ارجو الافاده فى موضوع تقسيط من شركه contactcars

**gaafar13** · 05-05-2009 12:03 AM

ارجو الافاده فى موضوع تقسيط من شركه contactcars

هل هم جيدون ولا اى بنك تانى احسن وبالنسبه للتقسيط الاسلامى صحيح ولا لا وبالنسبه لموضوع الجدوله هل موجود ولا لا

معلش اسالتى كتيره

**kloda** · 05-05-2009 12:08 AM

كويسين جدا جدا عن تجربة اقل مقدم 255 و التامين اجباري لو معاهم ب 3.15 و ممكن تقسطو معاهم بيتحط كل شهر علي القسط بتاعك

**cleardell** · 07-05-2009 01:56 AM

انا مقسط معاهم بنظام النقسيط الأسلامى / بعد ما لفيت 4 شهور

العقد كله صفحة و نص من غير تأمين و لا اى حاجة

ناس قمة فى الأحترام و الذوق

توكل على الله

**jisso82** · 11-05-2009 04:40 PM

و الله أنا ماقدرش أفتيلك فى موضوع التقسيط الإسلامى بتاعهم ده بس اللى أعرفه إنهم فى الأساس شركة لتمويل السيارات تابعة لبنك الCIB يعنى فى الأساس مش معرض سيارات أصلا + إنى سمعت من زميل على المنتدى إن الشيخ السالوس و هو واحد من أفضل المشايخ اللى فاهمين فى الاقتصاد الإسلامى و اللى أفتلهم قبل كده إن العقد بتاعهم شرعى تراجع فى كلامه شفاهة لأنهم مش ملتزمين باللى عرضوه عليه بالنص و لكن طبعا مين ينشر ده المنشور بس موافقته على شرعية العقد.
و عموما لو اللى يهمك فعلا التقسيط الاسلامى ممكن تبص فى اللينك ده هتلاقى فيه كل اللى انت عايزه
http://www.nilemotors.net/Nile/showthread.php?t=24323

**enafea** · 12-05-2009 10:58 AM

نصيحة.....روح بنك ناصر

**aratux** · 12-05-2009 12:51 PM

بنك فيصل بيقسط يا جماعة

**mahmoud4871** · 12-05-2009 04:07 PM

انا رايى انك تعرف بالظبط الخطوات اللى بتتم وتقيس هل المرابحة مستوفية الشروط الشرعية ولا لا

يعنى تطلب من البنك الإسلامي أن يشتري لك السيارة اللى حددتها انت،

فإذا اشتراها البنك الإسلامي، فلك أن تشتريها منه بثمن أعلى قليلا من ثمنها الذي اشتراها به البنك، مقسطا على أقساط بحسب الاتفاق،

ثم تتسلم السيارة من البنك وتوفيه الأقساط في مواعيدها.

لكن علامة الجواز من غيره في مثل هذا التصرف، هو إذا اشترط البنك عند تأخر المشتري في دفع بعض الأقساط زيادة في قيمة القسط فهو فائدة محرمة مهما كان اسمها عنده، وإذا لم يشرط ذلك فالغالب أنه بيع مباح شرعا.

يعنى المهم أن المشتري يعلم أن ثمن السيارة أخيرا تم تثبيته على رقم معين لن يزاد عند تأخره عن السداد