اختبارات تصادم لمعظم السيارت الصغيرة في السوق المصري بالصور

انا ملاحظ ان الناس بقت تتهتم ولو شوية بالموضوع ده , وبالذات مع السيارات الصيني .. فحبيت
القي الضوء على بعض اهم السيارات الصغيرة في السوق المصري .. بدون ترتيب معين :
Superminis



دايوو ماتيز ( شيفورليه سبارك ) 2005
http://www.euroncap.com/cache/file/8...b__450x350.jpg

2 نجوم :idea: :idea:


داييو كالوس ( شيفورليه افيو ( 2006 )
http://www.euroncap.com/cache/file/8...b__450x350.jpg

3 stars : :idea: :idea: :idea:


Citroen C3 ( 2005 )
http://www.euroncap.com/cache/file/f...b__450x350.jpg

4 stars : :idea: :idea: :idea: :idea:


Daihatsu Sirion ( 2007 )
http://www.euroncap.com/cache/file/8...b__450x350.jpg
4 stars :idea: :idea: :idea: :idea:


Fiat Grand Punto ( 2007 )
http://www.euroncap.com/cache/file/2...b__450x350.jpg
5 stars :idea: :idea: :idea: :idea: :idea:


Honda Jazz ( 2005 )
http://www.euroncap.com/cache/file/b...b__450x350.jpg

3 Stars : :idea::idea::idea:


Hyundai GETZ ( 2006 - 07 )
http://www.euroncap.com/cache/file/3...b__450x350.jpg

4 Stars :idea::idea::idea::idea:


Hyundai ATOS ( 2000 )
3 Stars : :idea::idea::idea:


Kia Picanto ( 2004 - 07 )
http://www.euroncap.com/cache/file/1...b__450x350.jpg

3 Stars : :idea::idea::idea:


Kia Rio ( 2005 - 07 )
http://www.euroncap.com/cache/file/f...b__450x350.jpg
4 Stars : :idea: :idea: :idea::idea:



Mitsuibishi Colt ( 2005 - 07 )
http://www.euroncap.com/cache/file/c...b__450x350.jpg

4 Stars : :idea::idea::idea::idea:


Puegeot 206 ( 2000 )
4 stars: :idea::idea::idea::idea:


Puegeot 207 ( 2006 - 07 )
http://www.euroncap.com/cache/file/5...b__450x350.jpg
5 stars : :idea::idea::idea::idea::idea:


Renault Clio ( 2000 )
http://www.euroncap.com/cache/file/5...b__450x350.jpg
4 Stars : :idea::idea::idea::idea:

(Model 2005 not available in EGYPT Scored 5 Stars )


Seat Ibiza ( 2000 )
3 Stars : :idea::idea::idea:


Seat Ibiza ( 2002 - 07 )
http://www.euroncap.com/cache/file/4...b__450x350.jpg

4 Stars : :idea::idea::idea::idea:


Skoda Fabia ( 2000 - 2007 in Egypt )
http://www.euroncap.com/cache/file/2...b__450x350.jpg

4 Stars : :idea::idea::idea::idea:

( In 2007 the Fabia was replaced in Europe with a newer model , it scored 4 Stars as well ) .


Suzuki SWIFT ( 2005 - 2006 )
4 Stars : :idea::idea::idea::idea:



Toyota Yarris Hatchback( 2005 - 07 )
http://www.euroncap.com/cache/file/3...b__450x350.jpg
5 stars ::idea::idea::idea::idea::idea:



VW Polo ( 1997 )
3 Stars : :idea::idea::idea:

VW Polo ( 2000 )
4 Stars : :idea::idea::idea::idea:

VW Polo ( 2002 )
http://www.euroncap.com/cache/file/b...b__450x350.jpg
4 Stars : :idea::idea::idea::idea:

BMW Mini Cooper ( 2007 )
5 Stars :idea::idea::idea::idea::idea:

