الى اصحاب النوبيرا ...عايز اعدل نوبيرتي

انا بفكر ومحتاج حد يشجعني علشان اعدل عربييتي النوبيرا (2003 اوتوماتيك) وكنت عايز اعدلها لنوبيرا بريميوم ...يعني عايز اجيب الكاسيت والسي دي بتاعها ووحدة تحكم التكييف الديجيتال ودركسيون به ايرباج (وحساساته ) ومثبت سرعه واعدل الفرامل واخليها abs والفرامل اللي ورا ديسكات ... كل دي افكار في دماغي ....ياترى ايه اقتراحتكوا وافكاركوا وهل ينفع التعديلات دي كلها تتعمل ...لاني بصراحه معجب جدا بالنوبيرا البريميوم الاوتوماتيك وبامكانيتها ...هل ممكن اعمل كل الحاجات دي لو خدتها من نوبيرا بريميوم متقطعه مثلا عند تجار الاستيراد ...مستني ارائكوا

اللى انت طالبة دة كبير

اعتقد حتلاقى نفسك عايز تشترى نص امامى بريميوم تاخد منة نظام الABS و الكونسول بالتكييف و بالمرة تسقط المكنة ال2000 و تجيب جنبين خلفى بديسكات

MMamdouh

اقتباس:

---

المشاركة الأصلية كتبت بواسطة MMamdouh

اللى انت طالبة دة كبير

اعتقد حتلاقى نفسك عايز تشترى نص امامى بريميوم تاخد منة نظام الABS و الكونسول بالتكييف و بالمرة تسقط المكنة ال2000 و تجيب جنبين خلفى بديسكات

MMamdouh

---

الحمد لله النور رجع تانىىىىىىىىىىىىىىىىىىىىىى :k49:

بس يا باشا العربية النوبيرا البريميوم فعلا اشد بكتير من النوبيرا بتاعتنا سواء اتوماتيك او مانيوال وانا عن نفسى بحث ان دى فئة والنوبيرا العادية فئة تانية خالص من ناحية الكماليات والخامات اركب النوبيرا دى واركب العادية وانت تشوف فرق الخامات كويس من الطابلوة وخامات الجلد فى البيبان والتكييف تاتش وفية منها طارة مالتى بس تحكم فى الكاسيت بس بجد كان نفسى اجيبها بدل النوبيرا 1 الى معايا بس الظروف بقى من رأئى بلاش تفكر تعمل التعديل دة فى عربيتك ودور على واحد بريميوم استعمال احسن ما تعدل فى عربيتك وعمرها ماهتطلع زى البريميوم نصيحتى شوفلك واحدة استعمال مع ان الى معاة العربية دى صعب يفرط فيها لأنة اكيد ركب النوبيرا التجميع المصرى وحس بالفرق كمان الفتيس الاوتوماتيك بتاعها مفهوش المشاكل الى بنشوفها يا تروح تجيبها استعمال خارج من الجمرك لو عندك اى طريقة تاخد بيها عربية استعمال خارج او عن طريق معاق العربية هتعمل معاك من 35 الى 37 من المنطقة الحرة بورسعيد ودور على اعلى موديل فيهم بجد هتحس انك جايب عربية كسر زيرو مش استعمال نهائى وكفاية انك هتشوف الوان صالونات لكل لون نازل للعربية مختلف عن التانية فكر فى كلامى وشوف عشان تعمل كدة فى عربيتك مش هتوصل لنفس النتيجة نهائى لأن الفرق مش فى الحاجات الى انت كاتبها بس ولو عايز تعرف اى حاجة بخصوص الجمارك قولى انا واخد عربيتى من جمرك بورسعيد وكان نفسى اجيب نوبيرا بريميوم بس الحمد للة معايا الجنوط بتاعتها فى عربيتى هههههه وانا اعرف واحد كان معاة واحدة مانيوال لون دهبى فابريكة والصالون بيج فى بنى خفيف وداخل فية ابانوس فابريكة محتاجة سمكرة خفيفة جدا كان بيبعها شوف لو عايز اشوفهالك اوك لو متبعتش
معلش كلامى كتر شوية بس قولت افيدك بقدر الامكان انك تجيب واحدة بدل ماتعدل فى عربيتك وانا تحت امرك لو عايز اى حاجة منى

طب مش تقولنا انت عندك استعداد تصرف لغايه كام؟؟

اقتباس:

---

المشاركة الأصلية كتبت بواسطة MMamdouh

اللى انت طالبة دة كبير

اعتقد حتلاقى نفسك عايز تشترى نص امامى بريميوم تاخد منة نظام الABS و الكونسول بالتكييف و بالمرة تسقط المكنة ال2000 و تجيب جنبين خلفى بديسكات

MMamdouh

---

حمدا لله على السلامة
ايوة كده
يا رب ما تغيب عننا ابدا يا ابو يوسف

رايى تغيير العربية اوفر

اقتباس:

---

المشاركة الأصلية كتبت بواسطة MMamdouh

اللى انت طالبة دة كبير

اعتقد حتلاقى نفسك عايز تشترى نص امامى بريميوم تاخد منة نظام الABS و الكونسول بالتكييف و بالمرة تسقط المكنة ال2000 و تجيب جنبين خلفى بديسكات

MMamdouh

---

انا فكرت لما قريت تعديل المهندس m mokhtar لعربيته الاوبل اللي كانت 1600 مانيوال وحولها ل2000 اوتوماتيك وركبلها مثبت سرعه وحاجات تانيه وقولت ممكن اعمل تعديلات زيه....... لو انا جبت تابلوه كامل بريميوم هل التكييف الديجيتال هيركب عادي ؟ ولا هيحتاج تعديلات كتير ؟ وبصراحه انا استبعد المكنه ال 2000 لاني مش قادر على بنزين ال 1600 اصلا...وانشاء الله هنفذ تعديل الفرامل الخلفيه ديسكات قريب

اقتباس:

---

المشاركة الأصلية كتبت بواسطة zocor742

بس يا باشا العربية النوبيرا البريميوم فعلا اشد بكتير من النوبيرا بتاعتنا سواء اتوماتيك او مانيوال وانا عن نفسى بحث ان دى فئة والنوبيرا العادية فئة تانية خالص من ناحية الكماليات والخامات اركب النوبيرا دى واركب العادية وانت تشوف فرق الخامات كويس من الطابلوة وخامات الجلد فى البيبان والتكييف تاتش وفية منها طارة مالتى بس تحكم فى الكاسيت بس بجد كان نفسى اجيبها بدل النوبيرا 1 الى معايا بس الظروف بقى من رأئى بلاش تفكر تعمل التعديل دة فى عربيتك ودور على واحد بريميوم استعمال احسن ما تعدل فى عربيتك وعمرها ماهتطلع زى البريميوم نصيحتى شوفلك واحدة استعمال مع ان الى معاة العربية دى صعب يفرط فيها لأنة اكيد ركب النوبيرا التجميع المصرى وحس بالفرق كمان الفتيس الاوتوماتيك بتاعها مفهوش المشاكل الى بنشوفها يا تروح تجيبها استعمال خارج من الجمرك لو عندك اى طريقة تاخد بيها عربية استعمال خارج او عن طريق معاق العربية هتعمل معاك من 35 الى 37 من المنطقة الحرة بورسعيد ودور على اعلى موديل فيهم بجد هتحس انك جايب عربية كسر زيرو مش استعمال نهائى وكفاية انك هتشوف الوان صالونات لكل لون نازل للعربية مختلف عن التانية فكر فى كلامى وشوف عشان تعمل كدة فى عربيتك مش هتوصل لنفس النتيجة نهائى لأن الفرق مش فى الحاجات الى انت كاتبها بس ولو عايز تعرف اى حاجة بخصوص الجمارك قولى انا واخد عربيتى من جمرك بورسعيد وكان نفسى اجيب نوبيرا بريميوم بس الحمد للة معايا الجنوط بتاعتها فى عربيتى هههههه وانا اعرف واحد كان معاة واحدة مانيوال لون دهبى فابريكة والصالون بيج فى بنى خفيف وداخل فية ابانوس فابريكة محتاجة سمكرة خفيفة جدا كان بيبعها شوف لو عايز اشوفهالك اوك لو متبعتش
معلش كلامى كتر شوية بس قولت افيدك بقدر الامكان انك تجيب واحدة بدل ماتعدل فى عربيتك وانا تحت امرك لو عايز اى حاجة منى

---

للاسف مقدرش اغير العربيه بسبب حالتها ماشاء الله وده غير اني لو غيرت النوبيرا مش هجيب نوبيرا تاني !! وشكرا على ردك المفيد ...