السنيو سيراتو ولا الاسكودا الاي 4

**marawansabry** · 04-05-2009 01:59 PM

انا عارف ان دا منتدي كيا بس عايز رأيكم بصراحة ايهما احسن النيو سيراتو ولا الاسكودا الاي فور

علما بان النيو سيراتو اوبشن اكتر (اوتوماتيك ، 2 ايرباج ، بارك سنسور ) بينما الاي فور مفيهاش الكلام دة ومانيوال كمان وممكن تبقي اخر سنة ليها السنة دي بس تتميز (مثبت سرعة ، ثبات واعتمادية عالية ، قوة صاج) وبرضة عربية تشيكي بتكنولجيا الماني

علما بان سعرهم تقريبا في نفس الرنج
يعني النيو سيراتو (اوتوماتيك ، اي بس اس ، 2 ايرباج ، بارك سينسور ،....) بحوالي 116 الف
والاوكتافيا الاي فور (مانيوال ، اي بي اس ، واحدة ايرباج ، مثبت سرعة ، مساحة خلفية ،......) بحوالي 120 الف.

**ghazy12** · 04-05-2009 02:14 PM

انا كنت في نفس الحيرة بينهم, بس اخترت السيراتو بصراحة... و لكن الـA4 ممتازة بكل المقاييس, بس مشكلتها انها مانيوال, امكانيات أقل بكتيير, الشكل الداخلى تقليدي شوية... و بصراحة العربيات مش بس جودة تصنيع و بلاد (الماني, كوري......) لكن لازم يكون فيه عوامل أمان, رفاهيات, شكل, امكانيات......... عشان محدش جايب عربية عشان بس يشقيها طوول عمرها.... بس انت كمان لازم تكون مستمتع من سواقتها و رفاهياتها اللي بتديهالك...

ده رأي في أي عربية مهما كان منشأها.... و لو معايا فلوس اجيب الماني (بس الماني الماني, فولكس او مرسيدس او بي ام...) عمري ما هتردد ابدااااااا.... ربنا يوعدنا باذن الله و ده هدفي ان شاء الله من قبل ما اجيب السيراتو, اركب الماني بعد فتره, و في الوقت الحالي يبقى معايا عربية محترمة و فيها كل الكماليات و قوية و ممتازة و الأهم ((( متميزه جداا)))....

و ربنا يوفقك يا باشا ان شاء الله...

**M.Osman** · 04-05-2009 02:32 PM

طبعا الأكتافيا الـa4 تحفة ... لكن قدمت اوي ... و اكيد قطع غيارها اغلى من الكيا... هي حاجة محيرة طبعا بين انك تركب عربية ألماني قديمة شوية او تركب عربية ممتازة كوري .. لسة مش مسمعة اوي بس عاجباك ... بصراحة انا لو هقدر على مصاريف الألماني هشتري الأكتافيا :) لكن السيراتوا الجديدة مغرية جدا جدا برضه ... ولك حرية "الإحتيار" !

**marawansabry** · 04-05-2009 03:09 PM

بصراحة حاجة محيرة فعلا .. يعني تجيب تشيكي تكنولوجيا الماني .. ولا كوري بامكانيات عالية؟؟
ولو اتكلمنا على الامان .. الاتنين فيهم اير باج والاتنين فيهم اي بي اس .. يعني العملية واحدة .. بالعكس الاستبلتي في الالماني اكيد هتبقي احسن .. ولا انتم ميش معايا
هما بس مشكلتين في الاوكتافيا الاولانية انها مانيول .. والتانية انها شكلها فقير قوي

**M.Mostafa80** · 04-05-2009 03:12 PM

المشاركة الأصلية كتبت بواسطة ghazy12

انا كنت في نفس الحيرة بينهم, بس اخترت السيراتو بصراحة... و لكن الـA4 ممتازة بكل المقاييس, بس مشكلتها انها مانيوال, امكانيات أقل بكتيير, الشكل الداخلى تقليدي شوية... و بصراحة العربيات مش بس جودة تصنيع و بلاد (الماني, كوري......) لكن لازم يكون فيه عوامل أمان, رفاهيات, شكل, امكانيات......... عشان محدش جايب عربية عشان بس يشقيها طوول عمرها.... بس انت كمان لازم تكون مستمتع من سواقتها و رفاهياتها اللي بتديهالك...

ده رأي في أي عربية مهما كان منشأها.... و لو معايا فلوس اجيب الماني (بس الماني الماني, فولكس او مرسيدس او بي ام...) عمري ما هتردد ابدااااااا.... ربنا يوعدنا باذن الله و ده هدفي ان شاء الله من قبل ما اجيب السيراتو, اركب الماني بعد فتره, و في الوقت الحالي يبقى معايا عربية محترمة و فيها كل الكماليات و قوية و ممتازة و الأهم ((( متميزه جداا)))....

و ربنا يوفقك يا باشا ان شاء الله...

الكلام دا جميل بس بما انى متحيز لكل ماهو ألمانى هقلك ألمانى يعنى سكودا لأن بصراحه فى حاجات فى أسكودا معتقدش انها موجوده فى السيراتو ولوانى مكنتش عايز أقول رأيى دا الا لما أكمل تجربه عربيه صديقى السيراتو الجديده عشان أبقى محايد فى رأى ومبقاش متحيز لحاجه
والفرق مش هتلاقيه الا لو أتيحت الفرصه ليك بتجربه الأثنين
لأن الفرق بيتحس مش بيتقال بغض النظر عن الكماليات الى موجوده هنا وهنا

**kareemhisham** · 04-05-2009 03:17 PM

اول حاجة الاوكتافيا الa4 شكلها بقا قدييييييم بالنسبة للسيراتو و مانيوال و مافيهاش اوبشنز ,, يعنى ملهاش غير ميزة واحدة و هى ان التكنولوجيا المانى و دى ان مش بعتبرها ميزة لأن التكنولوجيا قديمة و التكنولوجيا الكورى الجديدة احسن منها ,, و بعدين ليه تشترى عربيى قيتوقف انتجها السنة الجاية لما ممكن تشترى عربية لسة شكلها الجديد نازل مكملش شهر و شكل تحفة ,,
لأ و بعد كل دة الاوكتافيا اغلى ههههههه
بصراحة انا شايف ان السيراتو الاختيار الافضل و لو حضرتك اخترت الاوكتافيا الa4 يبقى بتتنازل عن الكثير من الرفاهية و الاداء ,, عشان عربية اسمها المانى بس
و ارجو انى اكون افدتك

**ahmedroustom** · 04-05-2009 03:24 PM

أنا شايف ان الاوروبي اوروبي و الكوري كوري يعني مينفعش اقارن لان المقارنة في النهايه لصالح الاوروبي وفي الاخر دي وجهات نظر طبعاً

**ghazy12** · 04-05-2009 03:25 PM

المشاركة الأصلية كتبت بواسطة momomero

الكلام دا جميل بس بما انى متحيز لكل ماهو ألمانى هقلك ألمانى يعنى سكودا لأن بصراحه فى حاجات فى أسكودا معتقدش انها موجوده فى السيراتو ولوانى مكنتش عايز أقول رأيى دا الا لما أكمل تجربه عربيه صديقى السيراتو الجديده عشان أبقى محايد فى رأى ومبقاش متحيز لحاجه
والفرق مش هتلاقيه الا لو أتيحت الفرصه ليك بتجربه الأثنين
لأن الفرق بيتحس مش بيتقال بغض النظر عن الكماليات الى موجوده هنا وهنا

كلامك جميل جداا, و عارف الاحساس اللي تقصده و جربته,, بس الكلام لو على A5 هيكون الموضوع محسوووووووووووووم..... بس الـ A4 موضوع تاني, العربية قديمة و التكنولوجيا كمان قديمة... ممكن يكون فيها حاجات مش في السيراتو, و انا مقولتش ان الاوكتافياA4 وحشة ابدا بالعكس, لكن, يبقى فارق الشكل و الرفاهيات و القوة في الأداء لصالح السيراتو.. و طبعا رأيك يحترم

**TeMoON** · 04-05-2009 03:48 PM

المشاركة الأصلية كتبت بواسطة SuccessCre8or

طبعا الأكتافيا الـa4 تحفة ... لكن قدمت اوي ... و اكيد قطع غيارها اغلى من الكيا... هي حاجة محيرة طبعا بين انك تركب عربية ألماني قديمة شوية او تركب عربية ممتازة كوري .. لسة مش مسمعة اوي بس عاجباك ... بصراحة انا لو هقدر على مصاريف الألماني هشتري الأكتافيا :) لكن السيراتوا الجديدة مغرية جدا جدا برضه ... ولك حرية "الإحتيار" !

انا اقتبست الرد دا لرد على الاخ SuccessCre8or فى ان A4 قطع غيارها غالية بالعكس العربية دى قطع غيرها من ارخص قطع غيار السيارات الالمانى فى فئتها وعن تجربة ولو على اسعار وكيل الكيا الاوكتافيا ارخص من النيو سيراتو بس دايما مش كل حاجة بنلاقيها فى العربية يعنى لو انت عاوز الماتنة وقوة التحمل وشغل غير ادمى مقابل انك هتتنازل عن بعض الكماليات والرفاهية الموجودة يبئة تختار الاوكتافيا ولو انت عاوز عربية فيها كل حاجة وشيك وجميلة وفيها كل الامكانيات بس مش بنفس المتانة والقوة وعربية كويسة وزى الفل بس مش زى الاسكودا طبعا يبئة اختار السيراتو وربنا يوفئك وتقدر تختار الى انت عاوزة وتجيب الى نفسك فية

**marawansabry** · 04-05-2009 05:38 PM

نفس الحيرة .. بصراحة كلكم عندكم حق .. تختار المتانة ولا تختار الامكانيات العالية .. بس مينفعش نقول الرفاهية .. لان الاتنين فيهم رفاهية .. ولا اية رايكم

مشاهدة نتائج الإستطلاع: ايهما افضل النيو سيراتو الاس اكس بي 116 الف ولا الاسكودا الايه 4 مانيوال بي 120 الف

الموضوع: السنيو سيراتو ولا الاسكودا الاي 4

LinkBack

أدوات الموضوع

عرض

-

-

-

-

المواضيع المتشابهه

تحويل 127 الى الاي 10

ايه الفرق بين الاي باد والنوت بوك

تجربتي مع الاي 230

طلب من مالكي الاي 10

الكلمات الدلالية لهذا الموضوع

المفضلات

المفضلات

ضوابط المشاركة