الله جميل ان الاختبارات دي تتم في مصر
بس يا تري السواق ايه اللي جري له :mrgreen: :mrgreen:




محمد فهمي

مجهود رائع
بس جميع الاختبارات لسيارات بها airbags
ياترى لما نشيل ال airbags دا يقلل العربية اد ايه ( يعنى لو عربيه 3 نجوم ب ال airbags من غيرهم تكون كام نجمه

شكرا على لامجهود و اقترح تثبيت الموضوع و ممكن ينتقل للمقارنات لان الامان من اهم النقط المفروض يتم مقارنة العربيات عليها مش بس السعر و الكماليات

تسلم ايدك بجد علي الصور يا CryptonX
بس حبيت اضيف بعض النقط

مهم ناخد بالنا ان الاختبار ده للاصطدام الامامي العمودى فقط مش الخلفي او الجانبي او حتي امامي بدرجة مائلة
عشان تبقي النتيجة واضحة لازم تشوف وضعية الدمي ( عن طريق فتح الباب ) بعد الحادث لان العبرة اولا بمدى تاثر السائق بالحادث ثم بمقدار التلفيات في السيارة

لاحظوا ان الاصطدام ترك اثر في اغلب السيارات حتي بعد الرفرف والكبوت الامامي وتعدي التاثير لباب السائق ( الباب رحل علي الباب اللي وراة ) زي الفابيا والبيكانتو والسيريون
بل وتعدى ذلك في بعض السيارات ليؤثر في الشاسية ( اسفل السيارة والعتب ) والسقف زي السيريون والجيتز

السبارك متوقع طبعا ان ده يكون حالها
كما هو متوقع من البونتو وال 207 والبولو هذا الصمود

السيريون بصراحة فضيحة ( متزعلش يا شهبور )

البيكانتوا ( ممتازة بالنسبة لحجم الكابوت وابعادها وكونها سيارة اقتصادية اساسا*

صور اليارس بتاكد نتايج اختبارات عديده بتقول انها عربية امنة بشكل مقبول جدا ان لم يكن ممتاز في بعض النقاط وتتفوق بذلك علي سيارات اخرى مثل الكيا ريو !! والاكسنت والافيو

اكتر حاجة شايفها مضحكة ان نتيجة الكولت افضل من نتائج الانسر :lol:

الف شكر ليك ياكريم علي الموضوع الجامد دا و المقارنه الموضوعيه.
احسن تلات عربيات فعال في المجموعه دي البونتو و ال 207 و ال ياريس زي ما ابو نورا قال

اقتباس:

---

بس جميع الاختبارات لسيارات بها airbags
ياترى لما نشيل ال airbags دا يقلل العربية اد ايه ( يعنى لو عربيه 3 نجوم ب ال airbags من غيرهم تكون كام نجمه

---

اقتباس:

---

عشان تبقي النتيجة واضحة لازم تشوف وضعية الدمي ( عن طريق فتح الباب ) بعد الحادث لان العبرة اولا بمدى تاثر السائق بالحادث ثم بمقدار التلفيات في السيارة

---

أولا شكرا جزيلا علي المجهود والعرض لكن الحقيقة العربيات اللي في مصر مواصفاتها مختلفة تماما عن العربيات المختبرة

علي فكره ممكن اذا العربيه بدون ايرباجز متاخدش الا نجمه واحده او صفر حتي
و النجوم دي بتتاخد علي العربيه حمت السواق و اللي جنبه و الاطفال و نجمه علي الاضرار اللي صابت العربيه
يعني ممكن تلاقي عربيه متفتتتته و اخده 4 نجوم عادي :roll:

اقتباس:

---

أولا شكرا جزيلا علي المجهود والعرض لكن الحقيقة العربيات اللي في مصر مواصفاتها مختلفة تماما عن العربيات المختبرة

