الموضوع: ازاى اعمل رخصة دولية

تاخد رخصتك وصوره وتروح نادي السيارات اعتقد انه قريب من جروبي
وتطلع الرخصه من هناك ممكن تطلع في نفس اليوم اكن موضوع امريكا ده معرفوش
الرخصه الدوليه يمكنك القياده بها خارج مصر في حاله حصولك على تاشيره سياحة وليس
اقامه او عمل
على ان تكون السياره تأجير وليست مملوكه
هذه ما اعرفه من معلومات بسيطه وابقى قلنا عملت ايه يا باشا

هذا الرابط بالأسفل فيه شرح وافي لإستخراج الرخصة الدولية
تحت عنوان (ثامنا : رخص القيادة الدولية : )

http://www.nilemotors.net/Forum/viewtopic.php?t=5748

خد معاك كمان صورة للرخصة، وشهادة براءة مخالفات من مرور مدينة نصر

بتروح تودي الأوراق بدري بتستلمها نفس اليوم الساعة 2 تقريبا - الرسوم 40 جنيه (ولو مستعجل هتديلهم 50 هتاخدها بعد نص ساعة)

بالنسبة لأمريكا، على حسب علمي المفروض إنها معترف بيها هناك؛ بس حاول تطلع رخصة هناك بسرعة قدر الامكان وهي مش صعبة قوي. الرخصة الدولية ميزتها أنها سند قانوني عشان لو سقت وإنت لسه ما طلعتش رخصة محلية متحصلكش مشاكل خاصة إن مدتها سنة واحدة بس - بس مش عارف هل ده يسري على جميع أنواع الفيز ولا لأ.

وربنا يوفقك

ولا تتعب نفسك و تضيع وقت و لا فلوس في أمريكا النظام محكم جدا و الأختبارات أصعب من الدكتوراة ومافيش رخص دولية من اي بلد "عالم تالت" ليها قيمة الورق اللي مطبوعه علية هناك

مين اللي قال لحضرتك كده :?:

هذا الرابط بالأسفل فيه شرح وافي لإستخراج الرخصة الدولية
تحت عنوان (ثامنا : رخص القيادة الدولية : )

http://www.nilemotors.net/Forum/viewtopic.php?t=5748

شكرا على اللينك يا باشمهندس أحمد

شرح وافي فعلا :)

شكرا يا جماعة على الردود السريعة بس انا مسافر لعمل مدة اربع شهور بس كنت عايز حد يتاكد تنفع هناك

لا شكر على واجب

بص أنا اشتغلت معايا ومحصليش مشاكل خالص والحمد لله

بس أمريكا ديه قارة وكل ولاية ليها قوانينها فأفضل حاجة تستعلم عن ده من الجهة اللي إنت رايح تشتغل معاها

ويا سيدي على أسوأ الظروف إعملها وخليها معاك إحتياطي مش هتغرمك حاجة غير المشاوير والرسوم - ودي إن شاء الله مقدور عليها.

وربنا يوفقك وتروح وتيجي بالسلامة