مرايا بلوتووث وباركينج سينسور

**Ahmed Sharaf** · 06-05-2009 10:41 AM

ركبت امبارح باركينج سينسور وعايز اقولكم علية :
لانى لغاية دلوقت مش عارف اركن العربية كويس واللى يشوفنى وانا باركن يقول دة بيتعلم جديد وانا اساسا بسوق بقالى 24 سنة وكويس الحمد لله علشان كدة اشتريت المراية دى ( بلوتوث ) وركبت كاميرا فى الاكصدام ومميزات المرايا كالآتى :
1- تشوف الصورة حية خلف العربية وانت بتركن .
2- الشاشة 7 بوصة وواضحة جداً.
3- ممكن تتحكم عن طريق الشاشة - تتش - أو الريموت بتاعها فى درجة نقاء الصورة أو الالوان .
4- ممكن تتوصل بكاسيت دى فى دى .
5- بتشتغل بالبلوتوث على الموبايل يعنى لو حد كلمك بتدى نغمة وبيظهر رقم الطالب وبتسمع صوتة فى سماعة المراية وراكب فيها مايك زى الصورة وكمان بتبين الميسد كول.
6- كمراية هى واضحة جداً ومايلة للغمقان شوية لكن تحفة لو حد منور اضاءة عالية او زينون وراك ( كأن حد منور بطارية ).

انا جبتها من سبير كار وكان سعر المراية والكاميرا بالتركيب 540 جم.

**أبو إياد** · 06-05-2009 11:06 AM

الف مبروك وفعلا هى عمليه وشيك

**zocor742** · 06-05-2009 12:14 PM

طيب عندى كام استفسار كدة هيا المراية دى بتكون مراية عادية لو مش مشغل الباركين سينسور ولا وانت ماشى الكاميرا بتبقى شغالة وبتصور الطريق خلفك وبتنقلها على الشاشة ولا الشاشة بتشتغل فقط وانت بتركن
ارجو من حضرتك التوضيع واكون شاكر لحضرتك

**Ahmed Sharaf** · 06-05-2009 02:47 PM

المشاركة الأصلية كتبت بواسطة islamnabil

ممكن حضرتك تقولنا ايه اخبار الريسوليوشن بتاع الكاميرا
يعني الصورة يتبقى واضحة ولا ايه النظام ؟
وشكرا

الصورة واضحة بنسبة 100% صباحاً وبنسبة 85% مساء

**Imhotep** · 06-05-2009 02:50 PM

السعر ايه و منين يا باشا.......

**Ahmed Sharaf** · 06-05-2009 02:51 PM

المشاركة الأصلية كتبت بواسطة zocor742

طيب عندى كام استفسار كدة هيا المراية دى بتكون مراية عادية لو مش مشغل الباركين سينسور ولا وانت ماشى الكاميرا بتبقى شغالة وبتصور الطريق خلفك وبتنقلها على الشاشة ولا الشاشة بتشتغل فقط وانت بتركن
ارجو من حضرتك التوضيع واكون شاكر لحضرتك

المراية عادية جداً لكن اول ما تنقل الفتيس ريفيرس تشتغل الكاميرا وتنقل الصورة فى المراية , واول ما ترجع الفتيس فى اى وضع تانى ترجع تشتغل مراية عادى.

**Ahmed Sharaf** · 06-05-2009 02:54 PM

المشاركة الأصلية كتبت بواسطة mahora

السعر ايه و منين يا باشا.......

540 جم بالتركيب ( تقريبا التركيب بياخد فى حدود ساعة ) وجبتها من سبير كار فى باب اللوق.

**dr_darsh** · 06-05-2009 03:40 PM

ألف مبروك ياباشا
ماشاء الله جميله وبسعر جميل

**zocor742** · 06-05-2009 03:44 PM

المراية عادية جداً لكن اول ما تنقل الفتيس ريفيرس تشتغل الكاميرا وتنقل الصورة فى المراية , واول ما ترجع الفتيس فى اى وضع تانى ترجع تشتغل مراية عادى

شكرا على التوضيح يا باشا اعتقد انها سهلت عملية الركن بنسبة كبيرة
ياترى فية منها اشكال مختلفة وانواع مختلفة والاسعار تتراوح من كام واعلى نوع كان فية مميزات اكتر ولا كلة امكانيات واحدة

-

الموضوع: مرايا بلوتووث وباركينج سينسور

LinkBack

أدوات الموضوع

عرض

-

-

-

المواضيع المتشابهه

كف مرايا ؟؟؟؟

للبيع سي دي بلوبونكت + بلوتووث كاركيت

باركنج سينسور

سماعه نوكيا bh-215 بلوتووث

مرايا بلوتوث + باركينج سينسور +كاميرا+ توصيلات مزيكا +سماعات

الكلمات الدلالية لهذا الموضوع

المفضلات

المفضلات

ضوابط المشاركة