قياس مستوى الزيت للفتيس الاوتوماتيك ادخل للمشاركة

عايز اعرف الطريقة الصحيحه لقياس مستوى زيت الفتيس الاوتوماتيك هل والعربية دايرة على الوضع r ولا الوضع d ولا العربية مبطله على الوضع n ايه الطريقه الصح ؟؟؟
مع جزيل الشكر

دايرو وعلى الوضع R
وتشد الهاند طبعاً

الموضوع ده تناقشنا فيه قبل كده
بس عايزين اللى يقول يقول السبب

انا اعرف انه على ال R
بس اشمعنى R ؟؟؟؟

عايزين تفسير علمى

انا فى انتظار الرأى السليم

ما فيه حد عارف ؟؟؟

متابع جدا جدا جدا

what i know that the car should be at P position not R

ما وصلنا لحل ولا حد عارف !!!!

الفيديو ده بيشرح ازاى تقيس مستوى زيت الجير الاتوماتيك

وبالطبع الطريقة الصحية للقياس بتكون والمحرك شغال وبتحرك عصاية الفتيس فى كل

الاوضاع L D N R ثم P اللى هو الباركنج وده اللى بيتم عنده قياس مستوى الزيت

زى ما هنشوف فى الفيديو كليب ده

[youtube]http://www.youtube.com/watch?v=qaR7Fqn3R3E&feature=related[/youtube]

وكمان بعض مقاطع الفيديو الاضافية

[youtube]http://www.youtube.com/watch?v=awV-ecpXhEM[/youtube]

[youtube]http://www.youtube.com/watch?v=vzx9mqkGYvs[/youtube]

[youtube]http://www.youtube.com/watch?v=BR5lZkRuSt4[/youtube]

[youtube]http://www.youtube.com/watch?v=Q5SiZ29cCcU[/youtube]

انا سمعت الرأيين من 2 ميكانيكية مختلفين, واحد قالى على الr , و التانى على الp عادى

بسم الله الرحمن الرحيم
مشكوووووور والله يعطيك الف عافيه

هو ده المطلوب شكراااااااااااااااا

يعني الجميع متفقون على ضرورة دوران المحرك أثناء القياس
النقطة التانية وهي على أي غيار d or r or n or p
أظن فكرة تدوير المحرك نفسها ممكن توحيلنا بالسبب في اختيار أي الغيارات..حرتب الكلام في نقاط محددة متتالية عشان يكون واضح
- المقياس بيقيس مستوى الزيت في الكارتيرة
- لو الموتور مش داير طبيعي إن مستوى الزيت في الكارتيرة- الخزان- يكون عالي وبالتالي لا يعبر بدقة عن مستوى الزيت المطلوب لتشغيل الموتور
-يعني لما الموتور بيشتغل بيسحب كمية من الزيت لتزييت الأجزاء
- المفروض يكون في الفتيس كمية كافية لتزييت الأجزاء أثناء الدوران
- الكمية دي مؤشرها هو مستوى الزيت في الكارتيرة
- وبما أن المستوى أثناء عدم الدوران غير دقيق إذا لا بد من التدوير
- وعشان القياس يكون أدق المفروض يكون التدوير بحمل على الموتور والفتيس عشان هي دي ظروف التشغيل اللي بيستخدم فيها الزيت
- حمل التعشيق على الـd متغير أثناء المشي بحسب السرعة
- حمل التعشيق على الـ p منعدم أساسا
- حمل التعشيق على ال r غالبا بيكون ثابت ومفيهوش تفاوت كبير

أظن ده السبب اللي بيخليهم يختاروا الـ R

أمر أخير الناس اللي في الفيديوهات هم أيضا صنايعية متفاوتين في الخبرة والكفاءة فمينفعش كلاهم يتاخد كمسلمات
- بالنسبة لنقل الغيارات واحد ورا التاني ثم الp فده مش مقصود لذاته، الراجل يقصد إننا نعشق الـ p ونظام عربيته كده، يعني مش شرط نعدي على النقلات كلها قبل القياس المهم نوصل الـp وخلاص على حسب كلامه

كتالوج صيانة سيارتى السيراتو من شركة كيا

يوصى بالتحرك بالسيارة لمدة لا تقل عن 10 دقائق

وتحريك عصا الفتيس فى جميع الاوضع (p,r,n,d)

ثم ركن السيارة على ارض مستوية ووضع عصا التعشيق

على الوضع (nاوp) واجراء عملية القياس

ودى تبقى تعليمات المصنع مش ميكانيكى متفاوت الخبرة

تمام جدا كده جزاكم الله خيرا على الإفادة بس حضرتك مقلتش من الأول إن ده كلام الكتالوج
أنا مشككتش في كلامك لكن الموضوع كان محل مناقشة ومحدش عارف سبب الكلام ده فنقلت كلام الميكانيكي وحاولت أشوف له تفسير من عندي

طب بعد كلام حضرتك إيه هي دلالات مقاس الزيت
يعني المفروض الزيت يكون على أي مستوى بعد المشي بالعربية الـ ١٠ دقائق
وما هو المستوى الطبيعي عند قياس الزيت قبل تدوير العربية والمشى بيها، لأن ساعات الواحد بيحب يطمن على السوائل قبل ما يطلع بالعربية عشان الأمان