سلام عليكم

اية رأيكم يا جماعة .. لو عربية فى 20 الف

ماروتى تسعينات ؟

ولا مازدا 323 تمانينات ؟

انا جربت الأتنين انهاردة .. الماروتى طبعا هتبقى احدث والمفروض صيانتها اسهل وقطع غيارها رخيصة والحجم مش فارق معايا قوى لأن تنقلاتى معظم الوقت لوحدى

اللى ضايقنى منها مساحة الدواسات صغيرة خالص معرفش هتبقى مريحة فى السواقة ولا اية


المازدا طبعا اكبر بكتير بس الفكرة انها هتبقى عايزة شوية شغل فى الأول علشان متبقاش قلقان من العربية ، لكن عربية داخلة فى ال30 سنة وصعب شوية متلاقيش فيها بارومة

انا محتار جدا بصراحة ومحتاج عربية فى اسرع وقت عايز اخلص و كدة كدة هتبقى مؤقتة بس على حسب التساهيل يعنى سنتين ولا حاجة ان شاء الله


اية رأيكم ؟ ولو فى حد عندة رأى فى عربية تانية فى رينج ال20 يا ريت يقول

شكرا