وعلى فكرة مدير المركز الاستاذ/احمد محسن شخصيه جميله جدا لدرجة ان في عملاء بييجوا عشان يقعدوا معاه وبينسوا ان عربيتهم فى الصيانه لانهم مطمنين لينا بفضل الله
عرض للطباعة
وعلى فكرة مدير المركز الاستاذ/احمد محسن شخصيه جميله جدا لدرجة ان في عملاء بييجوا عشان يقعدوا معاه وبينسوا ان عربيتهم فى الصيانه لانهم مطمنين لينا بفضل الله
السلام عليكم ازى حضرتك يا اسلام بيه يارب دايما تكون بخير شكرا للكلام الجميل ده احنا نتمنى نسمع منك كل خير وربنا يعزك وحضرتك تستاهل كل شئ كويس
وعليكم السلام ورحمة الله وبركاته
الأخ الفاضل frg نحن سعداء جدا بيك معانا في المنتدي الجميل بتاعنا ومرحب بيك وبكل المسئولين في مركز الأمل فرع الإسكندرية والقاهرة كمان
وياريت بدون أي حرج إذا كان مفيش أي مشكلة حضرتك تعرفنا بيك شخصيا وإيه موقعك بالظبط في المركز وتقدر تقدم لينا إيه في المركز علشان أنا وكتير من أعضاء المنتدي رحنا هناك وشفنا ناس ممتازة جدا جدا الصراحة ونحب نتعرف علي حضرتك أكتر ولما نروح هناك نجيلك علي طول
وده علي فكرة موجود في ماركات كتيرة بنفس المنتدي الزملاء فاتحين قنوات إتصال مباشرة مع المسئولين والمهندسين بمراكز الصيانة المختلفة وبيكون فيه تقارير دائمة من العضاء فيها ملاحظتهم علي الخدمة وجودتها والإستقبال
وإحنا عاوزين نطبق الكلام الجميل ده مع شركة الأمل ونوسع علاقتنا كملاك للسيارة byd مع التوكيل ونشجع العربية دي تنتشر أكتر في مصر لأنها فعلا تستحق الواحد يحط فيها فلوسه
كلامك صحيح اخى فعلا حتى نعمل موضوع يكون مثلا يسمي اجتماع مالكى byd و يرفع دائما حل المشكلات اللى بتواجه اصحاب العربية سواء من التوكيل اللى فى القاهرة او غيره
بالمناسبة المهندس الى فى القاهرة اسمه حسام مش اسامة اصلى كتبت اسمه غلط فى احد الموضوعات و طبعا لما كيشته فلوس اخذ العربية للصيانة قبل كده كان بيقول يوم الاحد او السبت فقط من حيث السمكرة و غيره لكن لما اخذ الفلوس رجعت الضحكة فى وشه على طول:dzey:و اخذها فى يوم مش الحد او السبت
مشكور يا أستاذنا الفاضل علي الفكرة الجميلة دي وعاوزينها تاخد طريق التنفيذ وأنا متحمس جدا لها
وعلي فكرة مهم جدا جدا جدا وقبل أي خطوة...
ودي اللبنة الأولي للموضوع ده إنشاء تبويب مخصص في نايل موتوورز لماركة byd فقط يعني ماتكونش مع الصيني العام أو الماركات الأخري زي ماهي حاليا
وعلشان كده أنا عملت موضوع إستفتاء لفصل الـ byd وياريت حضرتك والجميع اللي بيحبوا byd يدخلوا عليه ويحطوا أصواتهم ونطالب إدارة الموقع بحقنا في تبويب مستقل خصوصا إن مالكي السيارة دي في إزدياد مستمر
وياريت ياجماعة كلنا نقول لبعضنا علي الموضوع ده ونشارك فيه عاوزين أكبر عدد ممكن من الأصوات
[marq="3;right;2;scroll"][/marq][marq="3;right;2;scroll"]:: نــايــل مــوتــورز:: - :: NileMotors.net ::[/marq]
وانا بإذن الله مخطط لشغل كتير مع الأمل الوكيل بمصر وحنعمل عروض ممتازة لأعضاء نايل موتورز اللي عندهم byd
مشكورين في إنتظار الإستفتاء
السلام عليكم شكرا جدا لذوق حضرتك وبتمنى اتعرف علي حضرتك انا مهندس استقبال السيارات بشركة الامل وياريت حضرتك تشرفنا بالمركز وياريت نعمل اتحاد لملاك البي واى دى وكل واحد يقول رايه مش في السياره بس ويقول رايه بالنسبه للو كيل وربنا يعينا علي ارضاء مالك اى سياره بي واى دى لانك احسنت الاختيار وبنتمنى ان يكون كل انسان بالمركز عند حسن ظن حضراتكم
وعليكم السلام ورحمة الله وبركاته
أهلا وسهلا بحضرتك يا باشمهندس محمد فرج
دي فرصة جميلة جدا جدا إن حضرتك تكون معانا في المنتدي بتاعنا الجميل ده
أنا فعلا كنت عندكم في التوكيل في الإسكندرية وفاكر حضرتك كويس
والصراحة أنا باعلن أمام الجميع عن شكري الكبير لكم علي مجهودكم المتميز وإخلاصكم في عملكم خصوصا الباشمهندس / أسامة
وإحنا حنوصل الكلام ده لكل المسئولين في شركة الأمل لأن بجد زي ما في سلبيات والناس بتتكلم فيها لازم من باب أولي نتكلم عن الإيجابيات وأد إيه بتفرق كتيييييييير عند مالك السيارة وبتكون أجمل دعاية للسيارة
وبنشكرك كتير علي تواصلك معانا وبإذن الله لينا ترتيبات جديدة مع المركز علشان نفتح قنوات للإتصال المباشر معاكم
وعليكم السلام ورحمة الله و بركاته يا بشمهندس محمود ,أنا لسه فاتح الكمبيوتر بتاعى من شويه وشوفت رسائلك الجميلة ,أنت اللى تستاهل كل خير و مبسوط جدا بتسجيلك و وجودك بالموقع اللى أنا بأعتبره مكسب لملاك السيارة حيث النقل المباشر لنبض الأعضاء ,على فكرة سبب عدم وجودى الفترة الماضية على الموقع هو سفرى لمطروح من يوم الجمعة الماضية حتى أمس و الحمدة لله و بفضله كانت السيارة أثناء الرحلة أكثر من رائعة و البركة فى شغلكم .