الموضوع: ادى اخرة الاستهتار و قلة الادب ...!

المشاركة الأصلية كتبت بواسطة Terrible_DaRsH

ادى اخرة التهور و قلة الادب و الاستهتار بارواح الناس ..

النهارده خارج من باب الجامعة .. و كان فى شلة كده بنات و شباب مش مظبوطين يعنى .
و كان معاهم لانوس عمالين يلعبوا بيها .

فجاة صاحب العربية ساب البنت اللى معاه تسوق و هى اساسا متعرفش اى شيء عن السواقة .

داست بنزين على الاخر والعربية صرخت منهااا و قعدت تلعب فى الجراج و تلف و تلف و تصوت وفرحانة و عمال تخبط فى الناس ولا هاممها و الباشا اللى جمبها فرحان بيها طبعا ...

رحت قايل يا رب تخبط علشان تعرف ان الله حق .. ولسه مكملتش الكلمة و راحت الانسة بتلف من ورا عربية و ماخدتش بالها ان فى اتوبيس ورا العربية ..

و راااااحت طـــــــــــــخ لابسة فى الاتوبيس ( كان واقف مش ماشي ) ...

والله العظيم الناس كلها صقفت كان الاهلى جاب جول مثلا ...
:k49:

الاتوبيس الرفرف بتاعه اتعوج شوية و اتطبق ..

و اللانوس بـــــــــــــــــاظت بــــــــــاظت ... الكبوت بقى نصفين و الاكصدام ملهوش معالم و الكشافات اتكسرت و الموتور اتعوج و العربية اتدمرت ...

موبايلى فصل شحن للاسف و انا بصور ملحقتش اصور غير الحته دى بس و مش واضحة كمان..

http://www.youtube.com/watch?v=Wztjy6Es_-E

.....


و المصيبة ان الباشا كان سايبها تسوق و دراعها مكسور كمان ..

معنديش تعليق اقوله بصراحة .

\
ايه يا درش
مكنتش اعرف انك انسان رجعي كدة!!!!
و كمان بتقول ان البنت دراعها مكسوووور
يا اخي مصعبتش عليك انت كمان
هتبقا انت و دراعها عليها
الراجل كتر خيره حب يخفف عليها آلمها و يفرحها بعربية بابي يا اخي
فداها ميت عربيه
المهم نفسيتها
دة بدل ما كنت تنزل تديها لفه انت كمان
قعدت تدعي عليهم و تصور
...........................

لا حول ولا قوة الا بالله
ايه الي صورلكو كلكو ان ابوه جايبله العربية علشان يلعب بيها ليه منقولش ان ابوه تأمل فيه خير انه يبقي قد مسؤلية العربية وفلوسها وهو الولد حب يتمنظر
مافيه شباب كتير معاهم عربيات بس محترمين ومحافظين عليها
ياريت ندعي للولد والبنت دول بالهداية وان دي تبقي درس للشاب ده

المشاركة الأصلية كتبت بواسطة sasatony

لا حول ولا قوة الا بالله
ايه الي صورلكو كلكو ان ابوه جايبله العربية علشان يلعب بيها ليه منقولش ان ابوه تأمل فيه خير انه يبقي قد مسؤلية العربية وفلوسها وهو الولد حب يتمنظر
مافيه شباب كتير معاهم عربيات بس محترمين ومحافظين عليها
ياريت ندعي للولد والبنت دول بالهداية وان دي تبقي درس للشاب ده

لا ما هو حضرتك الشاب ده جه تانى يوم بعربية اوبل و كان زى الفل ولا كان فى حاجة حصلت ..

و الحياة حلوة ..