---

مواصفات العربيه اللي في مصر نفس المواصفات بره من حيث المتانه و الاعتماديه ممكت تختلف الكمماليات اه انما مش حيحطو في عربيه مصر عضم ضعيف و عربيه بره عضم جامد

أيوه يا حازم باشا البودي واحد بس الوسائد الهوائية Driver + Passenger و كمان Front + side + curtain + knees يا تري كام عربية عندنا فيها الكلام ده كله.
إذا أضفت حضرتك التجهيزات زي ABS, EBD, ESC إلخ ده كان قصدى مع إحترامي

الف الف شكر على المجهود الجميل دة

تسلم ايدك

Fiat Albea
Sienna
Palio

( 2006 - 2007 )
3 stars


انا تحت امركم

موضوع جامد الله ينور يا باشا

اقتباس:

---

Fiat Albea
Sienna
Palio

( 2006 - 2007 )
3 stars


انا تحت امركم

---

ماهو متهيالي نفس الشاسيه بتاع سيينا التسعينات ولا انا بيتهيالي؟؟؟
اصلي بشوف العربيه من الجنب مش بلاقي فيها اي تغيير خالص و خصوصا الابواب

تمام يا حازم
كل العك ده مبني على شاسيه بونتو 1992 مع تعديلات شكلية و احيانا جزرية . بس بتحافظ على نفس الأبعاد و المقاسات
توفيرا للأموال .

تمام يا حازم
كل العك ده مبني على شاسيه بونتو 1992 مع تعديلات شكلية و احيانا جزرية . بس بتحافظ على نفس الأبعاد و المقاسات
توفيرا للأموال .

اقتباس:

---

السيريون بصراحة فضيحة

---

:?: :?: :?: يا راجل دي أربع نجوم يعني مقبول

اقتباس:

---

المشاركة الأصلية كتبت بواسطة محمدايهاب

اقتباس:

---

السيريون بصراحة فضيحة

---

:?: :?: :?: يا راجل دي أربع نجوم يعني مقبول

---

والله لما يكتبوا 50 نجمة القطنة مبتكدبش ( قصدى الصورة ) واضحة اهية
العربية معجونة من قدام
والخبطة مسمعة في السقف
والباب الاولاني مرحل علي اللي بعدية
والعتب مقوص وطبعا ده تاثير خبطة امامية عمودية وانت عارف ان الخبطة المائلة تاثيرها اكبر بكتيييييييييييير سواء علي الشاسية او القوائم او الصاج

سبب تاني لانزعاجي من شكل السيريون هو ان الواحد عنده تخيل انها اقوى من كده يعني علي الاقل الواحد كان متوقع انها تبقي في نفس مستوى ال 207 والبولو

الله ينور يا cX :D

يا استاذ ابو نورا اختبارات الامان بتقيس مدي الاصابات اللي حصلت للسواق و الركاب مش بتقيس مدي الاضرار اللي حصلت للعربية. معني ان ال Sirion اخدت اربع نجوم انها بتحمي اللي جواها كويس، مش مهم العربيه جرالها اييه!

اقتباس:

---

اختبارات الامان بتقيس مدي الاصابات اللي حصلت للسواق و الركاب مش بتقيس مدي الاضرار اللي حصلت للعربية. معني ان ال Sirion اخدت اربع نجوم انها بتحمي اللي جواها كويس، مش مهم العربيه جرالها اييه!

---

1+

اقتباس:

---

المشاركة الأصلية كتبت بواسطة Hesham A.Megid

الله ينور يا cX :D

يا استاذ ابو نورا اختبارات الامان بتقيس مدي الاصابات اللي حصلت للسواق و الركاب مش بتقيس مدي الاضرار اللي حصلت للعربية. معني ان ال Sirion اخدت اربع نجوم انها بتحمي اللي جواها كويس، مش مهم العربيه جرالها اييه!

