السلام عليكم
لو سمحت يا جماعة انا قريت في جريدة اخبار السيارات(جريدة الاخبار) ان الشركة المصرية للسيارات عاملة تقسيط بدون فوائد بس كاتبين جنبه بين قوسين (نظام الودائع)؟؟؟؟؟
في حد عنده فكرة يا جماعة هما قصدهم ايه بنظام الودائع؟؟؟
يعني لازم يكون ليا حساب فب البنك طب ولو ماليش ممكن والدتي مثلا على اساس هتكون هي الضامن؟؟؟
ارجو الافادة منك بالله عليكم
اول مرة اسمع عند تقسيط بدون فوائد بس نستنى راى الاعضاء يمكن حد عنده فكرة
والله العظيم زي ما بقولك كده انانفسي مصدقتش نفسي في اخبار السيارات جريدة (الاخبار) العدد الاسبوعي بيكون كل سبت بتاعة اول امبارح مكتوب فيها كده بتاريخ 2/5/2009!!!!!! ص 21 اعلان مالي الصفحة بالكامل
الاعلان كالتالي:
ليه تدفع كاش
قسط بدون فوائد
(نظام الودائع)
ياباشا دول بيأخذوا الفوايد علي قيمة وديعة سيادتك اللي في البنك
وخد بالك
لازم الوديعة تغطي قيمة السيارة بالكامل _غير كده بتدفع قيمة القسط_يعني حيسرقوك كده كده _مدام حياخدوا قيمة الفايدة
بالظبط زى ما قال الأستاذ ميدو الموضوع عبارة عن إنك تحط وديعة بقيمة السيارة كاملة فى البنك باسم المصرية للسيارات و ده طوال فترة التقسيط و بكده يبقوا بياخدوا فايدة الوديعة بالإضافة لقسط سيادتك اللى هو ظاهريا بدون فايدة و بعد انتهاء التقسيط تاخد أصل المبلغ بتاعك اللى انت حطيته كوديعة من الأول.
طبعا كوميديا مش كده قلتلهم وقتها أنا لو معايا المبلغ كاش هقسط ليه و بعدين أنا لما أقسط بفايدة و لا هم ياخدوا فايدة على فلوسى يبقى ايه الفرق كان الجواب الظريف إنك مش هتخسر أصل المبلغ
انا معا الاساتذه فى اللى قالوه كله بس احب اضيف ان المواطن الغلبان فريسه سهله للنصابين