الزمان:- من كام يوم (الجمعة 8 صباحا) صحيت بدرى غصب عنى .
المكان :- صلاح سالم و كوبرى أكتوبر
رايحين عندنا درس فى مصر ا لجديدة ...
عربية واحد صاحبة أوبل أسترا 2001 ..
قولت له بص يا سيدى إنت كل مرة مبترضاش تخلينى أسوقها .. المرة دى الطريق فاضى و مصر كلها نايمة ...
قاللى ماشى ..
إنطباعى عنها:-
1- طلعتها ناعمة و تسارعها جامد جدا جدا .
2- صوت الموتور بتاعها ليه صوت كده تحسوا زى مسدسات إللى بتطلع ليزر فى الGames ... صوت يسخنك قوى
3- العربية ناعمة جدا و ثابته و تحس إنك مالك الطريق .
4- تكييفها جيد جدا .
5- مافيهاش كماليات (حتى الزجاج يدوى) و ده دايقنى ...
6- رؤية المرايات الجانبية معجبتنيش ..
7- الكلاكس مستفز ... حتت زرار صغننت على جنبين الدريكسون و كل ماعوز زمر أعد أدور عليه ربع ساعة .. و أه لو كنت محتاج أزمر لأن حد عمل حاجة غبية .. بعد أخبط عليه زى المجنون ..
8- العزل فيها جيد جدا ..
9- الدريكسيون شكله لذيذ جدا و كلمت airbag تحسسك إنك راكب عربية محترمه جدا ...
الفرش فيها كان جلد إسود وهمى بجد ... حلو قوى ... و كان ساقع الصبح !
10- بس الرؤية فيها ضايعة جدا دا إتريت أخلى ضهر الكرسى مستقيمة لأقرب حاجة و كان عندوا شلته ورا ختها و أعدت عليها , و كمان ا إتريت أقرب الكرسى لأخر درجة عشان أطول البنزين و الدبرياج , .. أصل أنا قصير 168 سم ... ههه
و فى الأخر بيقولى العربية 1200 سى سى ... إزاى يا عم ده أنا حاسس إنى راكب 9000 سى سى تربو !! ... قاللى لا يا عم دى 1200 بس ....
بصراحة عربية متميزة جدا يا عصابة الأوبل ...
أنا إحترمت جدا الأسترا ...
عربية بجد ...
و شكرا ليكو يا باشمهندسين
المفضلات