---

يا جماعة والله عارف بس انا تحليلي من البداية مبني علي اللي بيحصل للعربية لان زي ما قولت الاول ان عشان تبان حالة السائق لازم تبقي فيه صور والباب مفتوح عشان نشوف الدمي حصلها ايه خاصة وضع الركبة وعظام الفخذين فضلا عن كون حجم اصابة الركاب عملية لها الكثير من العوامل مما يجعلها رهن بالظروف البحتة ( راجعة لمشيئة الله سبحانة )
خد عندك مثلا الراكب الطويل غير القصير وطبعا الطويل اكثر عرضة لاصابات الحوض وعظمة الفخد والركبة والقصير اكثر عرضة لاصابات الجمجمة بنوعيها الجانبي والامامي وبرضوا ده راجع لحاجات تانية مثلا اللي بيقعد والكرسي لورا غير الكرسي وهو قدام غير اللي بيقعد ( منجعص في الكرسي ) وبلا شك كل ده لما يكون السائق رابط الحزام وعندة اكياس هوائية
عشان كده اعتبارات سلامة الركاب ديه يقينا ومنطقيا انا شايف انها حاجات بتاعة ربنا والاختبارات ديه لا تتعدى كونها ارهاصات لما يمكن ان يحدث في ظروف قياسية لاكن انا بهتم بيها كصور او فيديو من ناحية تقييم هيكل السيارة ومعرفة اماكن الضعف والقوة فيه

يا استاذ ابو نورا الموضوع منتهي , طلاما خدت 4 نجوم يبقى السائق سليم و لم يتعرض لاصابات قاتلة , و خلي بالك انها شركة محايدة الي بتعمل الاختبارات دي , مش دايهاتسو .

اقتباس:

---

المشاركة الأصلية كتبت بواسطة CryptonX

يا استاذ ابو نورا الموضوع منتهي , طلاما خدت 4 نجوم يبقى السائق سليم و لم يتعرض لاصابات قاتلة , و خلي بالك انها شركة محايدة الي بتعمل الاختبارات دي , مش دايهاتسو .

---

حبيبي انا مش بشكك في حيادية الشركة او الهيئات اللي بتقوم بعمليات الاختبار والاعتماد ديه بالعكس المقاييس مهمة جدا في اي صناعة او علم بس انا بتكلم في قصة تانية خالص يبدوا اني مش قادر اوصلهالك

ببساطة 4 من خمسة ديه نتيجة برجماتية بتقول ان العربية السيريون

1- حمولة الاساسية ( يعني تقريبا فاضية ) --- وطبعا كل ما زادت الحمولة كل ما ذادت قوة الصدمة

2- وهيا في حالة الفبريكا - يعني ما فكش الاكصدام وركبة علي سمعة السمكرى

3- ولما تكون في سرعة معينة ( في الغالب لا تعدي ال 100 كم في الساعة )

4- ولما يكون السائق وزنة افتراضي وطولة افتراضي وقاعد بشكل افتراضي

5- ولما العربية تخبط جسم مستو وطولة وعرضة كذا كذا

6- باتجاة عمودى تماما

7- ومن المقدمة

فلما تتحقق كل العوامل ديه مجتمعة غالباً هتدينا النتيجة اللي في الصورة علي العربية

8-ولو السواق مماتش من الخضة
9-او سنانة قطعت لسانة

10- ولو منساش يربط الحزام
11- ولو الايرباجز شغالة باحسن كفائة ليها
12- ولو ربنا قدر يبقي السواق هيعيش

يعني 12(علي اقل تقدير) اي تغير في معامل منهم هيديني سيناريو جديد ممكن مينتهيش ب الاربع نقط دول

