بأسمع كتير عن ان الفتيس خشن يا ريت حد من الخبراء يدلنا يعنى ايه ؟ و ازاى اتغلب على الخشونة دى ؟
و شكرا للافادة .
عرض للطباعة
بأسمع كتير عن ان الفتيس خشن يا ريت حد من الخبراء يدلنا يعنى ايه ؟ و ازاى اتغلب على الخشونة دى ؟
و شكرا للافادة .
يعنى انت عندك المشكله ولا سامع عنها وبتستفسر؟
كده او كده استنى حد من جهابذه المنتدى يفيدك
خشونة الفتيس دى انواع، منها 3 انواع يحسهم سواق الديريكسيون(أللى مالوش فى اى حاجة تحت الكبوت) ونوعين يحسه اللى بيفهم ميكانيكا فقط
1-النوع الأول: عصاية الفتيس تقيلة، يعنى بتحركها كأنك بتشيل صخرة من على الأرض، زى فتيس الشاهين الصبح وهى باردة، وده سببه اما يكون تصميمى او انك حاطط لها زيت ثقيل، لو تصميمى علاجه التعايش معاه، لو بسبب الزيت نغير الزيت
2-النوع التانى: الغيارات مبتجيش بسهولة او غيارات معينة مبتجيش خالص او غيار بييجى مكان غيار، وده ممكن يكون بسب قدم عمر جير بوكس وتآكل مجموعة التوجيه بتاعته(ألفورك) او بسبب لوحة فى العصاية او الوصلات بينها وبين الجير بوكس او بوظان ، وعلاجه تغيير الجزء التالف
3- الفتيس بيعض: يعنى سماع صوت حشرجة مزعجة جدا عند تعشيق غيار معين وتكون اما بسبب عدم ضغط الدبرياج بشكل كافى او بسبب ان الدبرياج واطى او ان غويشة غيار معين متاكلة
اما بالنسبة لعيوب الجير التى يشعر بها من يفهم فى الميكانيكا فهى نوعين
1- خشونة التروس: ويشعر بها السائق عند ظهور صوت غير محبب لكنه غير مرتفع بشدة ومستمر على سرعات معينة وليس من المحرك
2-الونة: وهو صوت مستمر مزعج جدا ومميز ومرتفع يشبه صوت سيارات التاكسى القديمة(اللادا والبولونيز تحديدا كان دايما بيطلع منه الصوت ده) وهذا الصوت يعنى اقتراب نهاية عمر الكورونا، كما انه صوت غير محتمل اصلا(وقبل ما حد يسأل انا هجاوب: جميع السيارات فيها كورونا، سواء كانت جر امامى ام دفع خلفى، كل الفكرة انه فى سيارات الدفع الامامى تكون تروس الكورونا موجودة داخل علبة الفتيس، لكن لا توجد سيارة بدون كورونا)
شكرا لتفسيرك و توضيحك يا م خالد
االله ينور عليك يا باشمهندس
احب اضيف ان احد اهم اسباب تلف / خشونة / ونة الفتيس هى عدم الكشف على الزيت بشكل دورى
ممكن الزيت ينقص و يفضى و السواق ولا هو هنا
واحد صاحبى لقى النقلات بتتقل على مدى شهرين و فجأه ما بتجيش و بتعض جامد
طب يا عم الزيت اخباره ايه ؟ الرد : ولا اعرف انا ما شفتوش من ييجى 3-4 سنين
طيب انت لما الدنيا تقيله معاك ما رحتش تشوف ميكانيكى ليه ؟ الرد : عادى يعنى ماهى ماشيه
طبعا راح البنزينة ما لقاش ولا نقطة فى الفتيس و للاسف الفتيس ابتدا يخشن شويتين بس ما فيش ونة لسه
كلام جميل
لكن معرفتش ايه حل الخشونه دى علما بانى مغير زيت الفتيس الى زيت لزوجته 140 السيارة اكسيل مو 95
الفتيس نقلاته مظبوطه لكنها تقيله وبحس بصوت التروس وانا ماسك العصايا وبحس بتعشيقتها مثلا لما بتاخد الاول بتاخد العصايا شمال ثم للامام بحس ان العصايا بتقف فى ايدي ثانيتين تلاته قبل ما اخطفها للامام
مثال اخر وانت بتاخد التالت بتعدى الاول على المور ثم للامام بحس ان العصايا بتقف ثاوانى قليله ىف المور ثم اخطفها للامام
يارب تكون الصورة وصلت
مستنى ردودكم ولكم جزيل الشكر
العربية اكسل عصايا الفتيس فى المقصورة ومتصلة للفتيس عن طريق تيش والعصايا نفسها ليها حشو
العلاج اول حاجة لازوم تظبط مستوى الفصل بتاع الدبرياج ( على الدبرياج شوية )
تانى حاجة غير حشو عصايا الفتيس واى جزء تالف من التيش
ويا ريت لو تحط زيت موبيل 90 بدل الـ 140
جزاكم الله خيرا
وكمان وجدت صوتين
أول صوت موجود وانا ممور والعربيه دايره وواقفه فى مكانها وبيروح لما بدوس دبرياج
وثانى صوت وجوجه وانا ماشي ولما بمور والعربيه ماشيه بيروح او وهى ماشيه برده ادوس دبرياج بيروح
يا ترى ما سبب هذه الاصوات؟؟ وهل لها علاقه بخشونة الفتيس؟؟ علما بان المكنه محتاجه نص عمره
متابع ردودكم القيمه
ولكم جزيل الشكر والامتنان
كدة الدنيا ضلمت شوية
طالما بتدوس دبرياج بيروح الصوت سوا وهى واقفة او وهى ماشية يبقى المشكلة فى الفتيس نفسة بلية فاركة او خشنة
اذيك يا باشمهندس خالد
انا عربيتي سيريون موديل 2009 استلام اغسطس 2010
ماشية 15.000 كم فقط
عندي ونه في الفتيس زي الادا 2105 اللي كانت عندي
الصوت ده التوكيل قال عليه عادي كانت في صيانة 5000
وكانت علي الاول بس وكانت المرشدير بيعض احيانا لو العربيه في مكان عالي
دلوقت بقت علي كل الغيارات
مش عارف التوكيل حيعمل معايا ايه
تفتكر ده كارونه فتيس فعلا
مع العلم الصوت ده ما كنتش موجوده قبل كده
انا عندي استفسار حد يجوبني عليه: معايا عربية فليشيا 96, و كان الغيار الاول فقط بيجي بصعوبة و بسمع طخبيط وانا بنزل بالغيار من 2 لأول احيانا (تقريبا كان الديبرياج واطي) المهم روحت لميكانيكي ظبط سلك الديبرياج و الموضوع بقى كويس, بعد حوالي اسبوعين وفجأه لقيت عصاية الفتيس قفشة و أي غيار بيجي بصعوبة وروحت للميكانيكي لعب برضه في سلك الديبرياج وظبطت بعديها, في نفس الوقت انا لما بدوس على الديبرياج من غير ملمس الفتيس بسمه صوت خفيف مستمر قوي بيروح لما اشيل رجلي من عليه, المهم بعد اسبوع الفتيس قفش تاني نفس الكلام الميكانيكي بيقولي كده ديسك عايز يتغير؟ بس انا العربية بتمشي من ثبات كويس و مفيش حاجة هل هذا الكلام صحيح؟
طيب انا عندى مشكله مع الغيار الاول بس,, لازم ازق العصايه بقوه عشان يعشق ,, و سعات يمشى عادى ؟! تفتكرو ده من ايه؟
انا معايا دبانه موديل 91 6 سلندر
كان في صوت ال هو صوت البليه ولما بدوس دبرياج
بيروح الصوت
وبعدين كان التاني والرابع فيهم عضه
حد نصحني اغير زيت
المهم غيرت بزيت فتيس 90
المشكله متحلتش
ومكنش فيه زيت اصلا في الفتيس
الراجل ال بينصحني صنايعي بي ام في توكيل ابو غالي
المهم غيرنا زيت الفتيس
وحطينا زيت باور
ايون زيت باور
اوموتور
بس المهم
العضه راحت
بنسبه 80 %
والصوت بتاع الطقطق علي السلانسيه قل جدا
او اتعدم
ولكن
بقي في صوت صريروصريخ
لما بكون دايس سنه دبرياج وبنزين
بيسمع الصوت ده
يا تري دي بليه ولا ايه
علما بان السحب جيدجدا
شباب طيب ان عندي كيا برايد مو98 المرشدير مش بيعشق من اول مرة لازم يعلق وبعدين ادوس دبرياج تاني علشان يعشق مش عارف ايه السبب
ان عايز ذو الخبرة يرد علي
انا عندي صوت حشرجه في الغيار التاني اوبل فبكترا 98 بس الغيار بيجي وبيمشي معاي وكله تمام بس لازم يعمل الصوت دة بس اما امشي شويه بالعربيه يحصل الصوت دة يعني لو نازل الصبح بالعربيه وهي لسه بردة امشي واحرق عادي الصوت بيخفتي من الغيار التاني بعد شويه مثلا بعد ساعه من المشي يبدا الصوت يجي مع كل نقله للغيار التاني بس
ملحوظه لوبطلت العربيه ونزلت وجتلها بعد ساعه مثلا الصوت بيختفي فبصراحه عايز اعرف ايه الشبب لان الميكانيكي بيجننوا الواحد
ياريت تقولي انا عندي صوت الحشرجه الي انت بتقول عليه في الغيار التاني بس والعربيه اوبل فيكتار 98 بس اما تبئا باردة وانا لسه نازل بيها الصبح الصوتمش بيكون موجود خالص والتاني بينقل بنعومه زي اي غيار بعد مشي شويه بالعربيه يظهر صوت الحشرجه دة ممكن يكون من زيت التروس انا فعلا ميغرتوش لاني بلاحظ ان الصوت مش بيكون موجود والعربيه بادرة بمعني اصح بيظهر اما العربيه بتسخن
واضح كدا ان السبب في مشاكل الفتيس بشكل عام جهل الصنايعيه و منطلقهم في ان الزيت للفتيس المانوال مابيتغيريش لا بيتزود بس مأثر على كل عربيات مصر زيت الفتيس يتغير كل سنتين وحسب ما الشركه مابتقول النوع واللزوجه
دا بالاضافه انهم مايعرفوش غير زيت 90 الخفيف و140 التقيل