السلام عليكم يا جماعة،
ما سعر السيارة كيا برايد "العصفورة" بالمواصفات الأتية:
مو 99
دواخل فابريقة و بعض الخوارج
و ما هي عيوب و مزايا هذه السيارة؟!
عرض للطباعة
السلام عليكم يا جماعة،
ما سعر السيارة كيا برايد "العصفورة" بالمواصفات الأتية:
مو 99
دواخل فابريقة و بعض الخوارج
و ما هي عيوب و مزايا هذه السيارة؟!
ياريت بقية التفاصيل يعنى حالة الموتور و العفشة و ماشيه كام كيلو وايه الخوارج اللى تم رشها بالظبط ؟
لسه أنا مشفتش التفاصيل أنا لسه هكشف عليها .... لكن خلينا نقول لو الحالة جديدة بالمواصفات السابق ذكرها تعمل كام؟!
لو حالة جيدة تعمل من 31000 لـ 33500 جنية.... متدفعش اكتر من كدة
شكرا يا نادر على ردك و نصيحتك
اهلاً بك يا باشا معانا في نابل موتورز :) .
زي ما قال نادر ما تدفعش اكتر من 33000
و ممكن 34000 لو فيها تكييف اصلي
لان اكتر من كده يبقي من وجه نظري الاكسيل تكسب
Sameh Aziz
شكرا يا سامح على النصيحة
انا اعتقد انها لو راشه حاجات بسيطة نضافة ف الخوارج بس و العربية كانت حالتها ممنازة اوى حالة شاذة يعنى ممكن تعمل اكتر من كده يعنى ممكن توصل ل35000 او 36000 كمان بس فى لو كده يبقى بيتهيألى الهيونداى الاكسيل احسن وانت ومزاجك..
انت تأمر يا باشا
Sameh Aziz
is it Hatch back or sidan??
بص يا ميجو الواضح من كلامك انك تقصد العصفورة ( كيا برايد هاتش باك - كوري مو99 - بدون تكييف فقط مروحة )
الوانها ( ابيض - ازرق - اخضر - احمر ) كل الوانها حلوه بس الابيض افضلهم
العربية ديه موتورها 1.1 لتر وقدرتها 62 حصان وده خرج ممتاز علي وزن اقل من طن
عفشة العربية ممتازة جدا افضل ما في الكوري في وقتها ( بالمناسبة سعرها كان بيتراوح بين 25 - 28 )
قطع غيار منتشرة واسعارها مش غاليه
العربية اقتصادية في استهلاك الوقود اكثر من 200 كم في الصفيحة علي اقل تقدير
بشكل عام العربية اعتمادية ( قليلة الاعطال ) وفي نفس الوقت اصلاحها سهل وغير مكلف وده اللي خلاها تبقي سيارة التاكسي رقم واحد في سوريا (السيدان)
عيوب شائعة :
--رولمان بلي العجل / بيض - بارات ( امامي ) عيوب قد تظهر وتختفي في حالة معالجتها سريعا وبالطريقة الصحيحة ( استبدال بالاصلي )
-- اسرع في استهلاك التيل (وبالاخص الامامي ) وده لان طنابيرها محملة بس في نفس الوقت بتديك اداء فرامل ممتاز جدا وعلي فكره التيل بتاعها ب 30 جنية انا بغيره كل 10.000 كم ده عشان استهلاكي للفرامل جامد في عربية والدتي ( سواقة عواجيزي شوية ) بنغيرة بعد 20.000 او اكتر
لو تحب تكشف عليها تعالالي بيها مصر الجديده / او عين شمس / المطرية وانا افصصهالك ( مجانا )
ولو عايز تكشف عليها سمكرة وكهرباء وميكانيكا عند مختصيين ده هيكلفك ( 100 جنية )
بالنسبة للسعر زي ماقللولك الاخوة من 31 - 32 وتزيد الفين جنية للتكيف الاصلي ( باناسونيك )