تسلم ايدك يا هانى
عرض للطباعة
تسلم ايدك يا هانى
اه نسيت موضوعاتك اطورت اوى يا هانى استمر متخفش
شكرا يا هاني على الموضوع انا فعلا كنت عايز اكتب تقرير عن العربية وتجربتها لكن مكنش في وقت من ساعة ما رجعت من السفر
هموما نبتدي بعون الله:
المكان: الرياض - وكيل رينو ( الزاهد)
الزمان: حوالي الساعة 1 الضهر
وصلت الوكيل بعربية والدي فولكس فاجن طوارق موديل 2007 وانا ذكرت نوع العربية عشان هيفيد قوي في تقييمي للكيليوس،
المهم دخلت صالة المبيعات عشان اتفرج لقيت التحفة سافران العربية فعلا تحفة بكل المقاييس من حجمها للفخامة من جوا وجودة الديكور الداخلي ، كراسي كهرباء من الاخر العربية كانت ممتازة بس مقعدتش فيها كتير كانت بصة سريعة لمدة 10 دقايق.
بعد كده دخلت اشوف حبايبي جوا واهمهم احمد الدسوقي لانه كان واحشني، قعدنا اتكلمنا يمين وشمال وبعدين قررت امشي، وانا جاي طالع خلاص وجدتها
التحفة كيليوس انا بجد اتمسمرت قدامها وقعدت افتكر العربية دي ايه لاني كنت فاكر ان شاركي نزلها موضوع، المهم احمد شافني كده قالي اركب اتفرج العربية من جوه انا شايفها حلوة بجد انا ممكن اقول ان ابسط حاجة ان Gps كان لاقط 13 قمر واحنا قاعدين جوا العربية.
طبعا ما فوتش الفرصة وقولت لاحمد اطلع ناخد بيها لفة وفعلا ساقها شوية وبعدين قولت اسوق انا، انا كل اللي هقوله ان العربية 6 سرعات امامية مانيوال وسرعة خلفية، انا وصلت لسرعة 130 على الرابع العربية ثابتة جدا جدا جدا بجد احمد الدسوقي اخد بيها ملف صعب جدا يتاخد بعربية سيدان بالسرعة دي احمد دخل بالعربية ملف خطر على سرعة 120 والعربية كانت مكلبشة في الارض.
اقسم بالله انا كنت بتشاهد وهوا بياخد الملف ده لكن هوا كان مجربها قبل كده في دبي فعشان كده كان عارف امكانياتها كويس.
التجربة استمرت 20 دقيقة بس فعلا كانو امتع 20 دقيقة امضيتها، على فكرة تكييفها رائع رائع رائع بكل المقاييس.
انا فعلا اقترحت على هاني ان 6 مننا يشتركو ويشترو العربية دي وكل واحد يخليها معاه يوم ويوم اجازة كلنا نجتمع فيها
حسستني إني راكب توك توك يا محمد باشا
:I_angr1[1]:
أنا ممكن أشترك معاكو بس بتمن التيل
:44:
على فكرة ...إللى ما يعرفش سواقة محمد.....محمد قلبه جامد مش زى أنا...فعلشان هو يتشاهد فى ملف...يبقى لا مؤاخذة أنا كان ممكن عملتها على نفسى زى "مادونا" فى الإعلان بتاع ال M5 ....أتشوق لتجربة عربية بالمستوى ده من الثبات الذى يضارع منافسات فى فئة أخرى تماما من أمثال ال X5 أو ال M-Class أو ال Cayenne
شكرا يا هانى على الصور
إللى أعرفه ان التوكيل كان قال إنه حينزلها مصر فى أخر 2009 أو أول 2010 !
------------------------
محمد باشا شكرا على سرد تجربتك
بس كنا محتاجين شويه صور مع تفاصيل للأوبشن
العفو يا شاركى..من بعض ما عندكم
هيكون شىء جميل لو فعلا نزلت فى مصر لكن السعر إللى هتنزل بيه هيقلل من قدرتها التنافسية أمام ال X3 ...و حتى ال Tiguan أم Auto-Park و موتور TSI إللى عامل دعاية جامدة فى مقابل هدوء كبير بالمقابل بالنسبة لل Koleos ....
أعتقد لو تم تفعيل شراكة Nissan مع REnault و بقدرة قادر ال Koleos جاءت لتحل محل ال X-Trail و أصبحت وحدة التجميع المصرية تقوم بإخراج لوجو رينو على سيارة SUV تبقى هى دى الانقلاب....
و بعدين مين عارف...ممكن الموضوع ده يتم بعد بدء الإنتاج فى المصنع الجديد بتاع المغرب و النجاح إللى حتى الآن ظاهر بوضوح على السيارات الآتية من هناك ( وفقا للاتفاقية )....و نلاقى العربية ب 250 ألف و حاجة قيمة و سيمة و توكيل مافيش بعده
يا خبر النهاردة بفلوس بكرة يبقى ببلاش....
ممكن يا محمد مصطفى نستنى لحد ما نشوف إيه إللى هيحصل معاها...يمكن نعرف نبقى 3.5 أفراد و كل واحد يأخذها يومين بدل يوم واحد فى الأسبوع :ma: