في منتصف ابريل الماضي انشا الزميل العزيز هاشم موضوع عن وجود عرسة داخل صالون سيارته
لزيارة الموضوع اضغط هنا
واستلزم الامر 3 اسابيع حتي خرجت الي مثواها الاخير
وكنت بداية مستغرب دخول العرسة للسيارة واعتبرته حالة فردية
الي ان زرت امس احد المحلات الضخمة لمستلزمات السيارات ووجت الاتي
العديد من الاجهزة الالكترونية كلها بغرض طرد العرسة من السيارة
واسيبكم مع الصور
http://www.postimage.org/gxrkuSr.jpg
http://www.postimage.org/aVPCow9.jpg
http://www.postimage.org/aVPC4z0.jpg
اهمية العرسة وخطورتها تتلخص في الاتي
كنت من حوالي شهرين في زيارة لحديقة حيوانات مختصة في الفصيلة دي فقط وبانواعها الكتير سواء البري منها زي العرسة (ابن عرس بالعربي) او الظريل او البرمائي منها زي الفقمة وقبل ما تسال (في المانيا)
وكانو عاملين تجربة علشان يشرحوا للناس القدرة الخرافية للعرسة في قرض الاسلاك والكبلات (وبردو قبل ما تسال نفس الفصيلة الموجودة في مصر ونفس الجنس والنوع لكن السلالة بس مختلفة)
وكانو حطين عدد منها في قفص علي هيئة جراج وفيه عربية فولكس واجن حقيقية
ومثبتين عينات من كل انواع الكبلات والمواسير الموجودة في العربية علي حيطة علي شكل حلقات ومن ضمنها مواسير مدعومة بالفولاز زي خراطيم البنزين وكبلات نحاس وخلافه
وبعد 7 ايام قدرت العرسة انها تقرض كل انواع الكبلات والخراطيم دي بالكامل عدي نوع واحد منها
البحث ده كانت بتموله احد الشركات اللي بتنتج الجرارات الزراعية علشان يعدلوا مواصفات مكونات الجرارات بحيث تكون مقاومة للعرسة المنتشرة في القري الالمانية (حاجة تعقد) الصناعة الالمانية عاملة حساب العرسة!!
وده يوضح خطورة الحيوان ده
الف شكررررررر علي الموضوع وعلي مجهودك و مساعدتك للاعضاء
العفو يا فندماقتباس:
المشاركة الأصلية كتبت بواسطة Karim_Mohy
نورت الموضوع
تحياتي
الله ينور عليك ياباشا
هى العرسة ممكن تدخل عربية وتفضل تقرض فيها ولا بتدخل تنام او تستخبا
الصراحة موضوع يخوف بس عايز افهم حاجة العرسة ممكن تدخل اى عربية نظرا لطبيعة جسمها ولا العربيات الحديثة لا عشان التقفيل احسن من الموديلات القديمة ولا كلة زى بعضة
بجد تسلم ايدك
بس هو موضوع العرسه محور الموضوع
بس طبعا انا مندهش من التقدم العلمي
والاخد في الاعتبار كل المشكلات الا ممكن تقابل اي مجتمع
وازاي الصناعات بتستخدم البحث العلمي لتطوير نفسها
علشان كده التقدم بيحصل
يعني احنا محتاجين النظره العلميه دي علشان نتحرك لقدام
شكرا
فكرتنى بعربتنا القديمه 128 زمااااااان كان فى عرسه عامله اتفاقيه مع الرهيبه
انها متفرقهاش
لحد متعودنا عليها مفيش عرسه العربيه مش بتشتغل
ايه ده ...دانا بشوف العرس عندنا كتير
طب ياجماعه انا اعرف ازاى ...فى عرسه عندى ...وهل فى حاجه معينه موجوده فى مصر احطها عشان تمنعها من الدخول
والف شكر لاستاذ/moha ...عالموضوع المهم فعلا
متابعه متميزه للموضوع...اقتباس:
المشاركة الأصلية كتبت بواسطة mo7a_mo7a
خالص الشكر والتقدير للمجهود.
