خبطات بسيطة

**Sharky** · 04-05-2009 04:45 PM

قدر الله و ماشاء فعل
الحد لله إنها جت على كده و إن شاء الله يا هانى تكون أخر الخبطات

**chato_eg** · 04-05-2009 04:46 PM

فعلا يا باشمهندس هشام......دى نظريتى...و ده إللى عملته السنة إللى فاتت...قبل ما سنة التأمين تفوت أروح واخدها كلها مرة واحدة

لكن لا لوالدتى و لا أختى هايعرفوا يستعملوها بدون المراية...

على كل ميعاد استحقاق شيك التأمين أبو 12 ألف بتاع السنة إللى فاتت النهاردة...بكرة أروح أحطه فى البنك و ربنا يستر و تطلع الجمعية الاستهلاكية دى عندها رصيد ....و على ما يتحصل تكون العربية خلصت و ربنا يسهل...

سوف أوافيكم بكل جديد ...خصوصا بالنسبة لكونتاكت ....مش عارف هايغيروا الاكصدام الخلفى و لا هيوجعوا قلبى زى إللى قبلهم و يسيبوه مخلع و متعلق بمسمارين و كل شوية أروح أربط فيه فى قسم السمكرة مع الصيانات ب 40 جنيه المرة....

**Mohd_Adel_Amin** · 04-05-2009 04:46 PM

معلش يا هاني قدر الله وماشاء فعل ربنا يعوضك خير ..
انا بقول تصبر شوية وتعمل الأساسيات دلوقتي ..
كان الله في العون

**chato_eg** · 04-05-2009 04:55 PM

المشاركة الأصلية كتبت بواسطة Mohammed_Adel_Amin

معلش يا هاني قدر الله وماشاء فعل ربنا يعوضك خير ..
انا بقول تصبر شوية وتعمل الأساسيات دلوقتي ..
كان الله في العون

شكرا يا باشا

لكن مش هاينفع أصلح المراية بس....
القانون فى شركو " contact " للتأمين...الحوادث على مدار السنة كالآتى...الحادثة الأولى ببلاش....الثانية أدفع 15 % من قيمة الفاتورة...الثالثة أدفع 25 %

لو رحت غيرت المراية بس....يبقى أروح أعاين فى مقر الشركة فى الزمالك....و بعدين أطلع أغيرها فى التوكيل و أدفع و أقدم الفاتورة فيما بعد لكونتاكت علشان آخد الفلوس كاملة....
لكن كده اتحسبت عليا حادثة بغض النظر عما تم إصلاحه ب 100 جنيه و لا 10 آلاف جنيه...
لو أخذتها التوكيل دلوقتى هتعامل الحادثة فى الجانب الأيمن على حقيقتها كحادثة كاملة بمعاينة الشركة و تتصلح على حسابهم....و باقى الخبطات هتعتبر حوادث أخرى و تعامل بقاعدة الحادثة الأولى و الثانية و الثالية السابق ذكرها

**Islam Amer** · 04-05-2009 05:01 PM

قدر الله و ما شاء فعل و الحمد لله على قد كده

المهم ال حضرتك بخير بس

وتعملها وتكون احسن من الاول ان شاء الله

**Amr_Moh** · 04-05-2009 05:50 PM

فداك يا هاني
راي اعملها وخلص

**chato_eg** · 04-05-2009 06:08 PM

أنا مش زعلان و لا حاجة...و الحمد لله إن ماكانش حد فى العربية ساعتها...ده كفاية الفزع وقت حدوث أى ارتطام....
هى بس مشقة الإجراءات و الاستغناء عن العربية و طبعا المفاجآت الغير سارة و الغير متوقعة و التى تأتى من كل حدب و صوب لتكلل مسألة فى كل بلدان العالم المتحضر ( الشر بره و بعيد ) سلسة و معروفة جوانبها و الحقوق و الواجبات متفق عليها بوضوح تام مسبقا هى إللى بتخلى الواحد قرفان و شايل الهم...

04-05-2009 06:17 PM

كل بلدان العالم المتحضر (الشر بره و بعيد)..............جامده جداً الجزئية دي

صدق من قال : شر البليّة ما يُضحك

**topgear** · 04-05-2009 07:32 PM

اولا حمدا لله على سلامة الاموره :)
هوا لو الدهان مش متقشر يبقى كلوا ينفع يطلع بالبولش انما لو الدهان اتقشر يبقى محتاجه تترش
خد بالك متستعجلش فى رشها لانوا العربيه تعتبر جديده والرش بيخفض من سعر العربيه عند البيع
وبالنسبه للمرايه حاول تصلحها عند سمكرى كويس (جرب ده قبل التغيير)
ومش فاكر مين من الوحوش اظن الوحش عمرو كان نزل موضوع عن المرايه وكيفية تصليحها يعنى ممكن يفيدك جامد فى الموضوع
ده راى وان شاء الله تحل المشكله