المشاركة الأصلية كتبت بواسطة Ayman_52
يا سلام يا د/محمد ... مواضيعك جامده كالعاده...بس ماتزودش من النوعيه دى كتير -------------------------
والصراحه انا متابع موضوع حضرتك من الاول... وكل ما اجى اكتب حاجه اقوم ماسحها وطالع...واقول استنى اسمع اراء تانيه
لانى بصراحه ماكنش عندى رد ... ولانى ماكنتش فاهم الموضوع اوى:k49:
المهم
انا هاتكلم ..كانى بفضفض كده ...اوك
---------------------------
جين2 ...عيبها الوحيد ... عيوب تقفيل متكرره (بس بدات تقل فعليا وتتحسن)
----------------------------
هو ممكن المشاكل اللى حضرتك كاتبها فعلا كانت منتشره فى مو 2006 و 2007...وممكن فعلا الموضوع يوصل للحضرتك كاتبه(ممكن يعنى)
بس فى حاجه تانيه... ان المشاكل دى حلها بسيط جدا...وبقيت معروفه ايه سببها وحله ايه....وبالتالى هى مشاكل بتخنق اه ...بس حلها سريع وبسيط..
وطبعا مش هقول لحضرتك ... ان المميزات اللى فى الجــين مغطيــه على عيوبها ..لان اكيد حضرك عارف
---------------------------
انا مش هتكلم فى حلول المشاكل ... لانها بقيت معروفه جدا...
نتكلم فى حته تانيه..
ليه المشاكل متكرره ...؟؟؟؟؟؟؟؟؟؟
هما ايه مش بيتعلموا ولا بيستهبلوا؟؟؟ ساعات اقول ان هما هناك هيقولوا ...ياعم دول شعب عالم تالت وبيرضى بقليله ومش هتفرق معاه حته مشاكل التقفيل دى .. (ممكن؟؟؟)
وساعات اقول لا ياعم ..التوكيل هو اللى وحش ومستسهل ومستهبل ومكسل و لازم يقف وقفه قدامهم ... وبصفه مصر من اكبر الدول المستورده لبروتون فى الشرق الاوسط هتكون كلمتنا ليها صدى... (باردوا ممكن؟؟)
---------------------------------
طب انا كنت عاوز اقول ايه تانى اااه
حاجه احب اضيفها .... الناس من كتر ماسمعت مشاكل عن الجين .... بقيت بتطلع عيوب من لاشىء
مثال ...فى ناس تقولك .... لا لا لا الجين دى ناشفه جدا ودا عيب فيها !!!!!!!!!!
ايه ياجدعان دى عفشه رياضيه وتصميم شركه كبيره ... طب ماالاسكودا وكل العربيات اللى ثباتهم عالى عفشتهم كمان انشف من الجين المقصد .. هو اينعم الجين فيها مشاكل ..بس الناس واقفه عالواحده معاها ... وممكن تركب عربيه تانيه (يابانى مثلا) وتسمع مزيكا حصب الله جوا (صوت تزييقات) وتكبر دماغها ايه دا انا اتكلمت كتير كده ليه .... بس مش عارف حاسس ان ردى مش مضبوط طب ممكن عشان جعان
طب هاروح اتغدى وارجع اكمــل صحيح يا دكتور .... عاوزين موضوع بقى عن مميزات الجيــن ... بس تتوصى بيه زى ماتوصيت بده كده ...قشطــه تحيــــــاتـــى ياباشـــا
المفضلات