الموضوع: الغاز الطبيعي للسيارة

http://www.nilemotors.net/Nile/showt...ight=%DB%C7%D2

المشاركة الأصلية كتبت بواسطة mohamed_3abdel3al

اي عربية في العالم ممكن تشتغل بالغاز الطبيعي حتى لو كانت بورش
اسباب تركيب الغاز الطبيعي

1.توفيره للمال بيمشيك حوالي 120 كيلو ب 3 جنيه !!!!!!
2.عوامل الامان الي زادت عن الاول في الاسطوانة و طرق التركيب الجديدة
3.العرض الحالي على تقسيط التمن بتاع الاسطوانة
4.توافر خدمات الغاز زي البنزين بالظبط
5.عدم وجود غاز مضروب (لسة معرفوش يضربوه )

ليه باه منركبش غاز ؟؟؟

1.الغاز بيقلل من عمر الماتو جدا جدا يعني لو المفروض تعمل عمره بعد 3 سنين هتعملها بعد 2 او 1.5
2.مش هتحس بفرق التمن بينه و بين البنزين لانك ما بتلفش طول اليوم و بالتالي اصلا معدل بنزينك في اليوم مش كبير اوي
3.الفلوس الي هتوفرها من البنزين هتدفع ادها مرتين تلاته علشان الماتور ( عكس التاكسيات الي بتلف طول اليوم علشان كده بتوفر فلوس كتير )
4.سحب و شد و الحوارات دي انساها من حياتك خالص بياثر على سحب العربية جدا جدا


يا رب اكون عرفت افيدكم يا رجالة و نصيحة الغاز هيبوظ الطابع الرياضي للجين 2

ممكن بس أعلق على النقطة اللي لونتها أزرق

عُمر الموتور يا جماعة مش بيتحسب بالوقت و الزمن
عُمر الموتور بيتسحب بالاستهلاك ... يعني عملت كام كيلو ....... و عملتهم ازاي .....يعني جوه البلد و لا خارج البلد على طرق سريعة ...... و بتحمل العربية على طول ...... و لا ماشي لوحدك.......... بتحافظ على الصيانات و لا لاءة .....

ممكن يبقى معايا عربية عمرها 5 سنين و عاملة 20 ألف كم بس
و عربية تانية عمرها سنة واحدة و عاملة 60 ألف .......


رجوعا لموضوع الغاز .
طبعا زي ما كل الأخوة قالوا الغاز موفر جدا في الأسعار .
و زي ما أخي محمد عبد العال قال في مداخلته اللي أنا أقتبستها أنه هايأثر على السحب .

بس في نفس الوقت موضوع عمر المحرك مش هايقل بالوقت
يعني مثلا لو العربية على الاستعمال العادي و المفروض تحتاج عمرة مثلا على ربع مليون كم .
ممكن تلاقيها هاتحتاج العمرة على 200 ألف بس بدل ربع مليون .
يعني الغاز ممكن يأكل 50 ألف كم من عمر المحرك .

دي أرقام تقريبية مش دقيقة .
و شكرا

بعد إذن الكل توضيح صغير لموضوع عمر الموتور أنا صحيح مش مهندس بس بكالريوس إدارة منشآت بترولية و كان بحث تخرجى عن البدائل المكنة و المحتملة عن البترول كوقود و منهم طبعا الغاز الطبيعى زى ما قال الأستاذ مؤمن الموتور نازل عشان يشتغل بالبنزين مش الغاز و لازم يكون مجهز إنه يشتغل بالغاز من الأول لأن غرفة الاحتراق الداخلى اللى هى تعريف الموتور بتكون مصممة أساسا لاستيعاب طاقة حرارية معينة تختلف فى احتراق البنزين عنها فى الغاز و ده اللى بيقصر عمر الموتور و قطع غياره لأن المادة أو السبيكة المصنوع منها لا تلائم ظروف عملها بالغاز الطبيعى.
أتمنى أكون قدرت أفيدكم بشكل بسيط و غير معقد

عايز أقول حاجه بس بصراحة شديدة

لو فلوس البنزين كتير عليك بيع العربية وهات حاجه قديمة وحطلها غاز , غير كده حرام عليك تحط غاز لأسباب بسيطه جدا:
1- مش هتحس انك راكب عربية جديدة , السحب ضعيف , مشكلة في تدوير العربية في الشتا بالذات.
2- تُقل على عفشة العربية من الخلف بسبب الأنبوبة , وكمان هتبهدل العفشة أكتر أما الناس تركب ورا.
3- طبعا هتقصر عمر الموتور عشان العربية مش مصممة للغاز أساسا.
*أنا الموضوع استفزني اني أرد لأن بجد أنا بعتبر أي لعب في أساس العربية يعتبر تخريب في العربية , من الآخر : حراااااااااام

المشاركة الأصلية كتبت بواسطة mohamed_3abdel3al

اي عربية في العالم ممكن تشتغل بالغاز الطبيعي حتى لو كانت بورش
اسباب تركيب الغاز الطبيعي

1.توفيره للمال بيمشيك حوالي 120 كيلو ب 3 جنيه !!!!!!
2.عوامل الامان الي زادت عن الاول في الاسطوانة و طرق التركيب الجديدة
3.العرض الحالي على تقسيط التمن بتاع الاسطوانة
4.توافر خدمات الغاز زي البنزين بالظبط
5.عدم وجود غاز مضروب (لسة معرفوش يضربوه )

ليه باه منركبش غاز ؟؟؟

1.الغاز بيقلل من عمر الماتو جدا جدا يعني لو المفروض تعمل عمره بعد 3 سنين هتعملها بعد 2 او 1.5
2.مش هتحس بفرق التمن بينه و بين البنزين لانك ما بتلفش طول اليوم و بالتالي اصلا معدل بنزينك في اليوم مش كبير اوي
3.الفلوس الي هتوفرها من البنزين هتدفع ادها مرتين تلاته علشان الماتور ( عكس التاكسيات الي بتلف طول اليوم علشان كده بتوفر فلوس كتير )
4.سحب و شد و الحوارات دي انساها من حياتك خالص بياثر على سحب العربية جدا جدا


يا رب اكون عرفت افيدكم يا رجالة و نصيحة الغاز هيبوظ الطابع الرياضي للجين 2

حقيقى برافو عليك قولت اللى نفسى اقولة بس فى حاجة سوائق تاكسى قالهالى انك بتغير حاجة فى العربيه كل شهر بتخس الكهربا مش عارف ايه هيا