عرض للطباعة
السلام عليكم
والله المنتدى جميل جدا و اعضاؤه كلهم ذوق و احترام
بس انا ملاحظ ان قسم النيسان مافيهوش اي جديد مش زي اللانسر
انا عايز أسأل بعض الاسئله لو تكرم الاعضاء ايلي عندهم فكره بالرد عليا
انا روحت مودرن موتورز توكيل النيسان ايلي فالدقي و دفعت الف جنيه عشان احجز نيسان صني اكس سالون 2008 نبيتي
وقالولي سعرها 91 الف و ادفع الف و التسليم اودامك شهر كده
وانا عايز اخلص من المشكله دي
اقدر الاقي الصني في معرض و بنفس السعر و تسليم فوري, خصوصا اني حجيبها كاش
معلش طولت عليكو
ليه شهر كتير اوى على العموم انا جبتها من العوض جروب اللى فى اول المعادى طريق الاوتوستراد ولو عاوز اى معلومة عنها تحت امرك
سؤال هيه العربية غليت تانى ولا ايه دى كانت نزلت ووصلت 86000 ؟
اعتقد ان الاستاذ لقي حاجز اتوماتيك مش مانيوال0
علي فكرة هو فيه مشكلة فعلا في تسليم الصني لان السحب كان كتير جدا الفترة الماضية
الحل ان حضرتك تتصل بكل الوكلاء (السبع-العوض- مودرن موتورز000) وتشوف الكلام عندهم نفس الكلام ام لا
فيه كمان ناشيونال موتورز اما المعارض (اذا وجدتها) اكيد حتكون اغلي
فى اسكندريه موديل 2008المانيوال لسه ب86000 بس ده سعر الوكيل وقت ما والدى اشترى العربيه راح للمصريه يسأل عليها كانت اغلى وقاله لو حتدفع كاش حتستنى حوالى 10 ايام انما لو حتدفع تقسيط حتاخدها تانى يوم وديه كانت حاجه غريبه قوى
صديقي في المكتب حجز من مودرن موتورز ب500 جنية مقدم ex saloon مانيوال ب 86000 وكمان شهر الاستلام
انا شفت عرض الاسعار بنفسي ومش مشكلة يا سيدي شهر
والله انا معايا مانيوال من 7 شهور جبتها من العوض جروب وعاوز اروح بيها اى معرض وابدلها بسوبر صالون وادفع الفرق عاوز اركب اتوماتيك اريح كتير اوى فى البلد الغريبة دى
اه فعلا الصني ايلي انا حاجزها اوتوماتيك اكس صالون
اخ mohaismail ياريت لو معاك نمرة تليفون العوض جروب تكتبها
عشان لو في حد كمان من الاعضاء عايز يسأل