ارجوا المساعدة فى تقييم سعر سيارة اوبل استرا 2004 1600 امامى واوريد شراء هذة السيارة فهل سعر 65000 كثير فى هذة السيارة??????????
من حيث اعادة البيع والمتانة والصيانة وقطع الغيار مع العلم ان السيارة عملة 52الف كيلو وشكرا
عرض للطباعة
ارجوا المساعدة فى تقييم سعر سيارة اوبل استرا 2004 1600 امامى واوريد شراء هذة السيارة فهل سعر 65000 كثير فى هذة السيارة??????????
من حيث اعادة البيع والمتانة والصيانة وقطع الغيار مع العلم ان السيارة عملة 52الف كيلو وشكرا
لأ كده انا شايف ان السعر كويس قوي..
وخاصة انها ماشية قليل خالص..
شكرا يا فندم على ردك
السعر معقول خصوصا انها 2004 وعاملة 52 الف كم بس
السعر تمام عشان ماشية قليل بس العربيه دى عيبها الوحيد سمعت ان فيها مشكلة فى علبة البيئة... لكن ايه المشكلة بالظبط انا معرفهاش
كده السعر كويس اوى ..
و العربيه ما شاء الله عموما كويسه ..
و بتستحمل شغل و هرس بالعبيط ..
انا معايا موديل 2006 ماشيه 140 الف كم !!!
و المشاكل الى فيها تعتبر مش حاجه يعنى و كلها حاجات هايفه تلخص فى شويه اصوات العربيه بتعملها ...
و لو عند استفسار عن اى حاجه فيها انا تحت امرك.
العيب ده مظهرش عندى الحمد لله !!!!
بس انا اول مره اسمع عنه
لأ خلي بالك من حاجة..
موضوع علبة البيئة ده في عربيات كتير.. و دي بتبقي علبة شكمان عادية بس محشية فيبر معين.. و مع الوقت و السخونة الفيبر ده بينشف و بيحجر كده.. و بيكتم العلبة و الشكمان..و بيخنق العربية.. و بعد شوية وقت بتحتاج تغيرها عشان العربية تفوق..
في ناس كتير بتلغيها و تركب علبة عادية.. بس اكيد ده مش صح.. بس اسمع ان هي غالية فعلا و تمنها ممكن يوصل 1500 جنيه..!!!!!
بس اكيد دي مش بتبوظ كل سنة يعني.. دي ممكن تعد معاك 10 سنين يعني..
وفي ناس مش بتغيرها اصلا كمان.. متقلقش منها يعني..
والله ياجماعة انا اللى قاللى كده ميكانيكى بقوله الاسترا 1200 افضل ولا1600 قاللى 1600 مشكلتها علبة البيئة بس ... ده اللى قاله وع العموم شكرا انك نورتنى .. وكمان انا بحب 1600 اساسا
بص ياباشا السعر 2004 حسب الحالة بس هى من 60 الى 68 تقريبا بس العب فى الرنج دة مش هتقل عن كدة ولا هتعلاء عن كدة بس الفيصل هنا الحالة ومتشترهاش حلتها وحشة لمجرد السعر لقطة هتبقا انت قلى لقطة العربية دية اكسسوراتها مش بسيطة خالص بس اهون من الكورسا بكتير الحالة هنا هى الفيصل خدها التوكيل خليهم يكشفو عليها كويس ويدوك الربورت بتعهاء ومبروك
شكرا ياجماعا على هذة الردود الجميلة ولكن لما دورت العربية دية فيها صوت عالى شويةفى الموتور يعنى تحس انها عملة 150 او200الف كيلو مع العلم انى كان معايا اوبل كورسا ومكنش صوتها عالى اوى كدة