وشوف بقي في كام سيناريو للحوادث في الدنيا عشان كده انا مبعترفش باختبارات الامان في مجال اثبات تامين الراكب لانها مجرد توقعات زي ماقولت قبل كده لاكن هيا بلا شك مؤشرات لكفائة تصميم هيكل السيارة كمان مفيدة جدا في عملية تطوير التصميمات والحكم عليها اكتر من كده لاء والا يبقي بندحك علي نفسينا او بمعني اصح بنديهم فرصة يدحكوا علينا خاصة وان اختبارات الامان ديه كانت بتتعمل من من اكتر من عشرين سنة ولاكن مكانتش بتستخدم لاغراض التسويق وانما كانت مقتصرة علي مراكز الابحاث والتطوير

باختصار وبالبلدي متصدقش غير عنيك

والصورة ديه يمكن توضح اكتر قصدي


http://www.wreckedexotics.com/h2/h2_20060828_001.jpg

مهو لو فرضنا اي حاجة كدة يبقى اي سيارة غير امنى و حتاخد صفر .. انما لازم توحد المواصفات و اللاختبار علشان تعرق تقارن

يعني السيريون بالشروط دي ( 4 نجوم ) ائمن بكتير من الأفيو الزبالة ( 1 نجمة ) بنفس الشروط . مش معناها ان الجراند بونتو ائمن سيارة في الكون , ولكنه تقييم للمقارنة وقت الشراء


وعلى فكرة ده بيتم على سرعة 64 كم/ساعة

لو اتعمل على 100 محدش حيعيش اصلا .

اقتباس:

---

المشاركة الأصلية كتبت بواسطة CryptonX

مهو لو فرضنا اي حاجة كدة يبقى اي سيارة غير امنى و حتاخد صفر .. انما لازم توحد المواصفات و اللاختبار علشان تعرق تقارن

يعني السيريون بالشروط دي ( 4 نجوم ) ائمن بكتير من الأفيو الزبالة ( 1 نجمة ) بنفس الشروط . مش معناها ان الجراند بونتو ائمن سيارة في الكون , ولكنه تقييم للمقارنة وقت الشراء


وعلى فكرة ده بيتم على سرعة 64 كم/ساعة

لو اتعمل على 100 محدش حيعيش اصلا .

---

+1

تمام انا معاك في المعني ده ان الهدف من الاختبارات هو توحيد المقاييس وضع اسس ثابتة للتصميمات تعزز من امان السيارة وزى ما قولت ان الاختبارات ديه معمول بيها في صناعة السيارات من اكثر من عشرين سنة بس الصورة الموجوده بيها دلوقتي انا خايف انها تسيب انطباع في عقول الناس بان السيارات اصبحت اكثر امانا او ان الراكب في عربية بي ام ممكن يكون افضل حالا من اللي راكب ماروتي وده اللي بيقولة دينا ان ديه اقدار وديه حسبة المنطق بردوا

بص يا سيدي نقلا عن مجلة فنان الالكترونية
http://fannat.com/new/Magazine.aspx?NewsID=446

"

اقتباس:

---

وقبل عشرة سنوات ، تم في اوربا تاسيس هيئة خاصة ، تقوم باجراء اختبارات تصادم علي السيارات المسوقة باعداد جيدة في اوربا (( لاحظ )) ، واعطاء هذة السيارات علامة من خمسة نجوم
(( في الغالب المقصود هو ال NCAP((
.......
وقد صعدت هذة الهيئة صعوداً صاروخيا ، وبات الصانعون يحسبون لها الف حساب ، اذ يقوم معظم الصانعين العالميين الكبار حاليا بإجراء اختبارات امان علي سياراتهم الجديدة اثناء تطويرها ، والتركيز علي الحصول علي اعلي علامة ممكنة من هذة الهئية
وذلك بهدف استخدام النتائج في المجلات والدعايات !!!

