عاوزين نعرف السبب فى اختياركم لسيارات الدايو
الاختيار من فوق
عرض للطباعة
عاوزين نعرف السبب فى اختياركم لسيارات الدايو
الاختيار من فوق
أنا كنت حاجز "فيرنا 1600 أوتوماتيك" بس نتيجة لمشاكل مع المعرض و البنك قررت أني أصرف نظر و بعد نصيحة من صديق لي عنده مكتب أيجار سيارات قررت أشتري "اللانوس الكاملة" و فعلا وجدت انه كان من أكثر القرارت الصح اللي أخدتها
دى شهادة حق انا لازم ااقلها:
انا اصلا مكنتش بحب الدايو لكن اللى اقنعنى بيها محمد ممدوح والشغل اللى عمله فى المنتدى
تانى حاجة المنتدى ( بس زمان كان احسن من كده والمناقشات هادفة مش لات وعجن على الفاضى)
انا بعت الشاهين وكنت هجيب كيا ريو كواترو 2004 لكن ربنا مااردش وبعد كده عزمت ونويت اني اشتري لانوس وفوجئت بان سعرها قريب من النوبيرا ويكاد يكون نفس السعر وطبعا بدون تفكير اشتريت النوبيرا رغم انها كانت من ابعد العربيات عن تفكيري !!!
فى البداية كنت عايز اجيب شاهين وبعدين وانا بدور وجدت امامى بالصدفة سيارة لانوس 99 وكانت لسة بشوكها عجبنى شكلها ونظافة صالونها وتكييفها وكل حاجة فيها قارنتها بالشاهين اللى كنت مربط اشتريها وكانت نضيفة بردو ولكن وجدت ان اللانوس تكسب برغم فارق السعر فى وقتها كان 12 الف بيهم واللانوس كسبت بعض المقارنة والاستشارة
ولما بعت اللانوس حبيت اجيب اختها الكبيرة والحقيقة هايلة النوبيرا وممتازة بس هو لما بعد فترة 4سنوات حبيت اعمل العفشة بتاعتها ودى زهقتنى شويه عشان ماوجدتش صنايعى نضيف وفاهم
لكن النوبيرا جميلة وخصوصا فى السفر الطويل
وادعولى العفشة اعرف ارجعها زى الاول بس عايزة يتصرف عليها لما تفرج اهد اللى اتعمل كله
انا كت حابب اني اشتري جديد وكان المتاح ليا بعد التفكير ومقارنة الاسعار بيكانتو وشاهين ولانوس وكنت عايز اعرف معلومات عن اللانوس والبيكانتو لان محدش يعرف عنهم حاجة فعملت سيرش علي جوجل وكان كل المواضيع اللي بتطلعي وتفيدني في نايل موتورز وكانت ردود محمد ممدوح منطقية وبالرغم ان
البيكانتو تقفيل كوري
اللانوس كانت اخر سنة ليها في ابو الفتوح وكان متوقع انهم ميهتموش بتقفيل اخر دفعات كويس
اللانوس ساعتها مكنتش موجودة خالص (10/2008) وكان اكيد نازل شيفروليه يعني الدايو راحت عليها بعد كده
سعر اللانوس زاد في التوكيل والمعارض كتير
محاولات مضنية للشراء من التوكيل عشان كان ارخص سعر
التسليم بعد 4 شهور زي ما قالوا
ولكني في الاخر فضلت اللانوس والفضل لمحمد ممدوح ووجوده في منتدانا نايل موتورز
حب من اول لفة :Ob_mak1[1]:
سياره اثبتت كفائتها
شكل مقبول
جميع الكماليات
قطع غيار متوفره
والصحبه الحلوه بتاعتكم
انا اشتريتها من سنه لانوس 2006 علشان محمد ممدوح هو حببنى فى الانوس وكمن قطع غيار رخيصة وتخيص سهل وشكرا يا اخ محمد ممدوح والى الامام
انا ابتديت حياتي بالنسبه للسيارات مع فيات 128 ثم 132 منذ عام 2000
ومن اللي شوفته من القديم قررت اشتري جديد لكن الحقيقه كنت منشن علي اللانوس من البداية
لان شكلها عجبني جدا وسيارة بتستحمل من تجارب و خبرات اللي ركبوها واشتريتها في شهر ابريل 2008
والحمد لله عربيه تمام لا يعيبها في نظري الا قربها من الارض وعزلها مش تمام ما عدا ذلك فهي جميله فعلا
وكان موجود لون نعناعي ولون اسود ولون نبيتي وكنت ناوي علي النعناعي
لكن لفت نظري اللون الرصاصي ده لانه لون رصاصي بالنهار ولون بترولي بالليل وده اللي عجبني فيه
وشكرا لصاحب الموضوع
صدقت والله في الحته ديه بالذات..
لما بيبقى فيه حد عنده مشكلة والمشكله كلها حلها في كلمتين يدخل واحد زي ممدوح يقولهم ..
وبعدها تلاقي واحد تاني كتب 3 جرايد وحاجه تتوه ويطلع الموضو ع في الأخر برضه كلمتين زي مثلاُ موضوع الرشاشات الى اتكرر مليون مرة وبرضه تلاقي الناس كاتبه قصص وحكايات على الرشاشات.
بكل صراحه انا جبت لانوس عشان رخيصه وتعتبر ارخص عربيه نضيفه والمبلغ الى كان معايا مكنش يجيب غيرها او كان يجيب حاجات تانيه بس اما فكرت تفكير عملى لقيت ان هى انسب حاجه ليا...
