سوءال بسيط للاطمئنان على الفتيس

**alzelafy** · 05-05-2009 06:18 PM

كنت عند العفشجى و قلتلو شوف الزيت ناقص و لا لا فى الفتيس ففك مسمار من الفتيس كان فاكر ان هو د ةالمقاس و جه يركبو تانى معرفش فسابو و فك قطعه تانيه وش الفتيس من ناحيه العجله فنزل زيت اخضر تقريبا وركبها تانى و قالى الزيت تمام مش ناقص و حط الزيت تانى بمكنه و خرطوم وركب المسمار بالعافيه و جيت اركب العربيه مرضيتش تاخد اى غيار و الباشا معرفش يعمل حاجه - استعن بعفشجى تانى فقال ان المسمار دة كان مربوط بواير داخلى و ماسك الترس بتاع المارش و لازم يفك الفتيس عشان يركب الواير دة فى المسمار فعملو القص دى فى 3 ساعات ورجعتلهم لاقيت العربيه طبيعيه زى ما كانت بس انا مقلق من تقفيلهم الفتيس و الزيت الاخضر اللى نزل فارجو من الخبراء يعرفونى ايه اللى حصل و كلامو كدة صح و لا بيشتغلنى و الوش اللى فكو دا بتاع ايه العربيه ابيز 98 مانيوال

**أبو صلاح** · 07-05-2009 01:46 PM

بصراحة انا مش عارف ايه الموضوع
بس احب اقولك انك انت اللي غلطان من الاول ان خليت عفشجي يبص على حاجة مش تخصه لاني اعتقد ان ده تخصص الميكانيكي

لكن الواحد مبيتعلمش ببلاش
وان شاء الاخوة الخبراء يفيدوك

**sniperfox** · 24-06-2009 11:51 PM

لو الفتيس منيوال بيبقا لون الزيت اصفر ولو اوتو بيبقا لون الزيت احمر مفيش زيت اخضر

**MohamedGafar** · 29-06-2009 02:54 PM

المشاركة الأصلية كتبت بواسطة sniperfox

لو الفتيس منيوال بيبقا لون الزيت اصفر ولو اوتو بيبقا لون الزيت احمر مفيش زيت اخضر

لأ فيه أخضر فعلا بتاع التعاون بس ده أسوأهم.

تحياتي.

**ahmeaad** · 08-07-2009 06:42 PM

لي سؤال لو سمحتم كنت بغير زيت الموتور العادي وفي كل مره بكشف علي زيت الفتيس في موبيل قيل لي لازم اغير زيت الفتيس ممكن اعرف امتي يتغير زيت الفتيس خاصه انه الواحد مش شايفه مثل زيت الماتور او زيت الباكم افيدوني افادكم الله