الطاقة الإنتاجية لا تساوى نصف الطاقة الإنتاجية لهيونداى مثلاً (ده تقريبى لكن معرفش الرقم بالظبط)

و بالتالى الإنتاج مش بالكميات التى تسمح بالإنتشار الوهمى

2- التوكيل مقصر فى الدعايا لبروتون + إمكانياته حتى الآن محدوده (هو آه بيعمل توسوعات بس لما تتعمل نحكم عليه من جديد لكن لحد ما يعمل هو ضعيف )

بس مقارنة جودة و قوة عمر إفتراضى لبروتون بالسيارات الكورى ----طبعا بروتون تتفوق

طبعا داخل المقارنة دى :

1- المتانة
2- القوة
3- السعر
4- الصاج (لا يمكن مقارنته إلا بالألمانى)
5- القيمة

الكورى يتفوق فى : مراقبة الجوده أعلى حبه - التطوير فى التصميم شكليا و ليس ثبات و شاسيه لأن الثبات و الشاسيه فى الثلاث موديلات بروتون مفيش فيهم مقارنة
و وزن الثلاث موديلات برده يتفوق

ناهيك عن إن العربيات بتنزل بالجنوط + السى دى (ماعادا الويرا كاسيت) + الإزاز 4 كهرباء = الموديل الأساسى

يعنى لو عز العرب ده كان غبور أو أبو الفتوح أو نصير كان زمان مصر كلها راكبه بروتون

بس فى نفس الوقت أحب ألفت إنتباه الناس إن فى توسوعات لبروتون على مستوى العالم و ده هايبان أوى خلال السنتين اللجايين

فى مستثمر سعودى وقع عقد مع بروتون بإنشاء مصنع تجميع بروتون فى السعودية من حوالى شهر أو أكثر ده غير المصنع إللى فى إيران و سمعت عن واحد فى أوكرانيا أو حاجة كده....... ده غير المفاوضات إللى فولكس إتقطع نفسها ورا بروتون عشان تشتريها و الحكومة الماليزية رافضة تماما تكون حصة فولكس أكبر من 49% ....ده غير سعى شركات أخرى خلف بروتون وده هايحصل قريب إندماج مع شركة كبيره ذى ميتسوبيشى أو نيسان أو جى إم أو غيرهم

يسعدني التحاور معك يا أستاذ وائل, لكن لي بعض الملاحظات حتي نعمل علي توضيح الأمور.

فقد صرح لي أن سيارته الواجا (جابت وش سلندر على 20000كم) وبعد مناوشات مع التوكيل واتصالهم بماليزيا أرسلو له اعتذاراً مع تحمل جميع التلفيات والمصنعيات.

جميع السيارات معرضة لهذا يا أستاذ وائل مع ألإهمال في مراقبة درجة حرارة المحرك حتي في أول 1000 كيلو مش 20000 كيلو, و دي مش حاجة تخليك تغير رأيك في السيارة لأن اللي حصله مش شرط يحصلك, و مسمعتش انه حصل لغيره لا في مصر و لا براها بالرغم اني متابع جيد لمعظم منتديات الواجا في دول مختلفة.

بعد ذلك فكرت ملياً في الجين 2، وذهبت لمعرض عز العرب في ذاكر حسين للحجز وليس للفرجة إلا أنني أيضاً تراجعت لشعوري بأنهم توكيل غير محترف وغير محترم لعملائه

رغم عدم تعاملي مع هذا الفرع من قبل لكن يمكنني أن أتفهم شعورك لأن اليوم اللي كنت ناوي أدفع فيه خلاص كنت لسه محتار ما بين الواجا و الأوبترا....و خدت معايا زوجتي و روحنا شيفروليه اللي في المهندسين الأول.....ربنا رزقني بواحدة Sales أجارك الله خلتني أكره شيفروليه و منصور و كل العربيات اللي في الدنيا....اشتكيتها فيما بعد للإدارة الرئيسية...

بعدها علي طول رحت عز العرب اللي في العجوزة....و الله الناس مكانوش عارفين يعملولي ايه....و الSales قاللي تعالي بكرة استلم...قلتله لأ أستلم النهاردة عشان مش فاضي بكرة......الراجل خدني بعربيته الخاصة و سلمني من الصحراوي في ساعتها.....رغم انه كان عنده تسليمات في العجوزة في نفس اليوم و رغم اني كنت دفعت خلاص.

ده غير الBrand Managerبتاع بروتون اللي كنت عمال أكلمه في التليفون عمال علي بطال قبل ما أشتري و أسأله علي أسئلة هايفة :) و كل مرة بيرد عليا بكل أدب و احترام و تعاون.

فبالرغم اني لا أستطيع لومك علي تغيير قرارك من معاملة مسئولين البيع لكن ده لا يعكس الحالة العامة للتوكيل...و فالنهاية كل دول بشر و موظفين و كل شركة فيها الموظف الكويس و الوحش, المهم ان مايكونش فيه حالة إهمال عامة.

و شكراً