الموضوع: عايز شوية آراء خبيرة-كورولا وللا اوكتافيا

المشاركة الأصلية كتبت بواسطة kareemhisham

لأ معلش مع كامل احترامى ,, دة كلام مش مظبوط خالص
الموتوسيكل الحضرتك بتقول عليه " الكورولا " ,,

هى العربية الاكثر مبيعا للصانع رقم واحد للسيارات فى العالم

فمينفعش خااااااااالص اقول ان المقارنة محسومة ,,, ايوا ممكن تكون صعبة بس مش محسومة

و محدش نسى مميزات الاوكتافيا و الناس عامالة تقولها من اول ما الموضوع ابتدى

و انا من رأى ان العربيتين ممتازين و كل واحدة ليها عيوبها و مميزاتها

يعنى الاوكتافيا : للبيدور على الاتساع و الثبات
و الكورولا : للبيدور على تسارع و شد و جرى

و العربيتين ليهم مميزات مشتركة منهم الشياكة و الفخامة ,, و معلش العايز يقول ان الكورولا مش بفخامة الاوكتافيا ,, يروح يتفرج عليها فى معرض لتويوتا و يعد يدقق فيها شوية ,,,,,,,, العربية فخمة فعلا

معني انها اكثر مبيعا ميخليهاش تتقارن بالاكتافيا وصانع السيارات رقم واحد ده برضه ميخليش عربياته تتقارن باي عربيه الماني
وبعدين العربيتين يعتبروا فئتين مختلفتين ,يعني الاكتافيا فئة اعلي من الكورولا
واسف لو كنت شبهتها بالموتسيكل بس برضه دي فئة تانيه خالص و مش عشان العربيه بتجريي و تشد تبقي احسن من الاكتافيا
متنساش ان وزنها اخف من الاكتافيا عشان كده بتشد

المشاركة الأصلية كتبت بواسطة ahmad aboul fotouh

معني انها اكثر مبيعا ميخليهاش تتقارن بالاكتافيا وصانع السيارات رقم واحد ده برضه ميخليش عربياته تتقارن باي عربيه الماني
وبعدين العربيتين يعتبروا فئتين مختلفتين ,يعني الاكتافيا فئة اعلي من الكورولا
واسف لو كنت شبهتها بالموتسيكل بس برضه دي فئة تانيه خالص و مش عشان العربيه بتجريي و تشد تبقي احسن من الاكتافيا
متنساش ان وزنها اخف من الاكتافيا عشان كده بتشد

اولا انا مدخلتش انها الاكثر مبيعا او الصانع رقم واحد فى المقارنة ,, انا بقول كدة عشان اقول لحضرتك ان العربية اكيد ممتازة

و الناس اتكلموا فى موضوع الفئات قبل كدة فى الموضوع هنا و قالوا انهم نفس الفئة مع اللانسر و السيفيك و الجيتا و الهى "السيدان المدمجة"

اما الفئة التانية الحضرتك بتقول عليها هى الفكترا و الباسات و كدة دول "السيدان المتوسطة"

و موضوع التسارع ميرجعش لفرق الوزن بس .. لانه مش فرق كبير انما العامل فرق هو الموتور عشان موتور الاوكتافيا 105 حصان و الكورولا 122 حصان و دة فرق كبير ,,

و ياريت محدش يقولى ان الاحصنة مش مقياس ,, ايوا فى عوامل تانية بس دة الاهم و الاكبر

السلام عليكم


الصراحة المقارنه صعبة جدا جدا جدا بس انا احب اضيف حاجة مهمة ان الكورولا شركه تويوتا بتبيع عربية كل 40 ثانية منها و دة رقم ضخم جدا يدل على اعتمادية العربية و كثرت الاقبال عليها في المقابل الاوكتافيا عربية الماني متصنعه في التشيك و دة اللي مرخص تمنها عن العربيات الالماني التانية اللي في نفس الفئة بتاعتها و كمان هى عربية فخمه جدا جدا جدا شكلا و موضوعا و الدليل على كدة انها واخدة احسن عربية اعتمادية في بريطانيا بلد الروز رويس
http://www.nilemotors.net/Nile/showthread.php?t=76076