انا الصراحة كنت مستبعد موضوع انى اشترى عربية دايو اساسا وكنت ناوى اجيب عربية هوندا سيفيك استعماللاكن واحد قريبى رشحلى الدايو من حيس ان العربية كويسة وقطع غيار مرترتة فى اى حتة وصيانة سهلة واعادة البيع سهلة جدا عن اى عربية فى عربيات كتير المانى ويابانى ملهاش اعادة بيع ملهاش سوق يعنى فكرت شوية فى الموضوع حتى يوم ماروحت اشترى عربية وسافرت بورسعيد ونزلت اتفرجت فى جراجات ومكاتب كتيرة تقدر تقول انواع وموديلات مختلفة ومتعددة كان اكتر اقبال من الناس على الدايو والاسكودا الاوكتافيا وبعض الهيونداى حتى اتفاجئت لما لقيت الفيرنا اكسنت مع اختلاف بسيط فى الشبكة والمتريكس لقيتها اسمها لافينتا بس الصراحة فرق جامد فى التقفيل والكماليات المهم اتشديت للدايو اوى بس مفكرتش فى لانوس كنت مشدود بالجوليت والنوبيرا لحد ما اخترت نوبيرا 1 موديل 99 كاملة مانيوال والحمدللة قرار كان صح من الرغم من ان العربية دى ملهاش توكيل عندنا ملقتش اى مشكلة لقطع غيارها ولا صيانتها
على فكرة انا كنت مش مقتنع بالدايو اساسا وكنت شايفة عربية كورى مش هتكون حلوة ومش بتستحمل بس لما عرفت العربية اكتر لقيت انها ممتازة ومفيش حد ركبها مشكرش فيها ونفسى انصح اى حد هيشترى عربية فيرنا انة يفكر يجيب لانوس افضل بكتير والعالم كلة يعرفها ونجحة جدا فى اوروبا بعكس الفيرنا الى مش بتنزل فغى اوروبا حتى الخليجى مش فيرنا اكسنت يعنى دى نزلة على قد السوق المصرى
ولا سبب من دول
اساسا مش كنت بحبها لانى كنت بركب اوبل وبجد بعشقها لحد دلوقتى
لكن الدايو كانت على قد الفلوس
مش حبيت لانوس قد كده
بس عجبتنى النوبيرا جدا
انا جبت النوبيرا 2 الكوري موديل 99 عربية بجد ممتازة
حبى للانوس من زمان لكن كنت قد قرأت بعض الردود السخيفة على كونتاكت بيقللوا من قيمتها ويقولوا كلها عيوب وعلطول بتعطل (اعطالها مفيش اسهل منها أساسا) لكن من هذا المنتدى الجميل وبالذات الاستاذ محمد ممدوح لهم الفضل فى رجاع ثقتى فى اللانوس من جديد وازدياد حبى لها.
انا كنت رافض اصلا اني اجيب لانوس
و ما فيش سبب معين و كنت على استعداد اني اجيب اي حاجه غير دايو.
و فعلا رحت حجزت سبرانزا 1300 و قالوا لي الستلام بعد 3 شهور
و في اواخر الشهر التلت بعت عربيتي القديمه(128) على اساس اني خلاص سوف استلم الاسبرانزا
و رحت للمعرض فقالوا لي معلش لسه دورك مجاش عشان عندنا ضغط
فقلتلهم خلاص انا حسحب المقدمه الى انا دفعتها و كانت 20000
فقال لي صاحب المعرض طب ما تجرب اللانوس و سوف اعطيها لك
بسعر الحجز.
و طبعا عشان انا كنت بعت عربيتي فوافقت و استلمت اللانوس تاني يوم علطول
و اكيد ده تدبير ربنا سبحان الله
انا اريد و انت تريد و الله يفعل ما يريد
و فعلا الخيره فيما اختاره الله
واضح ان الناس كلها مكنتش مقتنعة بالدايو زيى الا بعد ما سالت وركبت
وده عيب الشعب المصرى ما بيخدش الا بالمظاهر زى محصل زمان واللانوس نزلت
تاكسى 1300 قدام الشاهين و الناس خافت منها ومحدش رضى يشتريها والمشروع
فشل مع انها فى راى احسن من الشاهين
هو الموضوع مش عجبكم ولا ايه :ma(30):
:S_thum1[1]:
انا كان معايا لانسر كرستاله 98 و كانت حالتها ممتازه و قعدت معايا 3 سنين بس كان خانقنى منها ضعف سحبها مع التكييف لدرجة انى كنت بكره الصيف و كنت عاوز اغير الى عربيه 1600 و كنت خلاص هاجيب ماتركس قسط بس اكتر من مره ما تمشيش الحكايه و بعدين واحد صاحبى نصحنى بالنوبيرا و خصوصا انى كنت ها اجيبها كاش لانها ارخص من الماتركس فوافقت على طول بس بعد لما جبيتها مزعلانى شويه لانها اخشن كتير من الانسر و فراملها اسوا بكتير و كل واحد يشوفها يقولى حد يبيع يابانى و يجيب دايو بس بعد شويه حبيتها و متعايش معاها
:w6266dاعضاء المنتدى,,,,,,,,,,,,,,,,,,,,,,,
انا كنت بدور على عربيه محترمه ولقيت واحده اعرفها بتبيعها وكانت استعمال نضيف جدا، اخدتها منها وحبيتها :b4_007: من وقتها
بحبها من اول ما طلعت