الموضوع: يتحب مصر

انت يا عم راجل جامد، كفاية التوقيع بتاعك الجامد اوى (وعلى فكرة انا عارف انت جايبه منين )...... انا ليا رأى فى الموضوع ده..... هو ان وطنك هو المكان اللى تعيش فيه عيشة كريمة....... غير كده يبقى بلاد الله لخلق الله.......
مصر زيها زى اى حاجة او حته فى الدنيا زى ما فيها الوحش برضه فيها الحلو و الاتنين تم قتلهم بحثا...... و الاتنين موجودين فى اى حتة فى العالم........ يعنى لو انت عايش فى احلى حتة فى العالم لكن اتعاملت وحش او اتظلمت او معيشتك ماكانتش اد كده، طبيعى هتتخنق و تبقى عايز تغير المحيط اللى بتعيش فيه..... لذلك تبقى قاعدة المعيشة الكريمة هى الفيصل فى رأيى....... وده اللى بيفسر كمان الناس اللى بتروح تدفع دم قلبها ثم ينضحك عليها و تغرق قدام اسكندرية فى مقابل حلم السفر بره بحثا عن معيشة كريمة لا يجدونها فى بلادهم.......

لذلك انا محايد و لا استطيع التصويت طبقا للاختيارات التى وضعتها.......

بكرها وبلعنها كل يوم هذة البلاد لم تعد كبلادى
انا اسف

المشاركة الأصلية كتبت بواسطة ابو مريم

بس لما سافرت رجعت بسرعه علشان حسيت انى صعب اعيش بعيد

هى دى بالظبط النقطة الناقصة، يعنى الاخ طنطاوى كان بيسأل هى ايه مصر اصلا علشان نحبها....... جه الاخ ابو مريم قال انه لما سافر لقى انه "صعب" يعيش بعيد ورجع..... و اعتقد لو الاخ ابو مريم كتبلنا عن الصعوبة اللى يقصدها هيبقى فيها اجابة تساؤل الاخ طنطاوى وتوضيح احنا لو بنحب البلد دى بنحبها ليه..... و ده قيمته اد ايه فى مقابل الحاجات اللى بتخلينا عايزين نطفش منها........