واضح فعلا ان الموضوع كبير ومحتاج تدخل من اعلي المستويات
عموما انابلاقي كتير بواقي اكل في الكبوت اكيد فيران و الغريبة دايما القطط تبقي ملمومة جنب العربية ربنا يستر
شكرا على المعلومات القيمة
شركات تطوير وصناعة (هى تجميع بس علشان الاحراج) السيارات عندنا يمكن بتعمل بيت للعرسة فى مكان سرى داخل السيارة علشان تقعد كويس داخل السيارات وشكلهم بيبقوا عارفينه ومتعودين عليه كمان
ههههههههههههههههههههههههه ههههههههههههههههههههههههه ههههههه
الالمان بيعملوا حساب العرسة كمان وبيعملوا ابحاث وتجارب ماشاء الله
العلم نور
اكتر حاجه ممكن عجبتنى فى الموضوع ده ان الجماعه الالمان طلع عندهم عرس زينا وكتير كمان لدرجه انهم شركه الجرارات بتدعم بحث فى الموضوع بس الحاجه اللى رجعت عقدتنى تانى انهم مكبروش دماغهم وبحثوا ودوروا لغايه ما عملوا جهاز يتحط فى العربيه يطردها !!!!
بجد ناس محترمين ياريتنا نبقى ربعهم!!!
عموما احنا برضه عندنا عقول مبدعه وحلول غير تقليديه زى مقشه البلح و مصيده الفيران والغراء السحرى واحلى حل بقى الناس اقترحته على الاستاذ هاشم كان عايز تطرد العرسه هتلها عريس:C_laugh[1]:
و يا ترى اسعار الحاجات دى ايه و طريقة تشغيلها هل بتعتمد على اصدار اصوات البنى ادمين لا سمعوها و تسمعها الحيوانات او العرس و لا ايه النظام بالضبط
العضو الكريم(mo7a )
اشكرك جدا على اهتمامك بالموضوع
واسف على التأخير فى الرد
طبعا العرسه دى كانت مجننانى والحمد لله انها
ماتت بعد صراع عنيد معايا وقررت الانسحاب لوحدها
وفرحت جدا لما شوفت موضوعك ده وان فى حلول
تكنولوجيه للخلاص منها
بس ياريت تفيدنا الاجهزه اللى انت شوفتها دى كانت
هنا فى مصر ولا فى المانيا
ولو فى مصر ممكن عنوان المحل ده
ولو عندك فكره عن الاسعار تقولنا عليها
وجزاك الله كل خير:satelite:
وعليك يا فندم شكرا علي مروركاقتباس:
المشاركة الأصلية كتبت بواسطة hoka
تحياتي
مفيش فرق بين العربية الحديثة والقديمة من حيث تفضيل العرسة ليهااقتباس:
المشاركة الأصلية كتبت بواسطة zocor742
وان كان تقفيل العربيات الحديثة بيصعب مهمة الدخول شوية لكن لا يمنعها اطلاقا
العرسة حيوان مفترس بطبيعته لكن ببتلجا لقرض الكبلات والاسلاك والخراطيم لمجرد اللعب وسن اسنانها فقط وليس للتغذية
ويكثر وجودها في الجراجات القديمة والاماكن الريقية والتي بها فئران
ياااااااااااااااااااااارباقتباس:
المشاركة الأصلية كتبت بواسطة muhamado_sede_beah
احنا مشكلة الصناعة المصرية بوجه عام انها معتمده علي الحداقة والفهلوة
مفيش ربط بينها وبين الابحاث العلمية وده لان طبيعة الدولة والنظام المصري عموما عسكري ولا يقدر العلم واصحابه:H_angry[1]:
وان كنت متفائل بالمستقبل ان شاء الله
دا انت محظوظ بقي:k49:اقتباس:
المشاركة الأصلية كتبت بواسطة KIA_SEPHIA_2001_K
:beatdeadhorse5:
هي لو دخلت عندك حتعرف بسهولةاقتباس:
المشاركة الأصلية كتبت بواسطة Ayman_52
لانك حتشم رائحة عفنة في السيارة لان حيوان العرسة بيفرز رائحة من غدة عند بداية الذيل لطرد الاعداء
والمفروض ان الاجهزة دي بتمنعها اصلا من انها تيجي
معلومة مؤكده ان القطط تطرد العرس ولا يجتمعوا في مكان واحد
وانت ممكن تستخدم القط في طرد العرسة من مكانها
تقبل تحياتي
الف الف شكر علي تشجيعم واهتمامكاقتباس:
المشاركة الأصلية كتبت بواسطة Drift_Lover
نورت الموضوع
تحياتي:k49:
مدام في قطط يبقي مفيش عرسةاقتباس:
المشاركة الأصلية كتبت بواسطة Dr Zezo
لانهم اعداء ولا يجتمعوا ابدا ابدا :w6266d
تخيل بقي!!اقتباس:
المشاركة الأصلية كتبت بواسطة baskota
انا دلوقتي افتكرت جملة اتقالت في فيلم افريكانو لاحمد السقا
لما قاله
انت عايز تعمل تجارب علي الحيوانات في بلد مفيهاش ابحاث علي البني ادمين
تحيا جمهورية الرز بالملوخية
المانيا لانها بلد كل مدنها صغيرة نسبيا ومعطمها وسط الزراعات فوجود العرسة امر طبيعي ولا ينافي النظافة لان كل المنازل بها جراجات وتطل علي غابات وحدائق عدي المدن الشرقية التي تشبه مدننااقتباس:
المشاركة الأصلية كتبت بواسطة أشرف فتحى
اما الابحاث فهي امر ضروري لتطور الصناعة
واكيد هم وصلو لكل ده بالعلم
تحياتي لمقشة البلح وسلملي علي الفول:k49:
الف شكرا علي الموضوع
الاسعار حضرتك حتلاقيها مكتوبة فوق كل جهاز علي اللليبول باليورو طبعااقتباس:
المشاركة الأصلية كتبت بواسطة ihab
وزي ما انت شفت حتلاقيها بين 53 يورو و6 يورو علي حسب الجهاز وقدرتة والمساحة اللي بيغطيها
وهو بيصدر موجات فوق صوتية بتزعج العرسة وتطردها
تحياتي
العفو يا فندم الموضوع فعلا مهماقتباس:
المشاركة الأصلية كتبت بواسطة hashem1999
وانا كمان اسف لاني كنت مشغول
بالنسبة للاجهزة هي في المانيا في محل اسمه CONRAD والاسعار حضرتك حتشوفها لو دققت مكتوبة علي الحامل اللي شايل الاجهزة وبتتراوح ما بين 6 و 53 يورو حسب الجهاز
لان بعضها بيركب في العربية والبعض الاخر بيركب في الجراج علشان يحمي كل الجراج بالكامل
وانا ان شاء الله حعمل موضوع جديد عن الاكسسوارات الخاصة بالسيارات والاختراعات الجديدة ولو انتم عايزين انا ممكن ابعتلكم اي كمية تحتاجوها
خدمة حصرية وخاصة لاعضاء نايل موتورز بدون اي مقابل
العفو يا فندم ونورت الموضوعاقتباس:
المشاركة الأصلية كتبت بواسطة ahah
يعنى مفيش منها فى مصر رغم وجود كل العرس اللى مزهقة الاعضاء دى
يعنى القطط و العرس ما بيجتمعوش .....
كويس جدا أنا عندى قطة والدة تحت العربية أو جوا العربية أخويا الصغير و الصيع أصحابه كانوا بيتفرجوا عليهم تحت العربية
لى طفل فى الاعدادى قريبى كان راكب مع والدته وهى سايقة 128 وفجاه ظهرت لهم العرسة فى الصالون اثناء قيادتها فما كان من الطفل الا ان ذعر وقفز من السيارة والحمد لله كانت ماشية على مهلها وجت سليمة ...
وهذا يضاف لأخطار العرسة
شكرا بجد عالموضوع ده
والله مقدرش افيدك في الموضوع دهاقتباس:
المشاركة الأصلية كتبت بواسطة BASKOTA
انا شايف كده تقريبا النهارده
اكثر من خمس اعضاء بيشتكو من وجود عرس
فى عربياتهم
الف الف مبروك ويتربو في عربيتك ... اقصد في عزكاقتباس:
المشاركة الأصلية كتبت بواسطة lancerevolution
ومتنساش الحمص لو سمحت :C_laugh[1]::C_laugh[1]::S_thum1[1]:
وده كمان يدل ان العربية ال 128 مفيهاش قفل امان للاطفال :C_laugh[1]::C_laugh[1]:اقتباس:
المشاركة الأصلية كتبت بواسطة د.محمود صلاح
العرسة علي فكرة منتشرة اكتر من ما نتصور لكن كتير منا لا يتخيل انها ممكن توصل لجد عنده
العفو يا فندم نورتي الموضوعاقتباس:
المشاركة الأصلية كتبت بواسطة rawdat
ربنا يزيد ويباركاقتباس:
المشاركة الأصلية كتبت بواسطة hashem1999
خكسة وخميسة يا استاذنا
متعدش لا تقل بركتهم
:C_laugh[1]::C_laugh[1]::C_laugh[1]:
الحكاية علي فكرة منتشرة لكن احنا اللي مش واخدين بالنا:S_thum1[1]: