منين اشتري قطع الغيار دي

**mazenossama** · 05-05-2009 11:16 PM

السلام عليكم ورحمة الله وبركاتة
انا عندي فليشيا موديل 97 وفيها حجات بسيطة عايزة تزبيط بس للأسف بدور عليها ومش لقيها فياريت الي يقدر يفدني ممكن الاقيها فين جديد او استيراد وبكام

1-لوحة التكييف فيها اعطال زي سرعة المروحة مبتشتغلش الا علي اعلي سرعة بمعني اول وتاني سرعة مبيشتغلوش فهل ده طبيعي ولا لا عشان انا شاري العربية كده وكنت مطنش غير ان الزرار بتاعة بايظ الي في اللوحة وبردة زرار تدوير الهواء فهل ممكن تتصلح ولو موجودة استيراد الاقيها عند مين وبكام

2-الباكتيتات الاصلية الرفيعة مش لقيها خالص مع ان الي عندي كانت صنع بلدها فهل ممكن الاقيها جديد تعمل كام وفين وبرده لو استيراد
3-بعض الكلبسات وقعت الي بتمسك البلاستيك في جسم العربية ودايخ عليها وبرده مش لقيها خالص

4-عندي العربية مرايات كهرباء وطبعا فيهم جروح وخدوش بصراحة انا خايف تتكسر عشان انا دورت وملقتش منها جديد فهل ممكن القيها استيراد وتعمل كام وهل ممكن اشتري البودي او حتي مراية عادية اصلية واسقطلها مكنة الكهرباء ولا مينفعش

5-عندي التابلوة بتاع عربية اخويا جايب اخرة وعايز تبلو ة جديد يعمل كام تابلو ة موديل 2000او 97 وهل ينفع يركب علي 95-97 بدون مشاكل وهل الي جرب الموضوع ده او شاف التابلوهات كانت حالتها حلوة ولا مجرحة

انا متأسف جدا علي الاطالة بس ياريت الي يعرف اي حاجة يقلهلي وبالذات اسعار الاستيراد عشان الحجات دي فيها خم وكلكم عافين

**mazenossama** · 07-05-2009 04:30 AM

ياريت يا جماعة الي يعرف حاجة يرد وميطنش عشان اخوكم محتار

**hanyreload** · 07-05-2009 10:56 AM

حضرتك لو من اسكندريه يبقى عليك وعلى صلاح الدين فى كذا واحد هناك بيجيبو عربيات متقطعه وخد الى انت عايزه بس بالنسبه للاسعار مش حقدر افيدك لانى متعرضطش للحاجات دى قبل كده اخر حاجه اشتريتها كانت الكفرات الاماميه الى بيركبو تحت الرفارف واشترتهم جداد اصلى ب80 جنيه . وربنا يوفقك إن شاء الله.

**mazenossama** · 07-05-2009 11:14 AM

شكرا ليك يا أخي بس للأسف انا من سكان الهرم ومعظم الحاجات الي بدور عليها للأسف مش موجودة جديدة وخايف يتضحك علية عند بتوع المستعمل فعايز اعرف الاسعار عشان متخمش واعرف نظام الاستيراد

**nezamy71** · 07-05-2009 02:40 PM

1-لوحة التكييف فيها اعطال زي سرعة المروحة مبتشتغلش الا علي اعلي سرعة بمعني اول وتاني سرعة مبيشتغلوش فهل ده طبيعي ولا لا عشان انا شاري العربية كده وكنت مطنش غير ان الزرار بتاعة بايظ الي في اللوحة وبردة زرار تدوير الهواء فهل ممكن تتصلح ولو موجودة استيراد الاقيها عند مين وبكام

عموما يا ريس موضوع السرعتين الاولانين ده موجود في كل السيارات الفليشيا اول سرعتين بطيء جدا والسرعة الثالثة هي التمام
وبعدين عندك واحد في وسط البلد في ظهر التوفيقية امام التابعي اسمه ( السيد صلاح ) ان شاء الله هتلاقي عنده الي انت عاوزه وده تليفونه 25756506

**mazenossama** · 10-05-2009 02:18 PM

شكرا جدا للي رد بس ياريت الي يعرف اي حاجة من الي فوق ميبخلش عشان رده هيفدني جدا

**kamba8080** · 14-05-2009 01:53 AM

في محل اسمه الثنائيه الالمانيه ليه فرع في السلام في شارع المرسيدس و فرع في مدينه نصر في الحي السادس
انا اشتريت من اللي في السلام تابلوه كامل بكل زرايره و اما جيت اركبه لقيت زراير مش شغاله النور اللي جواها و النور ده مش بتتغير لازم تجيب الزرار جديد ب 35 جنيه الصيني
المهم روحت للي في مدينه نصر اسمه محروس و غيرلي كل حاجه
جيبت التابلوه كامل بالعدادات و لوحه التكييف و كل الزراير و الولاعه و الطفايه ب 500 جنيه طبعا قاللي 700 و فاصلت معاه
و ركبته عند كهربائي جمبه و كل حاجه مش شغاله كنت ارجعله و اخد غيرها سليم
و علي فكره اشتريت من عنده تاره كابوريا بتاعت الاوكتافيا بالفيبر بالقطمه كامله بالدراعات بتاعت النور و المساحات ب 250 جنيه
و اشتريت دينامو 70 ب 250 جنيه و كان الدينامو ال55 ب200 جنيه
اتمني اني اكون افدتك
لو روحت عنده قوله جاي من طرف محمد فاروق بتاع حلوان اللي معاه الفيليشيا الزيتي
و في ناس كتير اوي حواليه عندهم قطع غيار اسكودا و ميكانيكيه و عفشجيه متخصصين اسكودا اكن المكان ده توكيل ههههههههههههههههههه

**mazenossama** · 14-05-2009 02:33 AM

المشاركة الأصلية كتبت بواسطة kamba8080

في محل اسمه الثنائيه الالمانيه ليه فرع في السلام في شارع المرسيدس و فرع في مدينه نصر في الحي السادس
انا اشتريت من اللي في السلام تابلوه كامل بكل زرايره و اما جيت اركبه لقيت زراير مش شغاله النور اللي جواها و النور ده مش بتتغير لازم تجيب الزرار جديد ب 35 جنيه الصيني
المهم روحت للي في مدينه نصر اسمه محروس و غيرلي كل حاجه
جيبت التابلوه كامل بالعدادات و لوحه التكييف و كل الزراير و الولاعه و الطفايه ب 500 جنيه طبعا قاللي 700 و فاصلت معاه
و ركبته عند كهربائي جمبه و كل حاجه مش شغاله كنت ارجعله و اخد غيرها سليم
و علي فكره اشتريت من عنده تاره كابوريا بتاعت الاوكتافيا بالفيبر بالقطمه كامله بالدراعات بتاعت النور و المساحات ب 250 جنيه
و اشتريت دينامو 70 ب 250 جنيه و كان الدينامو ال55 ب200 جنيه
اتمني اني اكون افدتك
لو روحت عنده قوله جاي من طرف محمد فاروق بتاع حلوان اللي معاه الفيليشيا الزيتي
و في ناس كتير اوي حواليه عندهم قطع غيار اسكودا و ميكانيكيه و عفشجيه متخصصين اسكودا اكن المكان ده توكيل ههههههههههههههههههه

مشكوررر يا باشا علي ردك

منتحرمش منك بس العنوان لو سمحت ولو رقم التليفون يبقي كتر الف خيرك

بس ياريت لو تقدر تقولي حالة التابلوة كانت عاملة ازاي وتركيبة اتكلف كام
واروحلة الساعة كام