السنتر بيفتح لوحده ليييييييييه؟؟؟

**kareembelal** · 04-05-2009 08:09 PM

السلام عليكم ورحمة الله وبركاته

النهارده بعد صلاة العصر تحديدا حصلت حاجه غريبه في العربيه

انا مركب جهاز انذار SUN - IV قفلت العربيه كالعاده ولقيتها بعد خمس ثواني تقريبا فتحت لوحدها ثلاثة ابواب خلاف باب السائق بيفضل قافل

فصلت جهاز الانذار نهائي وقفلت بالمفتاح حصلت نفس المشكلة تقفل عادي وتفتح تاني لوحدها البابين اليمين والشمال الخلفي فقط

وساعات بسمع صوت في الباب الشمال امامي شبه ترس مفوت كده

العربيه لانوس 2008

منتظر المشوره لان الموضوع ده شاغلني وممكن العربيه تتسرق بالشكل ده

وشكرا للجميع

**wesam_salom** · 04-05-2009 08:24 PM

دى مشكله فى السنتر مش فى الانذار

حاول تفصله لحد ما تروح لكهربائى يشوف المشكله واقفل الابواب من غير سنتر

علشان الابواب متفتحش لوحدها ويحصل حاجه

انا كانت عندى المشكله دى فى النوبيرا كان بسبب ميه دخلت فى كتاوت السنتر بس عندى كنت بقفله يفتح الابواب كلها

وفى انتظار رأى باقى الزملاء

**kareembelal** · 04-05-2009 08:34 PM

المشاركة الأصلية كتبت بواسطة ابو مريم

دى مشكله فى السنتر مش فى الانذار

حاول تفصله لحد ما تروح لكهربائى يشوف المشكله واقفل الابواب من غير سنتر

علشان الابواب متفتحش لوحدها ويحصل حاجه

انا كانت عندى المشكله دى فى النوبيرا كان بسبب ميه دخلت فى كتاوت السنتر بس عندى كنت بقفله يفتح الابواب كلها

وفى انتظار رأى باقى الزملاء

طيب انا افصل السنتر ازاي ؟؟

وفين الكتاوت بتاعته دي لاني فعلا لسه غاسل العربيه النهارده بسبب التراب والريح الجامده دي

وشكرا لاهتمامك

**aratux** · 04-05-2009 08:35 PM

ممكن الكهربائى اللى ركب الإنذار لعب فى حاجة؟؟
(ده لو مركب الإنذار جديد)
إرجعله خليه يبص على توصيلاته تانى

**kareembelal** · 04-05-2009 08:41 PM

المشاركة الأصلية كتبت بواسطة aratux

ممكن الكهربائى اللى ركب الإنذار لعب فى حاجة؟؟
(ده لو مركب الإنذار جديد)
إرجعله خليه يبص على توصيلاته تانى

الانذار راكب من سنه تقريبا والمشكله دي حصلت النهارده بس

**wesam_salom** · 04-05-2009 09:06 PM

المشاركة الأصلية كتبت بواسطة kareembelal

طيب انا افصل السنتر ازاي ؟؟

وفين الكتاوت بتاعته دي لاني فعلا لسه غاسل العربيه النهارده بسبب التراب والريح الجامده دي

وشكرا لاهتمامك

لو العربيه كامله يعنى نازله بالسنتر شيل الفيوز بتاعه من علبه الفيوزات هتلاقى مكتوب عليه door lock

بالنسبه للكتاوت عندى كانت فى الدواسه مكان ecu بس فى الشمال تحت رجلى

والانذار كان فى الكونسول تحت الدركسيون بس دول الفابريقيه بتوع العربيه

**toshipa** · 04-05-2009 10:38 PM

المشكلة دى حصلت معايا بعد ماغسلت العربية من فترة وفعلا ماكنتش عارف اعمل ايه فقلت ممكن تكون فيه ميه دخلت على حاجة خاصة بالسنتر وانتظرت مع العربية ييجى ساعة وانا محتار لان كل ماقفل العربية الاقيها تفتح لوحدها وفعلا شكى كان فى محله فتحت الاربع ابواب ونفخت فى الكاوتش الاسود اللى هو خاص بالسنتر اللى مركب فى الابواب وبعد فترة قلت اجرب لقيته قفل والحمد لله

**kareembelal** · 04-05-2009 10:50 PM

انا نزلت للكهربائي وشرحتله الموقف وقاللي هات اجرب وقفل العربيه ما فتحتش تاني

وجرب كذا مره ما فتحتش قاللي السبب في الغسيل وربنا ستر لان الموضوع ده وحش جدا

شكرا لكل من شارك بالموضوع

**toshipa** · 04-05-2009 11:06 PM

الف مبروك

هوفعلا السبب الغسيل وماتكترش ميه فى الغسيل بعد كده وخصوصا فى الاماكن اللى ممكن يتواجد فيها وصلات

**waleed_home** · 04-05-2009 11:46 PM

هو فعلا المياه بتدخل لطبلة الباب الكهربائية اثناء الغسيل من زجاج الأبواب بسبب ضعف احكام الشريط الكاوتش على الزجاج وفعلا الدنيا بتتلغبط فترة لحد المياة ما تنشف .
وممكن تتغلب على المشكلة دى بلصق سوليتب عريض على شريط الزجاج قبل الغسيل لمنع تسرب الماء الى داخل الأبواب

الموضوع: السنتر بيفتح لوحده ليييييييييه؟؟؟

LinkBack

أدوات الموضوع

عرض

-

-

-

-

المواضيع المتشابهه

السنتر لوك بيفتح لوحده

السنتر بيفتح لكن مش بيقفل

كاسيت الالانترا بيفتح لوحده حد يفيدنى

خطير جدا جهاز بيفتح كل اجهزه السنتر

السنتر بيفتح لوحدة bmw316 1997

الكلمات الدلالية لهذا الموضوع

المفضلات

المفضلات

ضوابط المشاركة