السلام عليكم
عندي سؤال يا شباب بالنسبه للانسر البومه
طبعا الخليجي تقفيل ياباني مفيش كلام
بس المصري هل هيه تقفيل يباني ولا لا
فى ناس بتقول لحد 2006 ياباني وبعد كده بقت ماليزي او تركي
لو حد عنده معلومات اكيده يا ريت يقولنا وشكرااا :Ob_mak1[1]:
عرض للطباعة
السلام عليكم
عندي سؤال يا شباب بالنسبه للانسر البومه
طبعا الخليجي تقفيل ياباني مفيش كلام
بس المصري هل هيه تقفيل يباني ولا لا
فى ناس بتقول لحد 2006 ياباني وبعد كده بقت ماليزي او تركي
لو حد عنده معلومات اكيده يا ريت يقولنا وشكرااا :Ob_mak1[1]:
ياباشا العربية يابانى وتقفيل يابانى من أول ماطلعت اللانسر لحد دلوقتى
وهى مازلت يابانى سواء خليجى اردنى مصرى الفرق فقط فى المواصفات أو الكماليات احنا بنقول عليها مصرى الى هيا مواصفات مصريه لكن التقفيل كله يابانى 日本製
يابانى على ابوة
الحمدلله ان شركة ميتسوبيشى اليابان بتنزل اللانسر من مصانعها مباشرة الى فى اليابان مش من مصانع فى أى حتة تانيه زى بعض الشركات
طب ياريت حضرتك لو تنورنا في الموضوع الخاص بالعربيات الي هي مفروض ياباني و مش بتيجي من اليابان
و هل حضرتك قصدك فقط علي تقفيل العربيه بيكون خارج بلد المنشأ ؟؟
ولا حضرتك تقصد ان في عربيات مفروض انها ياباني و مش بتكون ياباني ؟؟؟
ياريت توضح فكره حضرتك
و تقبل تحياتي
أهلا بحضرتك ياباشمهندس مؤمن
أنا فعلا قصدى على العربيات الى بتتقفل خارج بلد المنشأ
وبيكون ليها مصانع فى اى دولة تانيه زى مثلا شركة تويوتا الى ليها مصنع فى جنوب افريقيا ومع الاسف فى ناس كتير بتشتكى من التقفيل الجنوب افريقى المفروض شركة كبيرة ومحترمه زى تويوتا والمفروض العربيات الى تخرج من مصنع جنوب افريقيا زى بظبط الى تخرج من مصنع اليابان...ده رأيى
ياترى ياباشا الاقى الموضوع فى انهى قسم وشكراااا
الف شكر ليك يا باشا علي رأيك المحترم و بيني و بينك الفكره في تغير بلد المنشأ في المسأله الخاصه بالتقفيل
ان تكلفه العامل الياباني في التقفيل غاليه مش رخيصه
و اكيد حضرتك بنشوف الموضوعات دي مش في السيارات بس موجوده كمان في الاجهزه الالكترونيه زي سوني - بانسونيك و خلافه من الماركات الياباني المشهوره
و دا بيكون هدفه ان سعر المنتج يقل لان العمالة الياباني غاليه الي حد كبير بالمقارنه بالعمالة خارج هذه البلاد
معلش يا باشا انا مش فاهم الجزئيه دي حضرتك قصدك علي ايه
و تقبل تحياتي
يا جماعة والكلام للاعضاء الجدد انا ملاحظ ان مافيش حد عاوز يقرأ الكلام او المواضيع اللى فاتت اللى فيها جميع الاجابات عن الاسئلة اللى سألها واللى لسة هيسألها كمان هو الموضوع اية؟ مش عايز يتعب نفسة ويقوم سائل فى اى مكان وخلاص لان ان مش شايف عذر بصراحة انا داخل على منتدى جديد يبقى اعرف هما اتكلموا على اية ولو مش عايز يبقى ادخل عل قسم نوع السيارة المحدد واعمل بحث
ياريت لو سمحتو مراعاة التكرار والاعادة فى اى مكان نظرا لتضييع الوقت على الجميع وبدل الانتظار الافضل ان نبحث وايضا توفير تعب ادارة المنتدى فى نقلة الى الموضوع الاساسى او حذفة وشكرا
السلام عليكم الأخ الفاضل
أنا قابلتني نفس المشكلة لما جيت أشتري عربيتي السنة اللي فاتت
وكنت متخوف من إن يكون فيه تقفيل غير اليابان
بس بعد ما لفيت معارض القاهرة الكبري إسمحلي أؤكد لك إن مافيش تقفيل لانسر خارج اليابان نهائيا ولا حتي تقليد
والحمدلله العربية زي الفل
و لقيت إن المواصفات هي اللي مختلفة مش المصنع فيه خليجي ومصري وأردني وكان الأردني أقلهم
وعلي فكرة عربيتي 2008 Glx فيراني بضمان الرواس الوكيل المعتمد بمصر 3سنوات أو 100000 كم وللبيع
اهلا بيك باشمهندس مؤمن...فعلا زى ماحضرتك وضحت حكاية العماله ديه بتفرق طبعا من دوله لدوله تانيه
بس لو العامل الى هيقفل العربيه وهياخد حقه ياريت يدى التقفيل حقه
ويراعى ضميره وطبعا يكون فى رقابة من الشركة الأم على كل العربيات الى بتخرج من المصنع
الى مش فى بلدها الأساسى...يعنى انا لما اشتريت العربيه لانسر زيرو من شهرين ولقيت الجنوط الاسبور مكتوب عليه Made In China فى الاول اتخضيت بس بعد كده قولت
مدام العربيه متقفله فى اليابان يبقى الجنط ده اتركب تحت إشراف الشركه الأم
واتعملت كل الاختبارات قبل خروج العربيه من المصنع لأن مش معقول إنهم يبعتوا العربيه الصين عشان يركبوا الجنوط ودية فعلا الحاجه الوحيده الى فى اللانسر صناعتها صينى فقط فقط وانا متأكد ان جودته كويسه وفى الاخر بيقول على الموضوع ده حاجة زى اجمالى تكاليف تقريبا مش فاكر المسمى بظبط
والحمدلله لحد الان مفيش اى شكوى من الجنط ده
ويارب أكون أفدتكم
هى ميتسوبيشى ملهاش مصنع تانى غير اليابان
أنا سمعت ان ليها مصنعين تانيين فى أمريكا
(الولايات المتحدة الأمريكية) وألمانيا