---

" انتهي الاقتباس

ايوا انا فهمت قصد حضرتك , بس بيني وبينك برده حاجة نفسية لما تشتري سيارة واخدة خمس نجوم مثلا زي الياريس حتحس نفسيا براحة اكتر عن منتا راكب الأفيو و حاسس و عارف انها اقل امان :)

وبالذات انا ركزت على الموضوع ده بعد دخول السيارات الصينية بلدنا علشان دي كارثة , لما سيارة في حجم البريليانس او الشيري يحصل فيها الي حتى محصلش في السيريون .. يبقى الواحد عمل الي عليه وورا الناس .. و في اللأخر تقدير السيارة بتاع الNCAP اخر حاجة ان المستهلك المصري بيبصلها .. دو لو عرف انه موجود اصلا .. :)

ربنا يستر علينا جميعا .

اقتباس:

---

المشاركة الأصلية كتبت بواسطة CryptonX

ايوا انا فهمت قصد حضرتك , بس بيني وبينك برده حاجة نفسية لما تشتري سيارة واخدة خمس نجوم مثلا زي الياريس حتحس نفسيا براحة اكتر عن منتا راكب الأفيو و حاسس و عارف انها اقل امان :)

وبالذات انا ركزت على الموضوع ده بعد دخول السيارات الصينية بلدنا علشان دي كارثة , لما سيارة في حجم البريليانس او الشيري يحصل فيها الي حتى محصلش في السيريون .. يبقى الواحد عمل الي عليه وورا الناس .. و في اللأخر تقدير السيارة بتاع الNCAP اخر حاجة ان المستهلك المصري بيبصلها .. دو لو عرف انه موجود اصلا .. :)

ربنا يستر علينا جميعا .

---

الهم امين

وانا شاكر سعة صدرك في النقاش واتمني ان محدش يفهم اني ضد اختبارات السلامة بتاعة NCAP بالعكس اي علم لازم عشان يتطور يتحطلة مقاييس بس لازم بردوا نوعي المستهلك المصرى بحذر عشان الاختبارات ديه ليها استخدامات دعائية واعلانية مضللة

يا أبو نورا أنا هتكلم عن واقع أنا أما خبط عربيتي على سرعة 50-60 حصل ذي الاختبار بالطبط يعني الأبواب ما حصلهاش حاجة أنا خبط في الدريكسيون و رجلي ما خبطتش نهائيا و الماتور نزل لتحت ده معناه 5 نجوم و على هذا ممكن تجزم أن الأربع نجوم و الثلاثة و الإثنين و الواحدة لازم هيفرقوا عن بعض

يا جماعة الأختبار انهم بيخبطوا العربية في حاجز فولاذ تاثيره اكيد اشد من تأثيرعريبة تخبط في عربية و دا عاملينة عشان يقيسوا قوة أمان العربية في مواجهة اشد الموانع علي سرعة 64 كيلو عشان دي السرعة القصوي في المدينة والمفروض (عندهم طبعا) ان معظم الحوادث فى المدينة مش في الطرق السؤيعة

ياريت كل اللى بيفكر فى الصينى يشوف الموضوع ده ويفكر فى سلامة اللى بيركب معاه

أولا شكرا جزيلا علي المجهود والعرض لكن الحقيقة العربيات اللي في مصر مواصفاتها مختلفة تماما عن العربيات المختبرة

موضوع مميز
شكرا ليك

موضوع ممتاز و مجهود تشكر عليه
هل ياترى السيارات المجمعة او المصنعة فى مصر بيتم عليها اى اختبار ؟؟
اقصد انتاج غبور او منصور او ابو الفتوح او النصر للسيارات او ايا كان

بجد تسلم ايد حضرتك
مفيش حاجه ممتعه بالشكل ده

تسلم بجد

الف شكر علي المجهود

موضوع جامد ياباشا شكرا ليك

بجد تجميعه حلوه

حلو الموضوع جدا
وفعلا الاوروبي يختلف كتير عن الكوري والياباني الي حد ما

اظن البونتو والبولو هما احسن اتنين .

موضوع رائع .. وعرفنا العربيات الصغيرة عاملة ازاى فى الخبطات