صوت موتور العربية علي( عالي) ليه معرفش علي اى غيار الصوت عالي دا ممكن يكون عيب في ايه انا خايفة تكون مشكله كبيرة
عرض للطباعة
صوت موتور العربية علي( عالي) ليه معرفش علي اى غيار الصوت عالي دا ممكن يكون عيب في ايه انا خايفة تكون مشكله كبيرة
الاول حاولى تركزى صوت الماتور بيعلى من ساعة طلوع العربية وعلى كل النقلات ؟ انتى مغيرة زيت الماتور من امتى ؟ والزيت دة بيتغيير كل كام الف كيلو ؟ وهل انتى بتشيكى على مقياس الزيت ولا لاء ؟
يعنى لو صوت الماتور بيعلى من اول مابتطلعى بالعربية وكل مبتنقلى يبقى ممكن الزيت عايز يتغيير او يكون ناقص وعايز يتزود لو لسة بدرى على تغييرة .
لو العربية نظامها كربراتير وليس حقن
( مدفعين ) .
- المحرك في وضع إيقاف ( العربية مبطلة ) إخلفي أي طرفين للبوجيهات ثم شغلي العربية وزودي بنزين لغاية ما تسمعي فرقعتين
- بطلي العربية ورجعي الوضع كما كان ثم شغلي تاني
إن شاء الله الصوت هيوطى وطمنيني على النتيجة
المهم صاحبة الإستفسار راحت فين
ما طمنتناش على عطلها ليه
ميرسي يا جماعه لكل من ساهم بالرد انا ذهبت بيها للميكانيكي عشان اعرف السبب وكنت عاوزه اعرف قبل ما اروح عشان ميشتغلنيش المهم هو عمل حاجه معرفش ايه وطي الصوت شوية بس في سؤال تاني لما يكون الموتور بيطلع من الجمب حاجه شكل الزيت بس لونه محروق والزيت مش بينقص ولونه عادى دا يكون ايه علي فكرة العربية اونو موديل 2000
غيرى الزيت على فترات متقاربة
واستعملى بنزين 92
أيوة يا DAHB
أولاً :
الميكانيكي بتاعك ممكن يكون وطى صوت الموتور من مسمار الأكسلاتير
عموماً إبقي ركزي في كل حاجة بتتعمل قدامك موش لازم علشان تعمليها بنفسك بعد كدة زي ما بنعمل إحنا ( كرجال وكمهندسين ) لكن علشان لما يتكرر العطل تبقي عارفاه و مطمنة من ناحية ومن ناحية تانية الصنايعي ما يشتغلكيش زي ما إنتي وزي ما إحنا كلنا عايزين
ثانياً :
الزيت ( أو اللي شكل الزيت المحروق ) اللي بتقولي عليه بيطلع من الجنب منين بالضبط