لاصحاب الخبره (افيو -لانوس)

**fayedhatem** · 24-09-2007 08:42 PM

ارجو عمل مقارنة بين الشيفروليه افيو والدايو لانوس من كل الجوانب الماتور العفشة الصالون

**hogobingo** · 30-10-2007 02:34 PM

نفس السؤال عندى
يا رين حد يرد

**dreamer** · 30-10-2007 10:17 PM

المشاركة الأصلية كتبت بواسطة fayedhatem

ارجو عمل مقارنة بين الشيفروليه افيو والدايو لانوس من كل الجوانب الماتور العفشة الصالون

الاتنين اوحش من بعض كل واحده لها عيوبها ..... نصيحة لو حبيت تشترى اقل حاجة ممكن تشتريها علشان تحس انها عربية (( الاوبترا )) سيارة خطيرة وسعرها رخيص بالنسبة لها ...... مش اقدر اوصف مدى كفاءة هذه السيارة بالنسبة لسعرها المتدنى ... بس هنقول اه فى مثل فى مصر بيقول الصيت ولا الغنى الناس تروح تشترى النترا ومتشتريش الاوبترا حاجة تضحك المستهلك فى مصر وعيه قليل جدا وبيجرى ورى الصيت وينسى الجودة ......

**elmasri** · 31-10-2007 10:33 AM

مش اوي كدة يا اخ dreamer المقارنة بين سيارتين مشتركين في الفئة والسعة وكذلك قريبين في السعر ولو هاتدخل الاوبترا بينهم
يبقي بتظلمهم والمقارنة بتبقي بينهم مثلا وبين الفرنا زوايا او الكيا ريو مجهولة التوكيل اوالكليو رفارف الفبر .
السيارتين الافيو والانوس توكيل واحد وبلد واحدة والموتور مختلف قليل في الافيو السحب علي الطريق واحد بس الافيو عالية شوية
عنالارض ودة يساعد علي تفادي المطبات الشكل العام مختلف من الداخل الافيو احسن تابلوة سيارة في جميع فئتها شكل الافيو من الامام رائع جدا الاسم راكب شيفورلية

**tooltool123** · 22-06-2008 06:49 AM

بص يا باشا
انا معايا لانوس 2001 وكنا شرينها مستعملة من سنتين ودة تقييم من وجهة نظري

الصالون : متوسط مش هقولك واسع قوي بس مناسب جدا وعملي
العفشة : جيدة جدا وبتستحمل ومبتحكش في المطبات ولو سمعت صوت حكة دة بيكون الشكمان ودة عادي
استهلاك البنزين : ممتاز هي التنك بتاعها 45 لتر مش هقدر اقولك بيمشي قد اية بالظبط بس اللي اقدر اقولهولك انها مبتخدش بنزين كتير يعني مفيش مشكلة من ناحية البنزين
الثبات : الثبات جيد حتي 150 ودي سرعة مناسبة جدا واي سرعة اكتر من كدة يبقي مجازفة مهما كان نوع العربية بس انا مرة واحدة جبت بيها 180 وكتير جبت بيها 160

الصاج : ضعيف نسبيا بس دة مش عيب لان كل العربيات الجديدة صاجها ضعيف
قطع الغيار: رخيصة جدا جدا يعني ممكن تقارن بقطع غيار ال 128 ويمكن اقل منها
التكيف: احنا من اول ما اشتريناها والتكيف مش شغال ومفكرتش اصلحة بس هي عموما تكيف الانوس سيء
سعر اعادة البيع:جيد جدا والعربية مطلوبة جدا ومبتخسرش كتير فيها لو حبيت تبيعها

عيوبها : 1 العربية منتشرة جدا ومبتحسش باي تميز وانت راكبها
2 التكيف الغير عملي
باختصار : الانوس اكتر عربية عملية في مصر يعني هي تعتبر ال128 والبيجو 504 للعصر الحديث

بالنسبة للافيو انا ركبتها مرة واحدة بس العيب اللي لاحظتة فيها انها ديقة جدا من ورا بس من قدام كويسة

**samehafez** · 22-06-2008 09:40 AM

check this

http://www.nilemotors.net/Nile/showthread.php?t=28081

http://www.nilemotors.net/Nile/showthread.php?t=28081

**shady_elkady** · 24-06-2008 02:23 PM

المشاركة الأصلية كتبت بواسطة dreamer

الاتنين اوحش من بعض كل واحده لها عيوبها ..... نصيحة لو حبيت تشترى اقل حاجة ممكن تشتريها علشان تحس انها عربية (( الاوبترا )) سيارة خطيرة وسعرها رخيص بالنسبة لها ...... مش اقدر اوصف مدى كفاءة هذه السيارة بالنسبة لسعرها المتدنى ... بس هنقول اه فى مثل فى مصر بيقول الصيت ولا الغنى الناس تروح تشترى النترا ومتشتريش الاوبترا حاجة تضحك المستهلك فى مصر وعيه قليل جدا وبيجرى ورى الصيت وينسى الجودة ......

على اساس اة حضرتك بتقيم احنا لو اتكلمنا عن مميزات و عيوب بعيد عن السعر هنلاقى العيوب قليلة بالنسبة لعربية كورى

**shady_elkady** · 24-06-2008 02:31 PM

من الاخر انا شايف ان الافيوا متفوقة عن الانوس فى الاتى
1- الفرامل طبعا اتعدلت
2-التكيف اقوى بكتير
3-صالونها اشيك
4-شكل عصرى اكتر

5-من نحية العفشة عفشة الانوس كانت احسن لان عفشة الافيوا خليط بين الانوس و النوبيرا بس من تجربتى عفشة الافيوا نشفة و فيها بعض الاصوات زى الكركبة البسيطة و دة عادى فيها يعنى مش بسبب حاجة فيها مشكلة بس اكيد فى حاجة غلط
6- المتور تقريبا و احد مع زيادة بعض الحجات زى علبة بيئة زيادة و حساسات
7- الثبات ان شايف انوا للافيوا احسن مع ان الافيوا علية بس الكوتش ال 14 خلها ثبتها كويس