المقارنه صعبة بس اللي انا عايز اقوله ان اللي حيشتري كورولا حيكون مبسوط جدا انه اشتراها و حيشوفها احسن من الاوكتافيا و العكس صحيح
من راي و دة راي شخصي اللي بيقارن بين العربيتين اللي يفرق بنهم الارتياح النفسي لوحدة منهم انا عن نفسي و دى تجربة شخصية بعشق الاوكتافيا و رحت اشتري كورولا و بعد مكنت خلاص ححجز العربية و كنت معجب بيها جدا واحد صحبي قلي متبص على الاوكتافيا الاية فايف زي ميكون فكرني بيها و اول مقعت جواها و اتفرجت عليها طلعت من المعرض و انا حاجزها لاني عارف ان كورولا او اوكتافيا انا مش خسران في الاتنين و لو اخت دى مش حندم على دى المهم الراحه النفسية اللى الواحد يحس بيها جوة العربية


موضوع ان ماتور الاوكتافيا ضعيف انا من تجربتي ملاحظ العكس ماتورها ماشاء الله جبار و تكيفها تلاجة و على فكرة انا عايش في الخليج يعني درجه الحرارة 45 و انت طالع

بالنسبة للموتر انت لو قرصت علية حتلاقي ان ال rpm بيزيد جدا ادامك و العربية ماشية عادى جدا النطرة اللي بتكون في العربية مش موجودة و دى تكنولوجا انا قريت عنها هنا في المنتدى موجودة في العربيات الالماني زي البي ام و الفولكس علشان راحت الركاب

معلش للاطاله

المشاركة الأصلية كتبت بواسطة kareemhisham

اولا انا مدخلتش انها الاكثر مبيعا او الصانع رقم واحد فى المقارنة ,, انا بقول كدة عشان اقول لحضرتك ان العربية اكيد ممتازة

و الناس اتكلموا فى موضوع الفئات قبل كدة فى الموضوع هنا و قالوا انهم نفس الفئة مع اللانسر و السيفيك و الجيتا و الهى "السيدان المدمجة"

اما الفئة التانية الحضرتك بتقول عليها هى الفكترا و الباسات و كدة دول "السيدان المتوسطة"

و موضوع التسارع ميرجعش لفرق الوزن بس .. لانه مش فرق كبير انما العامل فرق هو الموتور عشان موتور الاوكتافيا 105 حصان و الكورولا 122 حصان و دة فرق كبير ,,

و ياريت محدش يقولى ان الاحصنة مش مقياس ,, ايوا فى عوامل تانية بس دة الاهم و الاكبر

[overline] [/overline][overline]
حضرتك لو كنت سقت الماني كنت عرفت انا اقصد ايه
[/overline][overline][/overline]
انا لما بنزل من عربيه الماني واسوق ياباني بحس اني سايق مركب شراعي(محدش يزعل مني)
وبعدين صانع السيارات رقم واحد صنع اسوأ عربيه انا ركبتها حتي الان الا وهي اليارس اللي كانت عاوزه تقلب بعد الميه وساعات الاقي الفرامل حجرت وانا ماشي علي الطريق الزراعي وكانت زيرو والله

المشاركة الأصلية كتبت بواسطة Ahmad Aboul Fotouh

[overline] [/overline][overline]
حضرتك لو كنت سقت الماني كنت عرفت انا اقصد ايه
[/overline][overline][/overline]
انا لما بنزل من عربيه الماني واسوق ياباني بحس اني سايق مركب شراعي(محدش يزعل مني)
وبعدين صانع السيارات رقم واحد صنع اسوأ عربيه انا ركبتها حتي الان الا وهي اليارس اللي كانت عاوزه تقلب بعد الميه وساعات الاقي الفرامل حجرت وانا ماشي علي الطريق الزراعي وكانت زيرو والله

و الله انا مش عارف اقول لحضرتك ايه ,, الحضرتك بتقوله دة احساس مش اكتر و ممكن تكون حضرتك واهم نفسك ,, انما احنا هنا بنتكلم على ارقام و معلومات

و على فكرة انا سقت الA5 و الA4 و كان عندى سكودا فورمان ,, و على فكرة انا من عشاق سكودا من زمااان

بس انا شايف ان الكورولا تكسب بفارق بسييييييييييط اوى عشان التكنولوجيا فيها اجدد مش اكتر

اما بخصوص الياريس فأكيد حضرتك عارف ان بيكون فى حالات فى العربيات ,, و ان الياريس بايعة زاى الرز و واخدة تقييمات جامدة اويييي

المشاركة الأصلية كتبت بواسطة fadi ezzat

بصراحة ياشباب المقارنة مش صعبة
ولا حاجة
اكيد انتو عارفيين انا هختار مين

أظن كلنا معاك فى رأيك أكيد أوكتافيا